البغــبغاء السنغالي

[فطوم]

عندي سؤالين

- هل تدريبه صعب ولا سهل؟
- كيف نحدد عمره؟

[حور الجنان]

تقدر تحدد عمره


عن طريق عيونه

او انكتوضع صورته ويفيدونك الخبراء يعطزك كم عمره

وعلى التدريب

كل ما كان اصغر كان اسهل في التدريب

[فطوم]

شلون عن طريق عيونه يعني نفس الكاسكو؟؟ يريت تقولونلي عشان اعرف الي بشتريه كبير ولاصغير

[shinigami]

فطوم من وين شريتية انا شريت واحد وجالس اروضه الحين بس هو سهل الترويض وممتع

انا من الاحساء وشريتة من محل في الاحساء

عيونة اذا صارت صفراء هذا كبير اما اذا كانت رمادية معناتها انو صغير

السنغالي طير ممتع وذكي وكوميدي ويتكلم بعد بس ياليت الاقي واحد صغير مرة عشان اتمتع فية واعلمة حركات خبلة شكلي بشتري لي انثى وبفرخ فيهم

[وعـــد الهـــوى]

مواصفاته نفس الافريقي العادي

من ناحية العمر وكل شي

وهو غير مرغوب عشان حجمه صغير ولونه غامق مره

[بودلال]

السلام عليكم

اخت فطوم الكاسكو السنغالي يسمونه تمنه

واهو صغير الحجم وتقريبا كبر الحمامه

انا اقول اخذي كاسكو افريقي والافضل يكون محجل يعني على رجله حجل اما ذهبي او فضي

واحسلج من التمنه

هذي وجهت نظري وان شاءلله فدتج فيها

وتقبلي فائق احترامي وتقديري

[فطوم]

شكرا جميعا انا ما اقصد التمنا انا اقصد البغبغاء السنغالي الي يكون لونه اخضر ورمااديي وحصلته بالكويت بسوق الحمام وبودلال فعلا قبل يومين اخذت كاسكو ومحجل بس حيل خايفه لانه يقولونلي المستورد مايعدي عمره العشر شهورر ويموت والي عندي عمره تقريبا 3 اشهر
وحاطته بمكان دافي واوكله اكل مخصص لفروخ الكاسكو وبعد اهو ياكل حب مخلوط مع فواكه مجففه واحطله عسل مع ماء سلق البطاط والجزر وكل شي قاعده اسوي بس خايفه

[بوسارة]

اتكلي على الله وان شاءالله مايصير الا كل خير بس اهم شيء لا تهملين الطير

[بودلال]

فطوم كل الطيور مستورده

اولا : انا عندي اكثر من كاسكو وطافو ال سنه والسنتين والحمدلله مافيهم الى العافيه

وثانيا : بعدين 99% الطيور تجينا مستورده ماعندنا انتاج بالكويت بس انتي وعنايتج للطير انا اقول وكليه سيريلاك فواكه تحصلينه بالجمعيه لونه ازرق ووكليه عن طريق المميه او الابره نفس مالت اليهال الصغار

وثالثا : اسف انا راح بالي على التمنه

بس بسئلج جم عمره الطير الي تبين تشترينه وشنو مواصفاته ؟ يصعد على الايد ؟ يتكلم ؟ شلون ريشته ؟
وجم يبي فيه

وبنتظار ردج

وبالتوفيق

[فطوم]

لاشدعوه بودلال والله مادري جم عمره وطلب فيه 10 دنانير بس طبعا مايوقف عالايد ولاشي يبيله تدريب بس الحين ماراحح اخذه دامي خذيت الكاسكو والحمدالله ليلحين صحته زينه وياكل وانا خذيتله اكل خاص حق فروخ الطيور اهو تقريبا نفس السريلاك بس اليوم اخوي يقولي لاتعطينه ويه الطير اذا شاف صاحبه يعطيه ويه وطول الوقت يطلعه بره القفص مايتكلم!؟ صج هالحجي؟