شريت كاسكو اليوم بس ما ياكل أبداً

[قبعة البحر]

السلام عليكم,

ما أطول عليكم, اليوم الصباح شريت كاسكو هولندي عليه حجل ذهبي عمره تقريباً 5 شهور

بس الكاسكو ما أكل شي من أول ما شريته صار له عندي 4 ساعات تقريباً

مع العلم أني حاط له حب عباد الشمس و قطع تفاح

هل هذا طبيعي ؟ او أن الطير به شي؟ أنا خايف يموت و أخسره

[AL'3asy]

طبيعي يبيله وقت حق يتاقلم انا مثلك تم عندي يومين بدون اكل بعدها صار ياكل عادي

[Xnx]

لا ان شاء الله مايموت هو ذحين ماحس بالامان عشان ياكل اصبر يومين ان شاء الله ياكل

[Hamdano]

انا البارحة شريت كاسكو كان يأكل يوم حطيتله حب بس يوم حطيتله مشكل مأكل شي
و اظافره جي على فوق طالعة الأظافر تضر ولا ماتضر

[ولد حرب]

انتبه لايكون الطير مازال غير مفطوم

متعود على الغر بالابره هذا عيب الهولنديات يفضل تجيب ابره غره وتحط فيها سريلاك وتجرب

اذا استقبلها منك الله يعينك على السيريلاك وتتعود تفطمه بحب شمسي منقع بمويه مع او حبوب مشكله

كثير من الي يشترون هولندي صغير يموت عندهم لانه ماياكل متعود على الغر

جرب الابره اليوم