انتاج الدرة وبعض الملاحظات

[بوسلمان]

بسم الله الرحمن الرحيم

اخواني انا نزلت موضوع بتاريخ 22-03-2013 اني جبت 6 فروخ درة اعمارهم قريب الاسبوعين في هذا الموضوع

http://www.2zoo.com/vb/showthread.php?t=306172

وهذه صورتهم



طبعا انتظرت عليهم مدة 8 اشهر حسب كلام البعض حتى يبين الطوق على الذكر منهم ولكن ماظهر اي شئ وبعدها قالو لي سنة وكملت السنه وقلت انتظر سنة ونص وكملت المدة وسنتين بعد ونفس الحكاية

بعدها لاحظت ان اثنين منهم ماعليهم اي بوادر لظهور الطوق ياكلون بعض وواحد منهم يطلع على ظهر الاخر للتزواج وواحد منهم يدخل االبياضة لفتره ومايخرج الا للاكل كما ذكرت في هذا الموضوع
بتاريخ 07-04-2015 اي بعد سنتين وشهر تقريبا وكانت المفاجاة السعيدة

http://www.2zoo.com/vb/showthread.php?t=351330

وهذا صورة الزوج



وهذه صور البيض



طبعا ياخوان انا ما كنت متوقع انهم يبيضون عشان كذا ماحطيت في البياضة نشارة خشب
ولا اني اعرف متى باضت الانثى وكذلك ماعرفت ان البيض مخصب او لا كما ذكرت بموضوعي القديم وجزاه الله خير اخوي افوكادو تابع معاي وعطاني نصائح بطريقة فحص البيض

وامس لاحظت خروج الانثى لفترة اطول من السابق من البياضة واللي مفترض يكون الذكر او هل هو ذكر يوقف على باب العش ومايخلي احد يقرب من العش من الطيور الاخرى

واليوم قلت خلني اشوف لعلها باضت بيضة اخرى وبالمره افحص البيض مثل ماقال اخوي افاكادو

وكانت المفاجاة السعيدة مرة اخرى كما في الصورة التاليه ماشاء الله ولله الحمد






خروج اول فرخ من البيضة الحمد لله

طبعا انا عارف الطيور كلها من النظر لاني مربيهم من يوم ماكانو فروخ صغيره وحتى اني مسميهم هههههههه

ومن واقع تجربتي راح اذكر بعض الاشياء عن الدرة وهي :

1- مليون في المية وجود ذكر بدون طوق وجاهز للانتاج اللي هو موجود بالصورة فوق اللي واقف برا البياضه لانه هو اللي كان يطلع فوق الانثى اثناء التزاوج وكذلك ان البيض كان مخصب

2- مو شرط يكون الذكر يطلع له طوق بعد ثمانية اشهر او سنة (( اللي عندي تجاوز السنتين بدون طوق ))

3- البعض يقول ان الطيور الاليفة او اللي اجنحتها مقصوصة لا تنتج وعندي طلع عكس ذلك
طيوري اليفة وتتكلم واجنحتها مقصوصة وانتجت ولله الحمد 0

واذا في اشياء اخرى اتمنى من الاخوة الخبراء يفيدوني بها

وطبعا يا اخوان عندي فيديوهات اثناء ماكنت اصور داخل البياضة ومانزلتها لوجود صوت الاهل فيها

وان شاء الله راح انزل فديو بوقت لاحق للبياضة والطيور كلها ان شاء الله