انتاج ومشكله

[فيصل المالكي]

شباب بعد كم يوم او اسبوع بشتري انثى كروان عشان ادخل عالم التفريخ

بس عندي كم سؤال

طيب اولاً

لمن اشتري انثى احطها جمب قفص الذكر لمدت كم يوم؟؟ اسمع البعض يقولون اسبوعين و البعض يقولون اسبوع وماني عارف كم المده؟؟

2
بعد ما احط القفصين جمب بعض ينفع ادخل الذكر على الأنثى ولا لازم ادخل الأنثى على الذكر عشان انا بشتري قفص جديد عشان القفص الحالي صغير مو مره كبير

3

على طول لمن ادخلهم على بعض على طول احط البيت الي يبيظو فيه ولا اقعد كمان فتره

4

ذحين عندي الذكر لمن يجي ينام يوقف فوق صحن الأكل ويوصخ عليه ولمن يجي ياكل يكون الوصاخه مختلطه معى الأكل وكون مضر اني كل يوم اغير الأكل هل فيه حل لذي المشكله وشكراً

[فيصل المالكي]

وعندي كمان سؤال

ذحين لمن يفرخو

انا عندي غرفه وحده هاديه واهلي وحتى انا ما ندخلها مرررره كثير احطهم فيها ولا احطهم في المكان الي دايماً احطهم فيه الصاله عشان الصاله اخواني يلعبون فيها ويصدرون اصوات عاليه ايش افضل مكان احطهم فيه؟

[Sayo~nara]

عادي من اسبوع لأسبوعين .. او الافضل خليها 10 ايام بس ..

لازم الانثى هيا اللي تدخلها على الذكر .. وبما انك حتشتري قفص جديد اوسع يكون افضل ..
البياضة ممكن تركبها بعد ما تدخل الانثى على الذكر بكم يوم ... وممكن من قبل ..

بالنسبة للاكل مشكلة >< بس حاول تركب مجاثم تانية في القفص وافضل شي تكون خشبية ..
واذا الذكر لازال يوسخ ممكن وقت النوم تشيل علبة الاكل او تغطيها ><

يفضل الغرفة الهادية طبعا .. جهزها لهم وحطهم فيها ..

وبالتوفيق

[فيصل المالكي]

مشكور ياغالي على الإجابات بس تبقى شي اخير

بلله ممكن تحددلي عمر كرواني وتشوف هل هوه مريض ولا فيه شي انا ادري ان نوعه ايزابيلا بس اكدلي هل هوه فعلاً ايزابيلا وعتقد انه ذكر عشان النقط فيه مي مره كثيره

تفضل

[فيصل المالكي]

الصوره الأخيره من كميرت ايفون لو الصور اللي فوق مي واظحه قولولي اصورها من كميرت الايفون وحطها

[عبدالله الدريبي]

السلام عليككمَ ..كفت ووفت اختناا ..Sayo~nara الله يعطيها العافية .. بخصوص الجنسسَ..=( ذككر على حسب خبرتي ..يفيدوكك الاخبر مني ..

[فيصل المالكي]

طيب حلو بس ابغى واحد يجاوب ويقلي كم عمره

عشان لمن اجيبلها انثى اعرف احط البيت حق التفريخ ولا لا

[فيصل المالكي]

شباب بلله بس واحد يقلي العمر التقريبي حقه وبكون شاكر له

[Sayo~nara]

خبرتي في تحديد العمر قليلة .. لكن تقريبا من 8 شهور فما فوق

وممكن تجيب له الانثى الان يتعودو على بعض ويتوالفو .. يصير اول ما تركب لهم البيت ينتجو على طول إن شاء الله

[فيصل المالكي]

مشكوووووووووور ياغالي كنت انتظر الرد بفارغ الصبر