هل قطتي فيها فطريات ؟ يوجد صور ،،،

[MR.coOol]

هل قطتي فيها فطريات ؟ اخليكم مع الصور







مع العلم رحت عيادتين

عيادة قالو لها احتمال في فطريات وخذو عينه من ريشها ت والنتيجة بعد 10 ايام وقالو لي اعزلها ليما يتاكدون !! تخيلو قالو لي نثية واخر شي من وديتها عياده ثانية يقو الدكتور هاي ذكر وهالدكتور معروف وممتاز

و قالي الدكتور مافيها شي ولكن فيه نوع من فطريات غير الخطيره و خفيف جدا ماوصل للجلد وقال هاي طبيعي ومو خطر وماينقل العدوى ولا تحتاج الى عزل وفحصها بالضوء الازرق،،

واترك الحكم لكم ،،

[فاتـــو]

اهلين اخي
صح على الدكتور في انواع فطريات غير خطيره ابدا وغير معديه وممكن تلمسها بيدك وماتنتقل لك العدوى
بس اكيد لازم تتعالج علشان كذا راح تجيب من الصيدلية البشرية الاتي :
مطهر بيتادين الاخضر
مرهم بنزانيل او لامزيل او بيتادين
شامبو فافو
راح تدهن المطهر على كل المنطقه المصابه وحواليها وبعد ربع ساعة بتحط المرهم والافضل والقط نايم علشان يمتص بدون لايلعقه
والشامبو راح تروشه كل يومين او تغسل المنطقه كل يوم ..
لو اتبعت هذي الخطوات الفطريات ماراح تاخذ اسبوع بوتروح باذن الله ..

[MR.coOol]

على فكره اهو كان يحك اذنه وعينه

واهو الي شككهم في الفطريات

وطلع في اذنه شمع اسود فيه حشرات تنشاف بالعدسة تلسكوب

وتم اتظيف الاذن بالكامل مع وضع مرهم ودواء يقتل الحشرات

والحمدلله صار مايحك اذنه من بعد مانظفو اذنه ماشفته يحك ،،

وعيونه كان في احمرار وتم وضع القطرات تبع البشر قالي الدكتور كويس حق القطط وتقدر تستعمله

وخف الاحمرار قليلا واحس القط ارتاح اكثر بعد القطرات صار مايحك ،،

السؤال :

هل اعراض الفطريات اهو الحك المستمر ؟؟ او مو شرط ؟؟

[فاتـــو]

ايوه لان الفطيرات تسبب حكه بالجلد وتخلي القط يحكها دايم ويتحول لون المنطقة الى احمر بلا شعر
زي حالة قطك
بس العلاج اللي كتبته لك خارجي فقط ماله دخل بالاذن الداخليه
ممكن القط عنده فطريات فوق عينه ادى الى الحك المستمر وسبب الاحمرار اللي بعينه لدخول البكتيريا اليها
ياريت تحط صوره لعينه حتى اعرف احدد اذا في فطريات او لا ..

في انتظارك

[MR.coOol]

المشاركة الأصلية كتبت بواسطة فاتـــو

ايوه لان الفطيرات تسبب حكه بالجلد وتخلي القط يحكها دايم ويتحول لون المنطقة الى احمر بلا شعر
زي حالة قطك
بس العلاج اللي كتبته لك خارجي فقط ماله دخل بالاذن الداخليه
ممكن القط عنده فطريات فوق عينه ادى الى الحك المستمر وسبب الاحمرار اللي بعينه لدخول البكتيريا اليها
ياريت تحط صوره لعينه حتى اعرف احدد اذا في فطريات او لا ..

في انتظارك

صوره بالفلاش هههه يضحك شكله

http://i.imgur.com/8SISlj4l.jpg

[فاتـــو]

هو عنده التهاب في عينه
وتقريبا عنده فطريات حوالينها
انت راح تجيب قطرة اسمها بروزلين ومرهم تراميسين من اقرب صيدلية وبتمسح عينها بقطنه مبلله بماء مالح
وبعدين بتحط القطره
وبعد 10 دقايق راح تحط المرهم
استمر لخمس ايام اذا ماراح الاحمرار اللي حوالين عينها يعني انها فطريات ومحتاجه لعلاج دقيق
لكن حاليا راح نعالج العين من جوا لانه اهم ..

[MR.coOol]

المشاركة الأصلية كتبت بواسطة فاتـــو

هو عنده التهاب في عينه
وتقريبا عنده فطريات حوالينها
انت راح تجيب قطرة اسمها بروزلين ومرهم تراميسين من اقرب صيدلية وبتمسح عينها بقطنه مبلله بماء مالح
وبعدين بتحط القطره
وبعد 10 دقايق راح تحط المرهم
استمر لخمس ايام اذا ماراح الاحمرار اللي حوالين عينها يعني انها فطريات ومحتاجه لعلاج دقيق
لكن حاليا راح نعالج العين من جوا لانه اهم ..

طبعا هالصوره الي ارسلتها قبل يومين

وشريت قطور (( opterx ))

وهاي الصور صورتها اليوم : وبتديت في علاج القطور من يومين وراح استمر عليه

وراح ارسل لك صور احدث صورتهم اليوم

[MR.coOol]

هاي اليوم صورتها



بعد وضع القطور القط صارت ماتحك


وراح استمر عاى العلاج

هل هذا فطريات او التهاب بالعين ؟

[فاتـــو]

القطره هذي بشريه ومااحد وصفها من قبل للقطط !!

الافضل انك تحيب القطرة اللي قلت لك عليها
ووضح انها التهاب لا اكثر
انت اتبع العلاج اللي قلت لك عليه وبتطيب في اسرع وقت

[MR.coOol]

شكرررا وتعبتج معاي