اول دجاجه,اول مشاركه,اول بيضه,اول سؤال :)

[onlynectar]

السلام عليكم ,,,,

منتدى رائع وعلى مايبدو اعضاء اروع...

اليوم سجلت بعد تصفح المواضيع والاستفاده ابشركم كبيره,,, فشكرا لكم جميعا...

في الحقيقه انا غشييييييم بالدواجن (الدجاج تحديدا)

قبل اسبوع طرى على بالي اربي دجاج هههههههههه

رحت اشتريت اربع دجاجات وديك (بلدي) طمعا بالبيض

صار لهم الحين 8 ايام واليوم وجدت اول بيضه وماتتصورون فرحتي وحبيت اعرف منهي الي باضتها اي وحده من الاربعه وبقيت اتابعهم ولقيت وحده امورها غريبه تتحرك كثير وباقي الدجاج متجمع وثابت الا هي شيطاااااااااااااانه على غير العاده وبالاخير راحت و (رقدت, مدري وش تسمونها المهم يعني اجلست عليها) فعرفت انها هي الشيطانه

لذلك عندي كذا استفسار ...

اولا :

راح اضع بين ايديكم فيديو متعدد للحضيره مدري الخم مدري وش تسمونه
وابي منكم رايكم فيه.... هل هو مناسب ماذا ينقصه و و و ....

الـــــفـــــيـــــديـــــــو



http://www.youtube.com/watch?v=BzE8BhjsUs0



http://www.youtube.com/watch?v=OQmCESFl7VA



http://www.youtube.com/watch?v=pLOv89HXLWY



http://www.youtube.com/watch?v=ps49679Jh3c



http://www.youtube.com/watch?v=jsdTO4uwGLc


ثانيا: ومهمممممممممممممم جدا
البيضه لقيتها مشطوبه شطب خفيف فهل هذا يعني انه ماراح تفقس او عادي....
وبماذا تنصحوني
هل اقوم بنقل الدجاجه وبيضتها في مكان اخر او تبقى كما هي (كما كان واضح بالفيديو)
هل ازيد البيض من برى
واذا كنت بجيب بيض بلدي من برى كيف اعرف انه ملقح


ثالثا : برضو مهممممممممممم جدا
هل اتوقع بيضه اخرى منها غدا

هذا كل ماعندي (لا تفشلوني تراني غشيم في الدجاج وهذي اول مشاركه واول بيضه واول دجاجه اربيها اقصد اربع دجاجات وديك )
OnlyNectar

[im-alone]

مبروك اخوي ع الحلال والله يبارك لك فيه ...

و يا هلابك اخوي في المنتدى ...

وعن الدجاج لما يبيض .. ييبقى فترة يستريح فيها ..

واذا طالت المده يعني يوم كامل .. معناها ركت (رجنت) ع البيض ..

و جييب بيض من برى ... او جمع البيض اللي يبيضونه دجاجك ..
وان شاء الله يكون حافز عشان ترك...

واذا تبغي تعرف انه ملقح .. صعب شوي..
بس ممكن تحظر سطل ماء وتحت البيض اذا غاصت يعني ملقحة ..


والفيديو بالمقلوب ههههـ !! ...
وشكرا وتقبل مروري ...

[فرّي]

ماشاء الله تبارك الله حلويين جداً والمكان رائع ومميز السطح - احسن مكان لتربية الدجاج

تربية الدجاج سهلة جداً وغير متعبة

الدجاج يبيض كل 26 ساعة بيضة على حسب معلوماتي ! او كل 24 ساعة

ولا تخاف راح يكون عندك بيض كثير مرة بإذن الله بس انت اصبر بس خلهم يتعودون على المكان

ويرتاحون له و بعدها يبيضون كل يوم بيضة

لكن لاحظت في [ المخفق ] المكان اللي تبيض فيه الدجاجة فيه عدة منافذ وكلهم غرفة وحدة

يعني المفروض كل منفذ يكون لحاله افضل عشان كل دجاجة تبيض في مكان مستقل واذا رجنت دجاجة تكون رجنت لوحدها


الدجاجة اللي راجنة في المقطع هذا

هي تحب تستريح بعد ما تبيض

وتستريح على البيض
انا عن نفسي جبت الدجاج إلى بيتي وبعد مرور 3 أسابيع رجنت الدجاجة

و ومن علامات اللي تظهر على الدجاجة قبل ما ترجن :

ذبول العرف و يطلع لونه غامق قليلاً ويطلع يهز يمين ويسار اذا حركت راسها او اذا جات تاكل

و ظهور العدوانية بينها وبين الدجاج وهذا بسبب خوفها على البيض اللي هي راجنة عليه
تحياتي لك

[صمت الأمل]

وعليكم السلام ورحمة اللهـ وبركاتهـ ..



أول شيء أحب نرحب فيكـ بهالمنتدى ..



أهلا وسهلا فيييييكـ ,, ان شاء اللهـ نفيد وتستفيد ..



وألف مبروكـ على هالدجاج ,, ان شاء اللهـ ماتشوف منهـ الا كل الخير .



والعشهـ ماشاء اللهـ تباركـ اللهـ .. نظيفهـ وحلوهـ ومنظمهـ .. لكن للأسف ناقصها شيء واحد فقط ..!!



باقي اللهـ يسلمكـ تشبكـ لهم تلفزيون على الدش مباشرهـ عشان يتسلون .. ولاتنسى قناة ناشونال جيوجرافيكـ ..!!



ترى أمزح معكـ ,,



وبخصوص البيضهـ اذا هي استمرت بحضنها أكثر من 3 أيام فهي بإذن اللهـ ناويهـ ترجن أو تركـ أو ترقد على البيض .



وترى الدجاج يحب يجلس في المكان اللي يبيض فيهـ ,, او يستريح بعد مايبيض ,, فلاتتفائل كثير ثم تتحطم ..!!



لكن أنت استمر بمراقبتها .. وحاول مايكون فيهـ أحد يزعجها كثير ..



وأيضا اذا تقدر تزيد التبن على مكان جلوسها ,, لأن أخاف مايكون كافي وتسببت الأرضيهـ بكسر البيضهـ وتتفادى هالكسر في البيضات القادمهـ .



واذا لاحظت ان الدجاجهـ مصممهـ على الرجن فلازم تاخذ بيض ملقح من شخص ثقهـ ..!!



حاليا لازم تنتظر ,, ونشوف مع مرور الأيام ..!!



واذا احتجت بيض مخصب وماتعرف أحد قول لي عشان أرسل لكـ رابط موقع ممتاز لبيع البيض المخصب .



وأي اسألهـ أخرى تفضل بطرحها .



في أمان اللهـ .

[AHMAD55]

اهلا وسهلا فيك بين اخوانك

والف مبروك عالدجاج والله يباركل

الاعضاء الكرام افادوك جزاهم الله خيرا

وانا حبيت ارحب فيك واباركلك

واهنيك على الاهتمام الجيد بمسكن الدجاجات ثابر والى الافضل

[im-alone]

المشاركة الأصلية كتبت بواسطة صمت الأمل

والعشهـ ماشاء اللهـ تباركـ اللهـ .. نظيفهـ وحلوهـ ومنظمهـ .. لكن للأسف ناقصها شيء واحد فقط ..!!


باقي اللهـ يسلمكـ تشبكـ لهم تلفزيون على الدش مباشرهـ عشان يتسلون .. ولاتنسى قناة ناشونال جيوجرافيكـ ..!!


ترى أمزح معكـ ,,


.

قلت شو اللي ناقص !! يمكن نستفيد ..!

[mustaf]

بالنسبة للسؤال الاول الاماكن اللي انت عاملها لوضع البيض غير مريحة وعشان هيك قامت بوضع البيضة خارجا فانت كبر الدوائر وافصل بين كل واحد والثاني بكون أفضل يعني ما تخليهم مفتوحات على بعض
السؤال الثاني انت الافضل انك تجمع البيض وتأكله لانوا الدجاج ما بتعرف متى برقد لانوا برقد على كيفوا فانت لما تشوفها جالسة على البيض ولو على بيضة واحدة طول اليوم تكون رجنت ولما ترجن جيب بيض من ناس بتعرفهم عشان يكون ملقح
السؤال الثالث
اذا كانت بتبيض أول مرة راح تقعد أسبوع تقريبا لحين ما تبيض اما اذا كانت باضت من قبل فان شاء الله بتبيض كل يوم بعد يوم

[onlynectar]

شكرا لكم جميعاااااااااااااااااااا

في الحقيقه انها اول بيضه لها ....
واليوم ابشركم لقيت بيضه ثانيه بجنب الاولى (وناسه ههههههههههههههههه)

بس للأسف الدجاجه مو معبره البيض (مو وناسه ماينفع اضحك هنا)

الأخ im-alone
شكرا لك اولا على الاهتمام وثانيا على طريقة الماء لمعرفة المخصب

الأخت صمت
انشالله بركب لهم بلازما 3D ههههههههههههههههههههه

الأخوان الي علقوا على البيضه الي بالخارج والخشب انه مو مفصول

انا طلعت من الدجاج الساعه 1 الظهر رحت اجيب الخشب جيت لقيت البيضه على البلاط ههههههههه حتى البرسيم ماكان موجود لأني نظفت المكان من نشارة الخشب وعلى بال مارحت اجيب الخشب (الخم) والبرسيم لقيت البيضه على البلاط ...

ماهو رأيكم.. اثابكم الله

[ra22d]

مبرووووك وعقبال عندي اخوي