الكاسكو مزكم وتعبان دعواتكم له

[أمجـاد]

السلام عليكم

بدخل بالموضوع علطول

من شهر تقريبًا الكاسكو صار ينزل من منقاره زي المخاط وما ينطق بأي كلمه ولا يأكل ولا يشرب واخذته لمحل طيور ( لإني ما اعرف عيادات بيطريه ) وقال صاحب المحل ( طبعًا عنده خبره بالطيور وعندهم ادويه ) الكاسكو عنده إلتهاب بالحلق ووصف لي هذا الدواء والطريقه احط له 15 نقطة والماء يكون نص المشربيه لمدة 7 أيام والحمدلله تحسن بعد ما كمل فترة العلاج

ومن أسبوعين تقريبًا لأحظت لما اقرب اذني من عنده اسمع زي صوت صفير من خشمه ولكن الحمدلله يتحرك ويأكل ويشرب بصوره طبيعيه ومن يومين تسكرت عينه اليسرى واعطيته نفس الدواء اللي فوق وصار ينزل زي المخاط من فتحه وحده من خشمه واخذته لنفس المحل وقال الكاسكو واضحه عليه علامات الزكام واكيد هو متعرض لنفحات هواء بارد ( يقصد مكيف ) وللأمانه الببغاء حاطته بمكان ما فيه أي وسيلة تكييف ولا عرضته لأي تيار بارد المهم قالي استمر على نفس الدواء ولكن اليوم حالته توجع القلب مسكر عيونه الثنتين والمخاط ينزل من الفتحتين من خشمه وما ياكل حب وعن نفسي من اعطيته هذا الدواء وصار ينزل مخاط من خشمه ، من قبل لاحظت بس صوت وكأنه يعاني من إحتقان بالأنف أو ضيق بالنفس

وصح قالي بعد ما اخلص 7 أيام من الدواء اللي فوق اعطيه يوم اجازه وابدأ معه بهذا الدواء

أنا خايفه يصير له شيء وافقده بالله فيه حل أو علاج اسويه بالبيت وأهلي يخوفوني اللي يقولي طيريه واللي يقول بيعيه واللي يقولي لا تقربين منه يمكن هذا مرض معدي الله يكافينا الشر

أنتظركم

ملاحظه / اللي يعرف عياده بيطريه بمحافظه الأحساء بالشرقيه يدلني عليها الله يجزيه الجنه هو ووالديه

[monybat]

اختي
استخدمي مضاد فلورا فيت
راح يأتي بنتيجه بإذن الله ستة نقاط في المشرب لمده اسبوع
وغطي الطير بكمبل من كل الجهات ما عدا الجهه الاماميه

طبعا شهية الطير ضعيفه عليكي بغره واكل الغر تعمليه من الماي اللي فيها الدوا
بالتوفيق

[الكواسر ب]

فص ثوم وقطعيه شرايح وحطيه بمشربية الماء وكم نقطه من الليمون لمدة 3 ايام
والله يشفي طيرك

[أمجـاد]

المشاركة الأصلية كتبت بواسطة monybat

اختي
استخدمي مضاد فلورا فيت
راح يأتي بنتيجه بإذن الله ستة نقاط في المشرب لمده اسبوع
وغطي الطير بكمبل من كل الجهات ما عدا الجهه الاماميه

طبعا شهية الطير ضعيفه عليكي بغره واكل الغر تعمليه من الماي اللي فيها الدوا
بالتوفيق

هذا المضاد خاص بالطيور ؟؟؟ يعني لازم صيدليه بيطريه ؟؟؟

طيب أحس إذا غطيته بيموت من الحر وبما أنه مزكم فيمكن تكون عنده حراره زي الأوادم

وكيف أغره هو كبير مو فرخ !!!

طيب الأدويه اللي عندي ما تنفع ؟؟؟ الدواء الثاني مضاد حيوي

[أمجـاد]

المشاركة الأصلية كتبت بواسطة الكواسر ب

فص ثوم وقطعيه شرايح وحطيه بمشربية الماء وكم نقطه من الليمون لمدة 3 ايام
والله يشفي طيرك

الثوم مو قوي عليه المشكله المكان بتصير ريحته ثوم واهلي بيعصبون علي

يعني شرائح الثوم تسبح في الماء مع قطرات الليمون

ولو أكلها ما تضره

[الكواسر ب]

خليها تسبح بالماء بس ساعتين وغيري الماء
ما تضره ان شاء الله

[أمجـاد]

المشاركة الأصلية كتبت بواسطة الكواسر ب

خليها تسبح بالماء بس ساعتين وغيري الماء
ما تضره ان شاء الله

سويت نفس ما قلت بس ما حسيت بفرق علمًا بأني رفعت فص الثوم بعد مرور ساعه إلى ساعتين تقريبًا لأن الببغاء فطن فيها وحاول يأكلها وتركت الماء عنده لمدة ست ساعات تقريبًا


قريت موضوع عن طريقة الثوم ومكتوب اهرسه وانقعه بالماء ؛ ما عرفت وش أحسن طريقه وانفعها للببغاء

[أمجـاد]

وصح أمس اخذت الببغاء لصيدليه بيطريه وقال الدكتور أنه مصاب بالزكام

ووصف له هالأدويه chevita GmbH ( كبسولات ومكتوب عليها بالأنقلش ملتي ڤيتامين EB12 ) وشكلها طرف أبيض والطرف الثاني أصفر وأيضًا Spectin وهذا ما عرفت هل هو مضاد حيوي وإلا إيش !!! اعتقد له علاقه بالبكتيريا لأن مكتوب بالأنجلش إي.كولاي، تيفوئيد

الكبسوله افتحها واذوب البودره اللي فيها في بيالة ماء واضيف معها خمس نقاط من السبكتين ، بديت معاه بالعلاج هذا من أمس وما لاحظت أي تحسن للأسف الببغاء في حالة خمول ومقفل عيونه وما يأكل حب

والبراز الله يكرمكم صار لونه أخضر غامق ومائي كأن فيه إسهال وكأني ألاحظ تغيرات باللون حوالين عيونه أو يتوهم لي والمخاط بالله كيف انظف خشمه لأن البيطري قال نظفوه وما رضى ينظفه له اهلي استخدموا رشاش الماء ( هوز شطاف وراسه يعطي ماء على شكل مطر فهمتوا علي ) مع إني معارضه لأنه بيتأذى والنتيجه نظفت فتحه والثانيه بقت وصخه علمًا بأني حاولت انظفه بالمنديل وبفرشاة الأسنان وما ضبط لأنه زي الجامد ما يروح بسهوله وفوق كذا نحاول ننظفه وهو بالقفص ما نتجرأ نلمسه << عائله تخاف من العض

وصح عشان يرتاح غطيت القفص ببطانيه خفيفه وتركت مقدمة القفص مفتوح

[عباس عبدالحي]

الكاسكو عندي قبل شهور زكم و مخاط و سدت عينه وديته بيطري نصحوني فيه و عطاني ابر ٣ كل يوم ابره ب ٢٠ ريال بعدها الطير صار زين و عينه فتحت و ياكل و يصفر ، كذا يوم و انسدت عينه الثانيه و الزكام زاد رجعت له و عطاني مضاد بودره احطه بالماي و الحمدلله الطير صار زين و رجع كل شي تمام بس للامانه الحين فيه صوت نفس ينسمع منه اذا كان خايف من اهمالي كان المفروض اكمل الدواء ، لو ضاقت بك السبل واذا انك قرببه وديه و ان شاء الله يطيب هذا عنوان الصيدليه

[عباس عبدالحي]

تنظيف خشمه خذي عود تنظيف الاذن بليه بماي بس مو بارد لا يتأذى و امسحي ذوبي المخاط المتجمع و شيليه اللي تقدري عليه و الباقي بمنديل اللي ما ينشال انا كذا نظفته