القفازات تؤثر عليه

[ابوفيصل966]

السلام عليكم ورحمة الله وبركاته

ياخواني الاعزاء عارف اشغلتكم بهالببغاء بس والله مالي الا الله ثم انتم سؤالي انا عندي ببغاء غيني يتكلم بس الله يهديه شرس ولعب في يديني لعب واذا حاولت المسه يسوي حركات يخوفني منه يطق منقاره في الصحن ويهجم بسرعة المهم لو استخدمت معه القفازات الى ان ياخذ علي هل بتاثر على نفسيته وممكن ماعاد يتكلم والا عادي

ولكم جزيل الشكر

[شاقي]

باذن الله ما تاثر
بس لو تكون يدك افضل من القفاز
انا عارف انك معاني بس تحمل
حطه فوق الاستاند وحط في اصباعك عسل
واستدرجه لما تقبل عليه لا تخلعه كانك تتعامل معى طفل

[waleed11]

صحيح كلام اخوي شاقي

حط بااصبعك عسل وهو بطبعه يستكشف لاتخاف منه صدقني بس عضه بسيطه ياخي ماادري ليه تخافون من ببغاء ياعالم استحوا والله العظيم الواحد كبر الببغاء 20 مره

على العموم محل التدريب خله غير محل الببغاء الاصلي

والقفازات ماتنفع ماتقدر تتحكم باصابعك

[*هاوي البادجي*]

القفاز ممكن يسبب خوف

يعني يخليه خواف

واذا روضته بالقفاز


راح يتعود على القفاز موب ايدك

اللي
تسويه

تحط على اصبعك فول سوداني
لأن الافريقي يموت بالالفول السوداني

بس طبعا الفول السوداني من الجمعيان اللي يجيك بعلمه مو العادي المطحوون


وصدقني بينسى العض وابدا بالتمسيح وبيحبك


تحياتي اخوك فواز

[*هاوي البادجي*]

وهذا موضوعي للترويض

اضغط هنياا

[ابوفيصل966]

يعطيكم العافية ياخوان على المعلومات القيمة
اخوي وليد ياما فيه اشياء احنا اكبر منها ميتين مرة ودت ناس القبور ولك في الحشرات اكبر مثل وبالنسبة للبغاء منقارة ياخي يكسر العظم مو اي كلام

وان شاء الله بابداء اسوي موضوع العسل لعل وعسى

[ابوفيصل966]

شكرا اخوي هاوي على الموضوع المشكلة هذا مرة تلقاه هادي وممكن يخليك تلمس واحيانا فجاة يقلب واذا قربت يحاول يعظك واحيانا يهجم بشكل سريع ويضرب راسه في صحن الاكل

اتمنى معرفة الحالة المزاجية متى اقدر المسه ومتى لا يعني هل فيه حركات معينة اذا شفتها في الطير ادري انه خايف وماله خلق احد