اشترك في نشرتنا البريدية ليصلك كل جديد

العطا المحتاج · 05-09-2010, 04:29 AM

السلام عليكم ورحمة الله وبركاته

يسعدني ويشرفني الانضمام لديكم ..

وبصراحة والله ماني مصدق اني لقيت منتدى مثل منتداكم وخلاني اسجل واستفيد منكم رغماً عني

بصراحة انا شريت كاسكو الافريقي نوعه فرخ هولندي محجل ..

وهاي صور لحبيب القلب الله يطول بعمرهـ ويسخرهـ لي يارب هع

ما شاء الله تبارك الرحمن اذكرو الله يالربع ..

بس عندي مشكلة الا وهي طبعا الطير ماله يومين وطبعاً دخلنا بالثالث

الطير كويس وحبوب وهادي بس مشكلته ما يطلع على يدي ولما افتح القفص من فوق يطلع بس توازنه مو مره تمام
ولما احاول المس راسه خارج القفص يرفض ويعطيني ظهره وبعض الاحيان يسمح لثواني معدوده ..
اما داخل القفص عادي ..

ولا طلع برى القفص يجنني لين ادخله مرهـ ثانية وينحاش واقعد على اعصابي لين يرجع ..

وقبل لا انزل موضوعي سمعته يطلع اصوات ويصفر تصفير متقطع وعقبها هجد معاد سوا شيء ..

المطلوب / ابي يألفني اكثر واكثر وخاصة طلوعه على اليد مع العلم ياكل من يدي ..
وابيكم تعلموني كيف اعلمه من الطلوع والخروج من القفص وانتم لا تبخلون علي تكفووون ..

والله فرحان بشرتي للطير وبنفس الوقت خايف انه ما يسلك معي لأني ما اعرف فيها شيء بس حبيته ..

ملك الدرر · 05-09-2010, 04:38 AM

مباركـــ عليكـ الطير ويتربى بعزكـ
ما عليكـ من انكـ تخليهــ يطلع على اليد
اهم شيئ خليه اسبوع يتعود حتى لو كان وليف
وبعدها علمهــ اللي يخطر في بالكـ
تقبلـ مروريـ

فاطمة1 · 05-09-2010, 04:44 AM

ما شاء اللللللله

العطا المحتاج · 05-09-2010, 05:04 AM

اقتباس:

المشاركة الأصلية كتبت بواسطة ملك الدرر

مباركـــ عليكـ الطير ويتربى بعزكـ
ما عليكـ من انكـ تخليهــ يطلع على اليد
اهم شيئ خليه اسبوع يتعود حتى لو كان وليف
وبعدها علمهــ اللي يخطر في بالكـ
تقبلـ مروريـ

الله يبارك بعمرك ويخليك ..

يعني حاليا ما اطلعه من القفص ولا كيف ..

بس عندي لك سؤال وللجميع حاليا يقوم ينفخ ريشه ثم يرتبه مدري ما فهمت

وثاني حاجه يعض الشبك بسنونه وده يطلع لفوق ..

وبعدين يسوي حركه مدري وش المقصود يفرد جانحه كامل على تحت ثم يرجعه ..

تكفون لا تخلوني انا بأمس الحاجه لكم ..