هاوي تربية الحمام الشمسي الأمريكي والهولندي بالصور

[ملك الشمسي]

السلام عليكم جميعاً
أي واحد عنده هوايه يتفضل بالصور نتبادل الهوايات ونشوف كل واحد شنهي هوايته أنا راح أبدأ الأول ونشوف مين الثاني
عندي هوايه غريبه بعض الشي عند البعض وهي هواية تربيه طيور الزينه بأنواعها وحمام الشمسي
أحب أي شي أسمه طير هذه الهوايه من الصغر خاصه في تربية الطيور النادره والغريبه
إن تربية الطيور ليس بسهل لها عنايه خاصه جداً خاصه في الطعام ونوعيته والعلاج من الأمراض وتهيئة الجو المناسب في الصيف والشتاء
أنا متخصص إنتاج نوعيه من الحمام الأمريكي والهولندي وهذا النوع لايتكيف مع جونا الحلو
في الشتاء يكون لهم مسكن خاصه لشتاء والصيف لهم مسكن خاص مجهز بالمكيفات
يوجد عندي سجل كل طير من أمه ومن أبوه وكم يبلغ من العمر ومتى آخر مره تم إعطائه أدويه ومتى أخذ إبره مضاد حيوي
المهم سالفتنا سالفه لو بشرح لكم السالفه كلها خساره في خساره أصرف عليها ألاف ولا أقدر ماأربي طيور

عندي مجموعه بسيطه من الصور لبعض الطيور إن شاء تعجبكم

عبود
هذا أسم الطير عبود بديل لعبود الأصلي الله يرحمه من نفس الفصيله كوري
عبود
عنده بعض الشغلات الحلوه مثلاً
ينادي الشغاله وجننها من كثر مايناديها من يشوفها تمر وهي تروح تركض حق المدام تقول إنتي تناديني ههههههههههه
يقول أسماء العيال وأمهم هههههههههههههه
المره قلبها حره عليه علشان من يشوفني يقول أنت ياعسل ههههههههههههه
إن شاء الله لاأعلمه يقول 2zooوأجيبها لكم هههههههه



الأبراج
هذا مسكن التفريخ وهو خاص للإنتاج فقط
وفي الإنتاج أتحكم بالألوان المنتجه من الطيور وذلك بعد تحكم الله سبحانه وتعالى في خلقه
هذا يسمونه اللعب في الجينات
وبهذه الطريقه أشكل بالألوان وأعرف ماهي الألوان التي أدخلها عى لون ثاني وأنتج لون مفضل عندي



الهولندي
هذه فصيله هولنديه صغيره بحجمها


المرعى
هذه الساحه للإستجمام والتشميس وأكل الأملاح


فروخ
هذه فروخ صغار


فرخ
هذا فرخ صغير وليس كامل الريش لسه ماكمل


الموبل
هذا أمريكي حجم أكبر من الهولندي وريشه أطول وهذه نوعيه نادره

تشميس كامل

تحيااااااااتي

[البدبخت]

وعليكم السلام ورحمه الله ..


يا هلا ومرحبا بيك اخي الكريم في المنتدى ... نورت المنتدى ...


هوايــة رائــعة صـــور اروع .. وطيور ما شاء الله عليهم .. والامريكي الالمن بعد حلو .. ويبين عليك انك مهتم فيهم عدل ... الله يوفقك وياهم .. وبالتوفيق ..


وبأنتظار المزيد من مشاركاتك ..


واي صدق الله يخلي لكم عبووود الحلو

[مياومياو]

يوووووووووو
ذكرتني بأيام الحمام
كانت ايام حلوه
مافي نوع الا ربيته
واحلا شيء عندي في الشكل
الفراشه والبلغاري
وفي الطيران القلابي والباكستاني ابداع
بس بالنسبه للشمسي ماعمري ربيت زوج وتكاثروا...........؟؟ مدري ليش
بس اذا كان شمسي ونوع ثاني يتكاثروا بسرعه
تحياتي لك اخوي
وبالتوفيق ان شاء

[زيبرا]

مشكور اخوي علا الموضوع والصور الله يخليلك عبود

[Mr. MeMo]

ما شاء الله عليك و علي طيورك غايه في الجمال
والروعه و الابداع و انتاج مميز و صور ولا احلي
الله يعطيك العافيه

و ننتظر المزيد

[بـــدر]

اخي ملك الشمسي انت على كذا تخليني ارجع اربي حمام ههههههههههههه
الله يطرحلك البركه في طيورك على فكره الوانهم شيئ جميل
واتمنى لك التوفيق

[المسافر]

مشكور اخوي علا الموضوع والصور

[ملك الشمسي]

يسلمووووووووووو

جميعاً على الرد

وإن شاء الله الدفعه الثانيه قريباً جداً

ترقبوووو الدفعه الثانيه مدعمه بالصور

تحياااااااااتي

[ملك الشمسي]

لرفع

ترقبو الدفعه الثانيه قادمه سريعاً

[محبوب القمر]

ما شاء الله تبارك الله

أنا ألحين عندي زوجين شمسي

زووج أسود كامل وفرخ واحد أسود وفيه كم ريشة بيضاء

وزوج لون ما أدري شنو

والله يوفق لك في تربيتك ويجيب لك مال الحلال

وإن شاء الله نشوف الدفعة الثانية