طلب مساعده من مبتدأ .. كيف تربي حرباية في البيت ؟

[ميكاشو]

السلام عليكم و رحمة الله و بركاته
كيف الحال ؟؟
أنا ناويه اشتري حرباية قريب إنشاء الله و حابه أعرف من الصفر كل شي عنها
أبتداء من البيت ... طبعاً محا اعمله ( ما أفهم في النجاره ) ... راح أشتري و ابا أعرف من فين ؟؟ الا إذا واحد عملي بيت و يبا يبيعه و قتها في كلام تاني
الأكل ,,,, طيب لو حشرات خلطه دبان و ديدان هادي من فين الاقيها ؟؟
النبته اللي تكون جوت القفص إش أفضل تكون حقيقية و لا ؟
إش أفضل أو بالاصح مين اليف أكتر ذكر أو انثى ؟؟
بالنسبه للمويه ؟؟؟ كم الكميه ؟؟؟ اللمبه اصكها في الليل أو لا ؟؟؟
إذا في شي تاني لازم أعرفه لا تقصرو , كل شي

اه إوا صح قد واحد عضته حربايه ؟؟؟ كيف العضه قويه ؟؟ و أش السبب ؟؟ يعني لا تخبوا شي ؟؟

هادا تصميم لبيت الحرباية عجبني
http://www.youtube.com/watch?v=usuqvzIXFJs

[حرباء]

طيب كم الميزانيه لقفص والادوات

[ميكاشو]

أنت قلي ؟؟ انا كم احتاج عشانه

[حرباء]

شوووف المزانيه انت تتحكم فيها والسبب في بديل وارخص
وقصدي البديل يعني
في اقفاص خاصه لحرباء
وانوار خاصه لحرباء
جهاز رطوبه خاص لحرباء
وكماليات زي اكسسورات لقفص وفتمينات
طبعن كلها رخيضه بس المشكله بالشحن
وكل الي فوق له بديل غير انوار uvb
ماحصلتها
واذا تبي نصيحتي خليك على البديل لين ماتشووف انك تعرف تتعامل مع الحرباء
واشتري الاغراض حبه حبه
واذا مزنيتك مفتوحه علمني وانا اوريك ايش تشتري
وهذي صوره القفص وفي انواع كثيره

[ميكاشو]

حلو القفص .. عجبني
أممم .. اما الميزانية ,,, ممكن تقول إنشاء الله .. انا اقدر أضغط على نفسي , ما صدقت أهلي رضيو يخلوني اربي واحد ( بس طبعا محد شكله حيسعدني في الموضوع )
كنت حابه اسمع النغمة , قد ايش ممكن تكلف الشغله ؟؟ في حدود كم ؟؟؟
إنت قصدك بالبديل ... زي الي إنت سويته ... القفص إلي بنيته ؟؟؟
أنا معاك لأني ما افهم اشتري عن طريق النت أو أني أشحن ... فكرت أروح كم محل هنا في جده و أشوف إذا
في اقفاص خاصه لحرباء
وانوار خاصه لحرباء
جهاز رطوبه خاص لحرباء ( و هادا شكلي محا الاقي )
وكماليات اكسسورات لقفص وفتمينات ( شكلها ضروريه )
بالنسبة للانوار ممكن أطلبها من المحلات المعروفه بالطلب

[حرباء]

اكيد راح تحصل اقفاص بجده بس ماعرف بتحصل اقفاص بارتفاع عشان الحرباء تحب تكون فوق الاشجار
والشي التاني الانوار خذ انوار من محلات الكهربه انا كلفتني من محل ٥٠ ريال طبعا اسلاك ولمبه عدد٢ اما من النت كلفه ٧٠٠ واكثر
وفي نقطه مهمه لزم تشمس الحرباء في الصباح او قريب المغرب
اما بخصوص جهاز الرطوبه بالعكس اسهل شي راح تحصله
من محلات العطورات او الصيدليه اسالهم عن جهاز تبخير الما ��
وبخصوص الكماليات مثل الاغصان والديكورات الداخليه مو مهمه
والفتامينات علي حسب تغذيتها والتشميس والبيئه الي انت موفرها لها
واخر شي انا ماقدر احدد المزانيه عشان انا بااقي باول الطريق قاعد اطلب علي دفعات
وان شاء الله بكره توصل اول دفعه اذا ماصار تاخير

والصبر حلو
انت لقيت الحرباء او بااقي

[H.A.S]

المشاركة الأصلية كتبت بواسطة ميكاشو

السلام عليكم و رحمة الله و بركاته
كيف الحال ؟؟
أنا ناويه اشتري حرباية قريب إنشاء الله و حابه أعرف من الصفر كل شي عنها
أبتداء من البيت ... طبعاً محا اعمله ( ما أفهم في النجاره ) ... راح أشتري و ابا أعرف من فين ؟؟ الا إذا واحد عملي بيت و يبا يبيعه و قتها في كلام تاني
الأكل ,,,, طيب لو حشرات خلطه دبان و ديدان هادي من فين الاقيها ؟؟
النبته اللي تكون جوت القفص إش أفضل تكون حقيقية و لا ؟
إش أفضل أو بالاصح مين اليف أكتر ذكر أو انثى ؟؟
بالنسبه للمويه ؟؟؟ كم الكميه ؟؟؟ اللمبه اصكها في الليل أو لا ؟؟؟
إذا في شي تاني لازم أعرفه لا تقصرو , كل شي

اه إوا صح قد واحد عضته حربايه ؟؟؟ كيف العضه قويه ؟؟ و أش السبب ؟؟ يعني لا تخبوا شي ؟؟

هادا تصميم لبيت الحرباية عجبني
http://www.youtube.com/watch?v=usuqvzIXFJs

و عليكم السلام و الرحمة
الحمد لله تمام
اولا الحوض تقدرين تفصلينة و تقدرين تشترين حوض اسماك كبديل
ثانية تقدرين تصيدينلها خناس من البر و ديدان الأرض ينباعون بمحلات بيع الحيوانات
تقدرين تاخذين كمية و تنتجينهم
ثالثا اكيد تكون غير حقيقية لتجنب الوصخ و لازم يكون في غصن و إذا تبين حقيقية تأكدي انها شجرة نظيفة
رابعا الاثنين نفس الشي ماتفرق بس دائما الذكر احلا
خامسا الماي تحط بطبق فخار و يكوون غير عالي و يبدل يوميا
سادسا راح تحتاجين لمبة UVB و تشغلينها اوقات وجود االشمس و تصكرينها عن المغيب. و لكن مع اخذ الحذر بين المسافة بين المبة و الحرباء و لازم يكون في تدفئة بليل بس بدون اضاءءة
سابعا العضة مثل القرصة ههههههه ماتعور وايد و السبب انزعاجها لمن امسكها
و الشي الي ماكتبتيه الأرضية حطيها عشب صناعي


ملاحظة حربايتي قبل يومين ماتت اهتمي بحربايتك عدل لأنها من اروع المخلوقات

[ميكاشو]

أول شي ... فهمت راح أدور على قفص عالي أول شي أعمله
و بعدين أشتري الإكسسوار و اللمبه و جهاز الرطوبه و بالنسبة للاكل صاحب الحرباية قلي حطيها في الطاقه عشان تاكل الدبان ( ما اقتنعت صراحه ) أفرض ما مرة دبانة داك اليوم .... شكلي حاختصر على الخضار و الفواكه و الفتمينات
أيوا يا عمي لقيت وحده من محل الشراء و أنت كتبت رد بتسأل عن إن كانت ذكر او انثى ؟؟... إش بك نسيت !!!

بالنسبة لــHAS ما افضل حوض سمك لاني سمعت إنها ما تحب الكتمة (أفضل شي مخرم عشان يتنفس القفص ) ... ما أقدر أكله دود صعبه و الله خليني شوي أكون صريحه ( حيموت لو ما أكلت حشرات؟؟ )
إلا إذا لقيت شي مغلف نضيف زي أكل البسس في علب جاهزه
بالنسبة للشجره .. مدري أفضل تكون حقيقي عشان تجدد الهوى جوة القفص
و إنشاء الله اشوف حرباية ذكر شكراً على المعلومة .. حالياً بأدور على قفص و بعدين يسير خير ..
أخر شي ... معليش عرق اللقافه طق !! ابا اعرف ليش ماتت ؟؟؟

[حرباء]

متذكر بس اشوفه مارد علي
كنت ابي اخليه ينزل صورتها او عمرها وشي كذا اذا عطاك معلومات علمني عشان نستفيد

[ميكاشو]

أخونا في الله ... جاد في الموضوع إذا تبا اتصل بي محا يقصر معاك
حتتواصل معاه بالوتساب
حيرسلك صور 5 أو 6 و الإخيره إقوانا
بس ما أقدر أقول الأسعار لأنه ابا أتفاوض معاه
أنا عجبتني أول حربايه وشكلي حاشتريها ((( يعني يا ريت ما تسبقني *_* ))) الين ما احصل بيت


في شي تاني ... احتمال يكون البيت الجاهز غالي فأن حابه أسأل الاعضاء إذا كان في أحد عندو بيت جاهز يبا يبيعه ؟؟؟؟ أنا موجوده , يرسل الصوره و يقول السعر و يسير خير