هل لديك ببغاء متوحش وتريد ان تروضه ؟؟ تعال تعلم ...

[كــــاظــــم]

بسم الله الرحمن الرحيم


الجزء الثاني


اتمنى من الجميع قراءة توقيع غسان بكل تمعن

لان بيننا ناس تريد ترويض الطير بين يوم وليله

وهذا صعب او قد يكون مستحيل ... لا تخسر طيرك بتهورك

حاول تكون متسلسل عشان تحصل على افضل النتائج للترويض

إذا مرت المرحله الاولى بنجاح فأنت قد اصبحت مألوف

وتذكر بالنسبه للطائر لازلت مصدر خطر

يعني لا تفكر انه اكل من يدك انك صرت صاحبه وتمون

وربي لو استويت له انه يعضك عضه يجيب مغ عظمك فيها

وتذكر لا تسحب يدك بسرعه

يعني لو قربت تحمل مايجيك

حاول بكل بطء تعطيه فستقه وتروح

ثاني مره تعطيه وتبعد بعد كذا بياخذها وياكلها قدامك وكأنك جنط قدامه

يعني حاول على مراحل لو اضطريت جوعه عشان ياخذها من يدك عادي والسكر مره يخليه يحب يلعب بأصابعه حتى لو مافيها سكر لانه تعود الاصابع مانها خطر



خلصنا من الاكل


ندخل في كيف تحككه في كامل جسمه حتى تحت الجناح ومو انت ترفع جناحه عشان تحكه لا هو يرفع جانحه زي اللي يقول حك هنا يالحبيب




اتمنى تركز في الطريقه

وهذي طريقه مجربه وناجحه جدا في 99% من الببغانات

حاول بطريقه تنزله في الارض اي ارض سرميك فرش اي شي المهم طلعه من القفص

وخذ لك منشفه عاديه وقرب عليه وارمها فوقه طبعا راح يصيح وبعد اقل من عشر ثواني بيسكت تماما كنه ميت

شيله من الارض بالمنشفه بيديك الثنتين

اجلس وحطه في حضنك وانتبه تخنقه او تضغط المنشفه بالحيل وتجيب اجله

لفه عشان يحس انه ماله مفر بالمنشفه

الحين دخل يدك من عند ذيله وحكه في ظهره وبحنيه مو تحسسه انك بتفترسه

وتحت جناحه وبهدواء تدرج لين توصل راسه إذا وصلت راسه ركز على المنطقه اللي خلف العين

يعني عند اذنه وتحتها هو يحب المنطقه هذي

انت ابدا ابعد المنشفه ماراح يتقبل المره الاولى وبعد عدة مرات تلقاه بس تقول له راسك راسك ينزل كأنه يصلي عشان تحكه في راسه وخلك حنون وبلاش دفاشه

هنا يبدا يطمن لك بنسبة 70%

ولا تفرح 100% ما راح توصلها إلا بعد فتره طويله جدا

اللي هي كيف تشيله زي الحمامه من ظهره وتعلق رجوله في السماء وهذي يبي لها فتره بس تجي انت طبق كلامي بالتدريج واوعدك توصل لمرحله تدعي لي فيها


الجزء الثالث ترقبوا

كيف اطلعه على يدي !!!


نصيحة الجزء الثاني

اي غلط يفعله طيرك لا تضربه مهما كان

انت بس قول له لا... لا ....


وعاقبه بساعتين في الظلام وقفل باب القفص
هو بعد فتره يعرف انو لا يعني فيه شي غلط وبتعاقب عليه

وتذكر كل مره يجي يعضك قول لا وحاول ترفع صوتك شوي

عشان ينتبه انك زعلت وبكذا نكون قطعنا جزء مو بطال في ترويض طير بري


اسف ع الاطاله

لكن وجود طلبات ع الخاص بالتفصيل الممل اتمنى يكون الدرس وصل بوضوح بدون ملل

[غسان الاشقر]

جزاك الله كل خير يامعلم

وفيت وكفيت وكنت اتمني لو افردت موضوع جديد للجزء الثانى حتى تصبح سلسله كاظم التعليميه.

بيض الله وجهك

وفى انتظار جديدك من السلسه الرائعه.

تقبل مروري

[ملآكـ]

مااشااء الله

ابداااااااااااااااااااع

مستر كااظم

افدتنا بمعلووومااات مره قيمه

وباانتظاار الجزء الثاالث من سلسله الترووويض

وتى زي مااقلت ساابقا <<<لاتعدين الكلام

شكلي بربي متووحش لانه فكرت التروويض دخلت براااسي

الله يعطيك الف عاافيه

وباانتظااار الاجزاء الاخرى

اختك

ملاكـ

[SaaD naJD]

<< متآآآآآآآبع بتمعن ويطبق الدروس بحذآفيرهآ

يعطيك الف عآفية وبانتظآر بآقي الأجزآء

[كاسكووووو]

ننتضر الجزء الثالث

[NAHHAS]

الف شكر اخوي عل الموضوع الرائع والله كنت عم فكر اشتري واحد وحش مو اليف واحاول أألفه بس سؤالي انه هل الطريقه بتفيد مهما كان عمر الببغاء ولا يلزم حد معين يعني يعتبر الطير وحش الذي تعدى السنتين من دون تدريب او يكون مصيود بهيك عمر ارجو الإفاده وننتظر الجزء الثاني بفارغ الصبر‏

[K!NG alqd7at]

والله ان شرحك كايف !!

الله يكثر امثالك , وشرحك وافي يابطل

[’Parrot ’fofo]

معلمومات مهمة جداً للبداية الصحيحة...
وأي اذا بدا صح اكيييد راح ينتهي صح...
بس اخوي لو استبدلنا السكر بالعسل كما فعلت انا يكوون احسن...(الجزء الأول)
أما (الجزء الثاني) مالي أي تعليق...كلو تمام التمام...
يعطيك ألف مليون طعش عافية...
مع ألف تحية...

[kaka99914]

ماشاء الله عليك كفيت ووفيت... قريت الموضوع وانا في الدوام تحمست واليوم ماسك طيري بالمنشفه ماسكة

اعتقد الاخ سكر منزل فيديو لطريقة ترويض الطير ومسكه بالمنشفة وكيفية طلوعه على اليد

[النزال12]

اخي كاضم كفيت ووفي مشكور وطال عمرك......بديت خطوه خطوه وليا الان تقريبا 6 ايام احضنه واحك علي راسه وجداا الطريقه فعاله وشكراا اليك وان شاء الله بتابع بكل تمعن انا اجازه وفاضي يا طير تحياتي وشكراا