مشكلة رش البول " أكرمكم الله " بعد عملية الإخصاء

[oOKittyOo]

السلام عليكم و رحمة الله و بركاته


كيفكم .. "

إن شاء الله بخير .. "

من زمااااان عن هالقسم .. "

ارتاحوا مني سي سي مون و آنــــو

بس هذا انا رجعت

المهم ندخل في الموضوع .. "

الموضوع بخصوص حفيدي لاكي .. "

أول ما بدأت فترة البلوغ و بدأ يرش " أكرمكم الله " ... على طول ثاني يوم وديته العياده .. "

و عملت له عملية إخصاء ... "

لأني بصراحه مو مستعده أخسره ... و طبعا انتوا كلكم عارفين الأهل ما يحتاج أقول

المهم .. سوا العمليه و قام بالسلامه و كل شي تمام .. "

بس بعد أقل من شهر يمكن اسبوعين أو ثلاثه رجع لاكي يرش .. "

و رجعت المعاناه ... أمي مرررره عصبت منه .. "

فـ تلافياً لأي إصابات أو قرارات من أمي ... صرت احبسه في جزء من البيت ... "

و صار يقضي معظم وقته لحاله ... بس اطلعه آخر الليل بعد ما ينامون أهلي و اجلس العب معاه .. "

بس ما عاد صرت أحس بوجوده و لا يجلس معاي بالغرفه لأني مو لحالي فيها معاي اختي ... "

و قلبي تقطع عليه مره يحزن .. "

اللي عملوا لقطاوتهم عمليات إخصاء و رجعت لهم نفس المعاناه مع الرش وش سوو ؟؟

اللي قطاوتهم ذكور و لهم سنين معاهم كيف تعاملتوا مع هالمشكله ؟؟

مع العلم ان لاكي لما يتبول ما يكون رش .. عادي يحفر كأنه يحفر في الرمل .. "

و أغلب الاماكن اللي يتبول فيها هي السرير .. "

و حتى لما يتبول على الارض يكون على الارض نفسها مو الأثاث او الجدار .. "

لكم كل الشكر .. "

[OUT]

عشان كذا انا ماحب الذكور

مع انو كان عندي ذكر عمر سنه بس ماعمره رش

بس حرام عمليه اخصاء ماتبغيه يشوف عياله

[oOKittyOo]

المشاركة الأصلية كتبت بواسطة OUT

عشان كذا انا ماحب الذكور

مع انو كان عندي ذكر عمر سنه بس ماعمره رش

بس حرام عمليه اخصاء ماتبغيه يشوف عياله

و أنا بعد ماحب الذكور .. "

بس لاكي حاله خاصه .. "

لاكي انولد على يدي و انا قطعت الحبل السري بـ يدي .. "

و امه ما جابت غيره .. "

و لما انفطم منها صارت ما تبيه و تضربه .. "

فـ اتعلق فيني كثير وانا بعد اتعلقت فيه و صرت مو قادره استغني عنه .. "

فـ ما لقيت حل غير اني اسوي له العمليه .. بس للأسف ما جات بنتيجه .. "

لكن ان شاء الله يكون فيه احد عنده حل .. "

ع العموم يعطيك العافيه ع المرور .. "

[آنـــــو]

::

هلا وغلا كيتي منوره الحته كووولها

لاولله ياقلبو ماآرتحنا بالعكس آشتقنالك ولطلاتك بالقسم ^^

بخصوص لاكي وآنه رجع يرش ماعندي علم يمكن البيطري ماضبط العمليه !!

البيطري اللي آتعامل معاه قالي الذكور بعد العمليه توقف رش طوالي

بحاول آسأله لك اليوم آن شاءالله

::

[وزة]

نفسسسسسسسسس الحليووووة الي عندددددددددددي

عملنا له عملية اخصاء عشان مانبغى نستغنى عنه نفس حالتك

ورجع يعمل فوق السرير ويتزوج وكل شئ @@

بس الفرق انه الانثى ماسرت تحمل منه وريحة بوله ماسارت زي اول

هذا الفرق

ولا ع القلة الأدب نفسسسسسها يعملها وماتغيررت

أنا عني سرت اقفل الغرفة الي فيها السرير لأنه اقول اكيد الريحة فيها

وكل مرة واليوم الي انسى فيه باب الغرفة مفتوحة على السرير العوض >< مايصددددق يغتنم الفرصة اغتنام

من جد طفشششت

واهو لسه عاملها اول امس ووديت البطانية المغسلة

من جد ياحظ المغسلة الي جنبنا مرة كسبت

وياليت نلقى حل

الله يصبرنا

[كوكيز]

طيب وش الحل .. ممكن تفيدونا .. لاني متابعه للموضوع هذا لو سمحتووا .. ننتظركم

[U know]

اللي اعرفه والله اعلم انه اذا تعلم الرش مايوقف حتى بعد العمليه لأنها صارت عاده
عشان كذا لازم اللي يسوي عملية لقطه يسويها قبل مايبلغ






..............

[oOKittyOo]

المشاركة الأصلية كتبت بواسطة آنـــــو

::

هلا وغلا كيتي منوره الحته كووولها

لاولله ياقلبو ماآرتحنا بالعكس آشتقنالك ولطلاتك بالقسم ^^

بخصوص لاكي وآنه رجع يرش ماعندي علم يمكن البيطري ماضبط العمليه !!

البيطري اللي آتعامل معاه قالي الذكور بعد العمليه توقف رش طوالي

بحاول آسأله لك اليوم آن شاءالله

::

تسلمين يا قلبي الحته منوره بأهلها

و انا بعد اشتقت لكم والله .."

قبل ما أسوي له العمليه قريت كثير و سألت كثير قالوا لي انه المفروض بعد العمليه يوقف رش .."

و الا ما كنت سويتها له حتى لو كان عندي احتمال 1% انه ممكن يرجع يرش حتى بعد الاخصاء .."

و الدكتوره اللي سوت له العمليه قالت لي ان فيه ذكور تنفع معاهم العمليه و يوقفون رش و ذكور لا .."

طبعا ما قالت لي هالكلام إلا بعد العمليه

و فيه وحده نصحتني بـ هالعياده و عن تجربه و عندها قطاوه كثير سوت لهم فيها .."

فـ لما رحت للدكتوره وقلت لها اني ما استفدت شي من العمليه و الحال مثل ماهو ..

قالت يمكن عنده اكتئاب .. و انا صدقتها لأن وقتها كانت أمه مو طايقته .. بس تضرب فيه .."

تكرهه حييييييل ... و شريت من عند الدكتوره شي سائل يتركب في الفيش حق الكهربا ..

مثل تبع الناموس ... تقول يطلع ريحه مثل الريحه اللي تفرزها الام و الاطفال بعد الولاده ..

و ممكن تقربهم من بعض و هيك ... و حطيته لهم لين خلص بس ماتغير شي ..

فـ اضطريت اتخلص من أمه ... اعطيت صديقتي ..

و صار لاكي وحده في البيت و مبسوط و جلس فتره يمكن اسبوعين الحمدلله ما يرش ..

قلت الحمدلله انحلت المشكله ... بس بعدها رجعت حليمه لعادتها القديمه ..

و كلمت الدكتوره و قالت لي تعالي نجرب له أدويه للاكتئاب ..

بس انا ما حبيت بصراحه .. خاصة انه قبلها كان شوي تعبان و ما يآكل زين ... فـ خفت عليه ..

و الحين أدور حل لأن أهلي و خاصه أمي مره كارهته

أنتظرك و يارب يكون فيه حل .. "

الله يعطيك الف عافيه .. "

[oOKittyOo]

المشاركة الأصلية كتبت بواسطة وزة

نفسسسسسسسسس الحليووووة الي عندددددددددددي

عملنا له عملية اخصاء عشان مانبغى نستغنى عنه نفس حالتك

ورجع يعمل فوق السرير ويتزوج وكل شئ @@

بس الفرق انه الانثى ماسرت تحمل منه وريحة بوله ماسارت زي اول

هذا الفرق

ولا ع القلة الأدب نفسسسسسها يعملها وماتغيررت

أنا عني سرت اقفل الغرفة الي فيها السرير لأنه اقول اكيد الريحة فيها

وكل مرة واليوم الي انسى فيه باب الغرفة مفتوحة على السرير العوض >< مايصددددق يغتنم الفرصة اغتنام

من جد طفشششت

واهو لسه عاملها اول امس ووديت البطانية المغسلة

من جد ياحظ المغسلة الي جنبنا مرة كسبت

وياليت نلقى حل

الله يصبرنا

الله يعيني و يعينك .. جد مشكله .. "

أمي صارت تقول ما شاء الله عيالي كبروا و جوني أطفال على آخر عمري أجلس أنظف وراهم

انا تعبت و انا طول اليوم وراه و اقفل الغرف .. "

و كل ما خرج أحد من الغرفه قلت له قفل الباب .. "

صرت احبسه و خلاص .. بس مقطع قلبي .. "

تدرين .. الظاهر أنا و انتي متعاملين مع نفس العياده

ياليت ترسلين لي اسم العياده ع الخاص عشان اتأكد .. "

لو نفسها يعني العلّه فيهم .. انا رحت تهاوشت معاهم .. قلت لهم اجل وش الفايده من العمليه ؟!.."

بس عاد وش يفيد الهواش .. "

يالله تابعي الموضوع و ان شاء الله نلاقي حل .. "

شاكره لك مرورك و مشاركتك .. "

واسيتيني شوي .. "

[oOKittyOo]

المشاركة الأصلية كتبت بواسطة كوكيز

طيب وش الحل .. ممكن تفيدونا .. لاني متابعه للموضوع هذا لو سمحتووا .. ننتظركم

والله الحل للحين ماعرفناه .. "

ننتظر اللي عندهم خبره و تجربه يفيدونا .. "

تابعي الموضوع .. "

شاكره لك مرورك و مشاركتك .."