افكر بتربية طائر روز هل من مُجيب لإستفساراتي

[أمجـاد]

السلام عليكم ورحمة الله وبركاته

هذا أول موضوع لي بهذا القسم من قبل كان تواجدي بقسم هواة الببغاوات

المهم يا طويلين العمر كنت اربي ببغاء ونوعه كاسكو الرمادي ومرت السنوات وما

قدرت اروضه وزاد خوفي منه مع انه ماشاء الله ما يجعر واحك راسه وهو بالقفص

ويتكلم ويسوي تصفيرات تجنن بس قدر الله وجاته حاله نفسيه من الحبسه بالقفص وصار ينتف بريشه وعالجته

وبعدين اشتروه عيله ربي يبارك لهم فيه

لي تقريبًا 7 شهور من بعته واحس إني حنيت للحيوانات فكرت بالميناء (أو المينو أو الياسمينه ) لإني شفت لها مقطع تتكلم

بس لونها اسود وانا يتخيل لي شكلها غراب يعني تخوف بالنسبه لي وقريت أنها تعض وأنا وحده اكره العض

وهذا اللي خلاني ما اتجرأ اتعامل مع الكاسكو خارج القفص

وقريت بالنت فيه ميناء لونها أبيض بس الظاهر مو موجوده بالسعوديه

وصرفت عنه النظر لإني ما شفت له قسم بهذا المنتدى الظاهر انه طائر ماله شعبيه

بعدين طحت على طيور الحب ولقيت نوعين الروز والفيشر وحسب ما قريت وشفت فيديوهات

أنها طيور مغرده وليست متكلمه زي الببغاوات

حسب ما قريت أن الروز أكبر حجمًا من الفيشر ، والروز أغلى سعرًا من الفيشر ( ليه يا تراا ؟؟ )

أيضًا الفيشر يغلب الجفن اللون الأبيض

وما زلت اتسائل عن الألوان هل كل لون له ميزه ؟؟ أو كل طير له اسم وسعر يختلف ؟؟

وإيش اللي يميز الروز عن الفيشر ؟؟؟ وهل الروز يعض ؟؟ وهل سهل ترويضهم ؟؟

ووش الأفضل اشتري فرخ وإلا كبير ؟؟؟ وإيش افضل عمر ؟؟؟ وهل اقدر اشتري طير واحد مو زوج ؟؟؟

ووش الأفضل اشتري ذكر وإلا انثى ؟؟؟ وإذا حبيت بعدين اشتري ثاني واخليهم يفرخون ويجيبون عيال

وآخر سؤال كم الأسعار للزوج وللمفرد ؟؟؟

معليش اسألتي كثيره بس بحثت كثير بالنت وما احس لقيت اجوبه على الأسئله اللي سدحتهم فوق

هالمره خاطري اربي طير اشيله على يدي واناديه ويجيني وألعبه واخليه مودل وألتقط له صور جميله

ومشكورين مقدمًا