✿[ اسئل هنا عن الهامستر ]✿

[قطة الأحلام]

شكرا اختي دايما ماتقصرين بس انا شاكة انها حامل لأني هذه الأيام لمن اعطيها خس تاخذها ماتاكلها تخزنها في خدودها واليوم في الليل شفتها تضرب حبيبي جوردن فرقتهم مرة بعدين تكررت ثلاث مرات فصلتهم انا اعرفهم مو كذا اول كانوا متحابين فهل هذا من علامات الحمل اما ماذا ومتى يظهر علامات الحمل وشكرا.

[Withered Rose]

العفووو
يمكن تكون علامة من علامات الحمل .. إنتظري 4 أيام و ردي حطيها معاه إذا صار شجار يعني 80% تقريبا حامل و شيليها على طول و راح تطلع العلامات بعد 9 او 10 أيام بوضوع من الشكل الخارجي و تدور البطن ..

[قطة الأحلام]

شكرا لك مشرفتنا العزيزة عمرك ماتقصرين في شيء.

[Miss lexus girl]

.+[ هالمرة أنا بسأل ^^"

قلتلك إني اشك سنوو حامل من كمن يوم

إمممم بصراحة للحيني ما تأكدت

هي صح حجمها زاد.. بس حجمها الكلي.. يعني صارت أكبر

وفي إنتفاخ مدور بسيط في بطنها.. بس مادري هل هو حمل أو لا؟

يمكن من الأكل اللي أعطيها.. بيض حليب.. وأشياء ماكنت أعطيها من قبل وايد،،

وشي ثاني.. من أبطل لها القفص وايد تتعلق فيني وأضطر أشيلها..

وجـآريت.. أول الأيام لما كنت شاكة.. قلتلكم تهاوشوا.. ولما أقربه من قفصها وهي داخل وهو برة على طول تتنرفز

لكن اليوم.. خليته جمب القفص وهي عادي حتى كانت كأنها تبي تطلع..

والعكس حطيتها فوق علبته وهو داخل ونفس الشي

فمادري.. هل تنصحوني أجرب أجمعهم مع بعض؟؟

لأن طبيعي إذا كانت حامل ما بيحدث تزاوج صح؟ وبيتهاوشون وبترفضه

لأن انا قارية موضوع الحمل.. بس مو عارفة أجزم.. خاصة لأني ماشفت التزاوج بعيني ولا حسبت

فـ شووو تقترحوون؟؟

وشي بعد.. قفص سنوو ماغيرت النشارة من أسبوع وشي.. ع أساس إنها حامل.. وانا مخلية النشارة مرتفعة تقريبا 6 سم

أقدر أغيرها ولا بعد أنترظ للتأكد من الحمل؟؟ أحس صايرة وصخة وقديمة ×_× ]+.

[Withered Rose]

وفي إنتفاخ مدور بسيط في بطنها.. بس مادري هل هو حمل أو لا؟

إذا كان مدور و صلب قليلاً نسبيه مقارنه بباقي الجسم إن شاء الله حامل ..
حاولي تمسكينها من الجلده خلف الرقبة و ببطئ قلبيها و تأكدي من البطن .. بنهايات الحمل تحسين بحركه الأجنه داخل ..

لأن طبيعي إذا كانت حامل ما بيحدث تزاوج صح؟ وبيتهاوشون وبترفضه

صحيح و إذا عزلتيها بس الشك بالحمل و قامت بالشجار بعنف معه فإنه قد يكون حمل أما إذا لا يوجد حمل تلقينها عادي عندها وجوده و ممكن يكون تزاوج ..

لأن انا قارية موضوع الحمل.. بس مو عارفة أجزم.. خاصة لأني ماشفت التزاوج بعيني ولا حسبت

فـ شووو تقترحوون؟؟

بعد عزلها حسبي 4 ايام و رجعيها معاه إذا تشاجرت بقوة يعني حامل أما إذا كان الوضع طبيعي نطري عليها من 2 إلى 3 ساعات إذا لم يحدث تزاوج عزليها ..
و اليوم التالي جمعيها مره أخرى .. و كل ما .. كا حدث تزاوج نطري و بعدها عزليها لحد ما ايي اليوم اللي بيكون فيه التزاوج (اهوا يوم واحد بين هالـ4 أيام) ..

أقدر أغيرها ولا بعد أنترظ للتأكد من الحمل؟؟

غيريها مو مشكله لكت يكمن الخطر بعد الولاده و لكن قبل الولاده عادي و لكن خلي جزء بسيط من النشارة القديمه مع اليديده عشان ما تستغرب من الريحة الجديده ..



و مبرووووووووووووك إذا طلعت حامل و الله يخليهم لج

[aldanh]

ياجماعه في عندي همستر عمرها شهر ونص يصير تحمل في هذي العمر

لأني شاكة يمكن تكون حامل انا كنت حاطته في قفص واحد مع ابوها وشفتهم كذا مرة يتزاوجون

[فتفوته]

السلام عليكم

اخوي الله يعافيك

ابي اعرف نوع همستراتي

لونها ابيض وشعرها مو كثيف ولا خفيف وسط

وعيونها حمراء وحجمها كبير

هاذي صورة لها مع عيالها بس للاسف مب واضحة كثير ..

http://www.9q9q.org/index.php?image=P8foqnURQSQptp

http://www.9q9q.org/index.php?image=bqwGIF1yx7305Y


السؤال الثاني

كم فترة حمل الهامستر ؟ لأني شريتها وهي حامل

وشكرا

[Withered Rose]

الدانه ..


فرصة الحمل ضعيفه صحيح بعضهم بهالعمر يكونون بالغين و لكن الإنتاج بهذا العمر خطر لأن الصغار سيكونون ضعااف جداً ..




فتفوته ..

و عليكم السلام و رحمة الله و بركاته ..
اللي عندكِ هو خنزير غينيا او الكافي و ليس هامستر .. ما شاء الله جميل ..
هناك مواضيع القوارض المهمه و من ضمنها مواضيع الكافي مثبته بالقسم ..

[فتفوته]

الله يجزاك خير اخوي طيب سؤال ثاني معليش

القفص فيه اعشاب طويلة يا كلون منها مدري وش اسمها

هل ينفع استبدلها بأغصان واوراق شجر ؟ واذا اكلوا منها تضرهم ؟

طبعا غير نشارة الخشب والورق

وهل ينقلون أمراض بالنسبة للإنسان ؟


وشكرا

[أم ضرسين]

السلام عليكم ورحمة الله وبركااته

انا عندي همستر وربت من 10 اياام ويابت 5 اطفااال وخليتهم في البيت مع امهم بس وعزلتهم عن البقيه واليوم في اليوم 10 ذهبت اشوفهم ولقيت بس 2 منهم ويد صغيره وسؤالي هل الانثى تاكل أطفالهاااااا وماذا يجب علينااا عمله..

وشكراااا جزيلا....