بعض الاسئله

[صقرالسعودية]

شباب اشتريت زوجين حمام زوج باكستاني وزوج لبناني المهم انا محطهم في محاكر ابي اعرف

اش احسن شي للحمام من ناحيت المكان الي يبيضون فيه بيت صغير مقفل وفيه فتحه صغيره
او زي الصحن ما اعرف اش اسمه الي يجي من فخار و ارضيت المحكر محطها من شبك عشان الوصاخه تنزل تحت هي احسن او الخشب و الباكستاني كم مره يبيض في السنه هو و اللبناني
الذكور تضارب احسن افصل الزوجين عن بعض


واسف على الاطاله
بس غشيم واحب الحمام

[صقرالسعودية]

وكيف اعرف ان البيض مخصب او لا

[البدبخت]

مبروك عالحمام ويتربون بعزك ..


وعلى حسب خبرتي في تربية الحمام راح ارد واقول ..

اش احسن شي للحمام من ناحيت المكان الي يبيضون فيه بيت صغير مقفل وفيه فتحه صغيره او زي الصحن ما اعرف اش اسمه الي يجي من فخار ؟

انا افضــل الصحن اللي من الفخار .. لانه سهل التنظيف وما تتجمع فيه الحشرات .. بعكس صندوق الخشب اللي يتآكل ويتربى فيه انواح الحشرات وخاصة اذا صادته الرطوبة والماء ... فيفضل الفخار ..

ارضيت المحكر محطها من شبك عشان الوصاخه تنزل تحت هي احسن او الخشب ؟

ما اعتقد ان لنوعية الارضية له تأثير ... بس يفضل انك تغطي نصف الارضية بقطعة من الخشب في الشتاء .. اما في الصيف لا ما يحتاج اتسوي شي لان الشبك بيكون احسن لهم للتهوية ..

الباكستاني كم مره يبيض في السنه هو و اللبناني
الذكور تضارب احسن افصل الزوجين عن بعض

على حسب خبرتي من ثلاث مرات لأربع مرات . ويفضل انك تخلي كل زوج بمحكر لحاله وتوفر لهم عش الزوجية والمكان الداقيء

------------------

وهذا اللي اعرفه .. وان شاء الله الاعضاء راح يساعدونك اكثــر ..


وبالتوفيــق ..

[صقرالسعودية]

مشكور اخوي البدبخت على المعلومات الجميله

[زيبرا]

كلام اخوي صح ومشكور

[hunter66]

كلام اخوي صح بس احب اضيف ان الزوج يبيض على حسب توالف الزوجين يعني الباكستاني ما شاء الله ينتج بسرعه لكن اللبناني ما ادري عنه و مشكور.