انقذوا معاي هالكوكاتو بليز

[كاسكوكيه]

السلام عليكم و الرحمه


اخباركم؟؟؟


اليوم محتايتنكم عشان ننقذ هالمسكين








سالفته،، كان عند ربيع ولد اختيه،، و مخلنّه للعيال،، و ولد اختيه صوره و حطه فالبلاك بيري شافته اختي الثانيه و قالت له تريده،، قال لها الريّال بيبيعه بـ5000 قالت بتشريه

و هيه توها راجعه من شهر العسل،، و كانت عندي نظره مستقبليه انها مش مزاج طير بهالحجم،،

اول اسبوعين كان عندي و بعدها انتقل عندها اسبوع و رجعته،، خلته ع اساس بتشله معاها بيتها

سالتها اجهزه؟؟ قالت لا ببيعه !

انا جيه >>

قالت لي محتاي تنظيف و ريلي (زوحها) مش عايبنّه

قالت لولد اخوي بتشتريه؟ و ع ساس بتنقّص من سعر الي اشترته فيه 500

قالت امي انا بربّيه،، فاختي عطته امي طبعن بدون مقابل ،،،

و الحين انا اعرف اسلوب امايه،، خله فالقفص و بس عط له ماي و اكل

مر يوم! يومين! ثلاثه! كنت ادخل ما آلقى عنده اكل

و الله زعلت عليه وايد،، امس كلمت اختي،، قلت لها شليه و بيعيه لحد يقدر يربيه!! ع الاقل مش بهالطريقه

بس قالت لي صعبه اشله البيت و زوجي و سالفه


و اليوم رحت اول ما شافني يلس يفرفش يريد يطلع من القفص

قررت اني اهتم فيه بس المشكله اكثر من شي،،،

1) عندي 3 ببغاوات (2 كاسكو و 1 امازوني)
2) هالكوكاتو يصرخ بطريقه يوم يشوفني اريد اطلع عنه و اخاف باقي الببغاوات يتعلمون منه
3) ما عندي فكره عن الكوكاتو


طبعن مريت على موضوع اخوي animal_lover

و الي فهمته ان هالطير حساس

و اظن انه ذكر،، شوفوا هالصوره

و،،، شوفوا عينه و قربوا لي عمره




هل الصراخ العالي من طبع هالكوكاتو؟؟

الحلوه فيه ما شا الله انه بدون ما يتعود ع الشخص دلوووع و يقاااارب الجمييييع ما شا الله


و هاي صوره له فاول يوم لي و انا ادلعه



عذرن على وضوح الصوره

[كاسكوكيه]

الي فهمته انه ذكر صح؟؟

[تايغر]

اضن ذكر
بس لو تبين معلومات اكثر عنه
اكتبي باليوتيوب استراليا ارض الببغاء
هو برنامج وثائقي مدته حول 2 ساعة
واتمنى اني افتدك

[كاسكوكيه]

تسلم اخوي تايغر الحين بدخل ع اليوتيوب وبجوف

[عديل الروح]

ان شالله تلاقين من يساعدج
بس حرام جي من مكان لي مكان لعوزتو الطير الفقير
وخاصه انه سعر مب شويه

[كاسكوكيه]

المشاركة الأصلية كتبت بواسطة عديل الروح

ان شالله تلاقين من يساعدج
بس حرام جي من مكان لي مكان لعوزتو الطير الفقير
وخاصه انه سعر مب شويه

الحمد لله انا عندي 3 و معاي بحجرتيه ،،، فما لعوزته

بس للاسف،،، اختي الله يهديها،، بس الحمد لله استغنت عنه و الحين احاول اعوضه

[ProOoF]

من اخص طباع هالطير الازعاج ومعروف عنه هالامر

إلا ماندر ويكون فرخ ع يد مالكه مابيكون له صراخ

بالنسبه للعمر الطير مو كبير , والكوكاتو يتم تحديد عمره من لون العين سواء سواد غامق

او بني غامق وبعد هالمرحله يتحول العمر لأرجل الطير والمنقار بشكل تقريبي

بالنسبه لتعلم الببغاوات قد يكون سلبي وإيجابي

لتجاوز الصراخ إذا كان وحده ان يتم تعتيم الغرفه الي هو فيها

هذا بشكل عام وبالتوفيق - والله أعلم

.................

سبحانك يارب

[Animal-5-Lover]

| ماشاء الله تبارك الرحمن .

طير جميل بكل ما تعنيه الاحرف ، وايه ذكر
وعمره على ال [ 10 ] شهور ونص وداخل عالشهر اللي بعده ان شاء الله

الصراخ طبيعي ، لكن اذا جلستي معاه كثير بيختفي

وممكن تتفقون على انه كل اسبوع عند احد ، كذا بيتونس ^^
وبكذا ما راح يتعلق في احد محدد


لان اذا اتعلق في احد ، الموضوع بيصعب
اذا اختك قررت تبيعه وهو متعلق فيك مثلا ، بيزعل وايد

الا اذا قررت تخليه عندك ويكون لك ، بكذا الله يخليه لك ويخليك له



اي مشكلة تقابلك لا يردك الا كيبوردك ، وما بنقصر معاك ان شاء الله

اخوك عبود
.

[نيمو ببغائي]

عندي حل للصراخ غطي القفص بشي خفيف عشان ما يكتم الطير ويموت وتكون في فتحه عشان يتنفس
..
..
بالتوفيق

[صاحب الشاطي]

ما شاء الله طير جميل الله يحفظه من كل شر

اذا تبين تبيعينه خبريني