كيف أدرب الكوكاتو وطير الأخ يوسف رضوان

[كسا111111ر]

السلام عليكم ورحمة الله وبركاته

كيفكم أخواني وأخواتي جميعاً

قبل ثلاث أسابيع تقريباً أشتريت كوكاتو من الحجم الكبير أبو عرف أصفر ذكر .
المهم الطير يتكلم كم كلمة ويصفر ويرقص وأليف شوي مو مره
يعني اقدر اني اطلع من القفص وأمسك بس راسه وأحكه
غير كذا ممنووووووووووع
ودي اني ادربه انه يطلع على يدي حاولت أكثر من مره بس الطير يخاف كثير
واذا كان خارج القفص وحاولت امسكه واطلعه فوق يدي يطير في الغرفه ويتعبني
أنا بصراحه شريت الطير لانه شكله حلو ويقولون انه من افضل لطيور الي تكون الليفه من الأنسان
ودي اني ادربه انه يطلع على اليد واحمله براحتي
أخواني اللاحظ ان الطير يخاف من الأصوات والحركات المفاجأة ووقت يكون خايف يرفع العرف فوق راسه دليل انه خايف او معصب
ودي منكم تتكرمون علي بكيفية تعويد وتدريب الطير انه يكون طير الليف
انا شفت موضوع للأخ يوسف رضوان وهو حامله طير بصراحه أول شيء اقول ماشاءالله على طير
وبصراحه اني حاسده على الحركات الي يسويها وانه يقدر يحمله بالشكل هذا .
وما ادري يا أخ يوسف كم تبي في الطير وهل هو ذكر او انثى ؟

[كسا111111ر]

Up

[~TARIK~]

سلام عليكم ورحمه الله
الف مبروك اخوي كسار
السلفر كريستد كوكاتو من اجمل الطيور بنظري وانا انشا الله راح اشتري واحد قريب
ويتميز السلفر كريستد كوكاتو بقدره المذهله لتقليد الاصوات ويسبب بعض الضوضاء
وميزه اخرى اخوي الكوكاتو يحب العناق ويطلق صيحه بعد العناق
وطيرك ماشاء الله عليه مايبغاله الا الصبر والصبر عاوز صبر لوحده

[تاكو]

اخواني التدريب يحتاج الى صبر وتأني
ثلاثة اسابيع لاتكفى بأن تجعل حيوان اوطير
يطيعك ويعطيك ماتريد
بعض الطيور بطبيعتها تصعد على اليد
ويكون لها صفات معينه مثلنا نحن البشر
هناك الخجول وهناك الجريئ
والتدريب يحتاج الى الصبر ثم الصبر وثم الصبر
وعدم التسرع في النتيجه
اخي كساااار
بعض المربين يأخذ معه الطير اكثر من سنه في التدريب
نحن نريد النتائج بسرعه لأننا ليس لنا طاقة على التدريب
وانا اسف على الإطاله والنصيحة طبعاً للجميع وشكراً

[كوكاتو وسيم]

السلام عليكم ورحمة الله وبركاته
اولا: يجب ان تصبر على طيرك لانه لم يتعود على بيئته الجديدة
ثانيا : حاول ان تكسب ثقته بكثرة الحديث معه ومدحه وعدم ازعاجه
ثالثا : قدم له بعض الحبوب مكافأتا له بيدك بعد كل جلسة تدريب
واخيرا : ياخوي المسألة مسألة وقت فقط لا غير
الله يباركلك فيه

[تاكو]

بارك الله فيك اخي كوكاتو وسيم

[ThE aSHeN joKeR]

السلام عليكم ورحمة الله وبركاه
هلاااااااااااااااااااااااااااااااااااااااااااااااااا و الله هلا وغلا
حبيبي أنا راح أعلمك السر لي يخلي الطيور كلهاااااااااااااااااااااااااااااااااااااااااااااااااااااااا معي كدا
كل طيوري بنفس الطريقة العب معاها على كيفي وخاصة الكوكاتو بشكل خاص هوه الطير لي العب معاه بسرعه
السر هوه :::::::::::::
اني اقدم كل المحبة و الحنان لي في قلبي للطير انا ماوفقت في علاقاتي مع الناس
بس مع الحيونات و الطيور الحمد الله دايم أسأل نفسي ليش كذا
مومهم المهم كيف تسوي طيرك كدا اتبع النصائح التاليه
* تعليم الطير على الأكل من اليد وتقديم الطعام له على وجبات
* مداعبه الطير يومياً يومياً يومياً على الأقل نصف ساعه
* فك الطير فقط عند تواجدك بعض الأحيان و الباقي في القفص
* عدم ضرب الطير أو حتى رميه بنضرات الغضب لأنه يفهمها
* محاكاته دائماً بنعومه و الضحك بوجهه
* محاولت لمسه وتدليكه في جميع انحاء جسمه
* تقديم المكافئات كالفواكه و الفول السوداني
إن شاء الله راح يحبك طيرك مثل ماتحبني طيوري بس الحسد موزين
إذا تبي طيري ابيعك اياه عادي مافي مشكله
الله يخلي لك طيرك
الطيور غير بني البشر المغرورين
الطير تحب الأنسان لي يحبها ويقدم لها الحنان والمحبه
بس بني البشر يخونوا هذه الشخص بسهوله
مع تحياتي مستعد اساعدك إذا تبي
يـــــــــــــــــــــــــــــــــوسف رضوان
0559055176