اشترك في نشرتنا البريدية ليصلك كل جديد

متااوي · 18-04-2009, 08:10 PM

بسم الله الرحمن الرحيم
اخواني خذت كاسكو هو منتف ريشه
المهم وبعده يالسه وينتف ريشه وحطيت له لعبه بالقفص
ومطلنه والعب معاه بس بعد ينتف ريشه
شو الحل الصراحه خايف عليه

كاسكـــو · 18-04-2009, 08:30 PM

اتوقع معه حاله نفسيه تسمى ( أكتئاب الطيور )

يلزم تشتري له طوق لحمايته من نتف ريشه او تصنع لك واحد

راجع قسم الببغاء فيه بعض الاعضاء منزلين مواضيع عن كيفية صناعه طوق

واذا تقدر في حبوب اكتئاب للطيور مدري هي موجوده عندكم تساعد في علاج الببغاء

وهو الحين فيه حاله يأس يبي تبدأ معه من اول وجديد عشان يرجع ببغاء طبيعي وترجع ثقته ببني البشر

جداااوي · 18-04-2009, 09:11 PM

.زي ما قال لك الاخ كاسكو
الطير يعاني من حاله نفسه
حط لهة طوق وكثر جلساتك مع الطير
والله يوفقك في اختيارك
تقبل مروري

مجنون عويشق · 18-04-2009, 09:59 PM

السلام عليكم ورحمة الله

قبل مــانحكم على الطير اخي الغالي

خلنا نشوف جسم الطــائر ...نظامه الغذائي !!

فقد يكون مجرد تبديل للريش كماهو مع طائري

ولكن تبديل الريش غالبا لايلاحظ على جسم الطائر لان هناك شيء يعوضه

بالتوفيق

Q8 Sailer · 18-04-2009, 10:04 PM

هلا اخوي .. احتمال تكون حاله نفسيه أو حساسيه ..

انصحك توديه للبيطري ويفحصه وان كانت حاله نفسيه ..

حلها بسيط والشباب مايقصرون معك .. لكن ان كانت حساسيه .. اخذ له دواء

واشتر له ملتي فيتامين ينحط بالماء علشان يقوي ريشه ...

والله يعينك ..

زياد محمد · 18-04-2009, 11:24 PM

هلا اخوي سلامات على طيرك ماقد ازيد على كاسكو وجدااوي واذا مانفع مثل ماقال الاخير وده للبيطررري هههه تقبل مروووري بدووون مخالفات

متااوي · 19-04-2009, 03:05 PM

جزاكم الله خير ماقصرتو
هو يخاف اشوي لما اقرب منه يعني اذا كان على القفص ما يرضى يركب على يدي اما اذا نزل يركب على اليد واقوله تعاي يجي عندي ان شاء الله بحاول اوديه البيطري بس خايف اوديه لان قبل كان عندي كاسكو وديته البيطري عطاني كبسولات وبعد يوم مات الكاسكو