اهل الخبره خنزير غينيا ساعدوني :(

[جوري^_^]

السلااااااااااام عليكم ورحمة الله وبركاته


كيف الحال وش اخباركم وش مسوين ان شاء الله بخير

انا اشتريت وبر - خنزير غينيا - كافي << اسمائه كثيره ما شاء الله

الظاهر ان نوعه حبشي ما اعرف بس اللي يصير شعره متلفلف شوي كنه وردات


المهم اني اشتريته وتوهقت ما افهم في تربيته ولا شي

عندي اسئله اهل الخبره بس تكفون يعلموني

سؤال رقم 1: المكان
ابي اسأل وين تحطونه فيه ؟؟ بالحوش ؟؟ بالسطح ؟؟ بقفص ؟؟ وين تحطووووووونهم

تعبت من القفص علطول يتوسخ لازم انظفه كل شوي

يصلح احطه بالحوش ؟؟ اخاف يموت من حر الرياض


سؤال 2 : الاكل
وش اعطيه اكل سمعت انه ياكل اي شي خبز خس خيار جزر بقدونس

عادي اعطيه اي شي والا اكل مخصص ؟؟ اشوف المحلات يعطونهم برسيم من وين يجيبونه صعبه اجيب له برسيم علموني وش توكلونهم من خبرتكم

عادي ياكل من الثيل ؟؟ اخاف يموت زي الارانب اللي قبله

احط الاكل دايم والا بس مرتين باليوم



سؤال 3 : الولادة
لازم رعايه خاصه واكل خاص وهدوء زي الهامستر والا عادي ؟؟ وهل الصغار يموتون بسرعه والا يعيشون وهل الذكر يلقحها بسرعه والا افصله عنها وارجعه والا شلون لاني ماشفته يلقحها ولا مره ابيها تحمل بسرعه



ربي يوفقكم ياااااارب

و شكرا لكم ولمساعدتكم مقدما

[أم الكتاكيت]

نفس نظام الهامستر

حطيه في قفص في نشارة خشب

والأكل فيه اكل مخصص لهم بالأظافه الى الخس والملفوف والخيار بس لاتكثرين منهم لأنه يجيب اسهال

والمويه تكون في مشربه خاصه فيهم

بالنسبة للجو يفضل في غرفه مش بارده ولا حاره

الحوش ماينفع الا اذا كان فترة العصر من باب تهوية القفص

[the master2010]

اول يش


المكان

طبعا بـ قفص ويكون المكان بارد شوي مو مره لانه يحب البرودة على ما اظن

الطعام

زي الهامستر خبز خيار خس بيض بطاطس اي شي بس لا تكثرين منه وطبعا ماننسى الاكل الخاص

والحمل عاد مادري يفيدوكي الخبراء

[جوري^_^]

ام الكتايت شكرا لك


بس انا بنتحر من ريحة القفص ابي اي مكان بدال القفص الهامسترات نظيفة ياحبيلها الوبرات توسخ القفص بسررررررررررعه تعبت منهم


ماستر شكرا جزاك الله خير


اااااااااااف يعني لازم قفص

ابشرك صرت اوكلهم اي شي بالبيت وعندهم علبه فيها اكلهم اللي فيه الفايتمينات







يا جماعه محد جرب يربي الوبر بحوشهم القفص متعب على طول يوسخونه ؟؟؟؟؟؟؟؟؟؟؟؟؟؟



ودي اجرب بس اخاف يموتون من الحر

[في لين]

بصراحة احنا يالله نتحمل الحر فما بالك بالوبر

بعدين اسمعيها مني نصيحة تبغين تتخلصين من الوبر طلعيه للحوش وشوفي النتيجة !!!!

راح تندمين ؟؟؟!!!!

وانا عندي وبر فرنسي (الظاهر) ومع ذلك ما انظف القفص الا بالاسبوع مرة

بعكس الهامسترات لها ريحة فظيعة عشان كذا ابعدتها شوي عنا (بالمستودع ) ؟؟

[the master2010]

هلا فيكي اخي او اختي في لين



شوفو يا اخواني لو ان القفص نظيف ما بتطلع ريحه

كل ماكثر الطعام والماء كثرت الرائحه


كثرة الطعام =براز

كثرة الماء = بول


براز+ بول= رائحه قاتله


اختي في لين اييش انتيجه ؟؟

[نوني..]

انا كد ربيت وبرات تعرفين ايش ميزتهم انك لوحطيتهم بحوش او مكآن مفتوح اوثيل مايتحركون

من المكآن اللي فيه الاكل والماي سبحآن الله لاحظت هالحركه فيهم حتى صاحبتي لاحظتهآ بوبراتهم

الاكل يأكلون اي شئ حتى الثيل عادي ويمكن ارانبك ماتوآ من شئ ثاني لانو عادي كنت اعطيهم من الثيل اقصه

لهم ولاجاهم شئ ماشاءالله عليهم


وافضلك حطيهم بمكآن مكشوف عليهم ينبسطون بحوض شجرهـ او بالحوش او بالثيل

وخليهم بالظل وعادي بالنسبهـ للحر انا كنت حاطتهم بالسطح بعز الحر بس حآطه لهم خشبه

مسندتهآ على الجدار وصاير بينهآ وبين الجدار فتحه ويحبون يدخلون فيهآ كآنهآ حفرهـ

وبالنسبهـ للماء الوبر يحب يوسخه لذالك افضل تحطين لهم مشربه زي حقة الهامستر

او تحطين صحن مويه بس تغيرينه كل يوم لانهم يوسخونهـ ومايشربون من الماء الوسخ

لله في خلقه شؤوون

وموفقه بتربيتهم

[جوري^_^]

اهلييين في لين حياك ربي


يمكن الفرنسي مؤدب ما يوسخ كثير وبراتي عقدوني

بس غريبه الهامسترات انا ما انظف القفص الا مره وحده بالاسبوع

شكرا لك




_____________

ا هلين ذا ماستر هذي هي المشكله تنظيف القفص


___


اهلا نوني شكرا الله يجزاك خير طمنتيني


تاخرت بالرد عشان اجرب كلامك وفعلا سبحان الله يجلسون عند الاكل



ابشركم توصلت لحل وسط حطيتهم في قفص الارانب
اللي ماتو انا اربي ارانب من زمان بس ما اعرف هالدفعه ليش ماتت الحين عندنا ارانب ما ماتت الحمد لله
المهم حطيتهم تحت ظل النخل وسكرت القفص عشان ما تدخل عليهم قطوه وحطيت لهم مشربتهم وبيت عشان الحر




وان شاء الله موفقين كلكم

[زعيم الكناري]

هلا أختي انتي رسلتي رساله صح بس مقدر ارسل لاني عدد مشاركه 23 لازم اجيب 50مشاركه علشان ارد

[عطر]

زيـن ما سـويتي واعتقد هذا افضل حـل

..

والاكـل اي شـئ خس جرجير نعناع بصـل والاكلـه المفضله > بسكـوت < مو بالملح عادي >

..