طرق جعل طيورك تبيض

[Rami Ghabar]

بسم الله الرحمن الرحيم
السلام عليكم و رحمة الله و بركاته اسف على الغيبة الطويلة بس الظروف
اليوم جبتلكم موضوع عن طرق تخلي فيها طيورك تبيض
هذي الطرق سريعة و فعالة و لكن انصح فيها بعد صبر ،لازم نصبر على طيورنا و خصوصاً البادجي

الطريقة الأولى : البيض المزيف

1)الشروط: ان الزوج يكون متوالفين على بعض و يأكلوا بعض و ان يكون المربي صابر عليهم يعني انا عندي زوج قعدوا 8 اشهر و هم يأكلوا بعض و الأنثى كانت تدخل البياضة كتير بس الأنثى ما كانت تخلي الذكر يلقحها فصبرت عليهم فترة طوييييييييييييييييلة جداً بعدين لما فقدت الأمل اتبعت هاي الطريقة

2)الخطوات:
اول خطوة هي وضع بيضة زوج اخر غير مخصبة أو طيور اخرى بشرط تكون اكبر شوي عن بيض البادجي
اذا ما تقدر تحط بيضة ممكن تحط غلة أو كرة ضغيرة لونها أبيض مثل يلي بالصورة

لازم تعقم الكرة او الغلة قبل وضعها داخل البياضة
ثاني خطوة هي انك تصبر على الأنثى لأن الأنثى لسا بدها تستوعب الوضع بس ما تخاف ما رح اتطول هذي المرحلة يعني يوم او يومين بس و يمكن اكثر هذا الإشي برجع للأنثى و سرعة تقبلها الوضع
المرحلة الثانية هي انو الأنثى رح تسمح للذكر انو يلقحها لأنها رح تفكر انو البيضة المزيفة أو الغلة الها و انو هي يلي باضتها بس بهاي المرحلة لازم تصبر لأن الأنثى بعد ما يلقحها الذكر بدها تكون البيض بداخلها و بتختلف فترة تكوين البيض من أنثى لأنثى يعني بدك تصبر لمدة يوم ل 10 أيام حسب الأنثى يلي عندك
المرحلة الثالثة هي انك تترك العصافير بحالها يعني بعد ما تتأكد انو عصافيرك باضت أول بيضة لازم تتركهم بحالك لأنو على الأغلب هذا أول عش الهم و كثرة الفتح عليهم رح يضيع كل شغلك على الفاضي
هذي هي الطريقة الأولى

الطريقة الثانية:الغيرة
1)الشروط: طائر البدجي غيور بطبعه فإذا عندك زوج مو متوافين على بعض و ما بأكلوا بعض حطهم مع زوج متوالف رح يغار منو و رح يصيروا متوالفين و إذا بدك ياهم يبيضوا بسرعة حطهم مع زوج عندو بيض او متوقع يتزاوجوا و رح يبيض بإذن الله
انا مجرب الطريقتين و بصراحة التنتين نفعوا بسرعة الحمد الله و بإذن الله ينفعوا مع كل واحد رح يجربهم