اشترك في نشرتنا البريدية ليصلك كل جديد

lonely92 · 15-04-2013, 04:18 PM

السلام عليكم ازيكم

قطتي بقالها يومين بالظبط شعرها بدأ يطلع ! يعني مثلا لو واقفه على بطني وانا نايم الاي ع هدومي شعرها !! لما احسس ع ضهرها الاقي الشعر بدأ يطلع .. الاول مكنش ده بيحصل !!
ودورت ع النت ع المشكله ده , اللي يقولي حمل وقرح حمرا !! وبكتيريا ! وبراغيت , وانا قطتي نضيفه مافيهاش الكلام ده !!
بالنسبه لشكل القطه أهو
http://www.2zoo.com/vb/showthread.php?t=308050

وبالنسبه لأكلها , عباره عن زبادي وجبنه نستو , ولانشون , مابحطلهاش سمك عشان سمعت انه غلط عليها
المهم ايه المشكله دي بقا ؟؟
لحسن مزعلاني جداً ً

شاهستا · 15-04-2013, 10:48 PM

وعليكم السلام ورحمه الله

اهلا بيك

تساقط الشعر ليه اسباب كتير منها نفسيه او جسديه

النفسيه زى الخوف او القلق

والجسديه زى ان القطه فيهها ديدان او نظام تغذيتها غلط

او حاجه تانيه خالص وهى ان القطه شعرها كثيف

حاليا لازم تراقب براز القطه وتشوف فيه ديدان ولالا

اما عن التغذيه بلاش الانشون لانه هيسببلها ديدان وهو اكيد سبب فى تساقط الشعر

الافضل انك تأكلها اكل بيتى زى الفراخ او اللحم وتضيف عليهم خضار زى الكوسه او البطاطس

او البيض المسلوق

وممكن تجبلها دراى فود خاص بالكيتن هيفدها كتير

وكمان ضرورى تمشط شعر القطه مره او اتنين فى اليوم عشان الشعر الى بيوقع يطلع فى المشط

وميبهدلش الدنيا

lonely92 · 22-04-2013, 09:21 AM

منعت اللنشون .. ووديتها مستشفى بيطري هنا , الدكتوره اداتلها امبول كده مكتوب عليه بالروسي ع ماعتقد "نصه"
وقالتلي النص التاني بعد 3 أيام .. وامبارح ادتلها انا النص التاني , بس الشعر مستمر ف السقوط .. وكانت كمان الكتوره اداتلها حقنتين .عشان كان عندها نزله شعبيه

شاهستا · 22-04-2013, 12:16 PM

الف سلامه عليها

دلوقتى اتحسنت ولا لا ؟

والامبول ده اكيد رفوليشن

انت اهتم بتغذيتها وزى ماقولتلك لازم تمشط شعرها يوميا

lonely92 · 23-04-2013, 01:52 AM

اه دلوقت أحسن ومعدتش بتعطس زي الاول .. والشعر خف حبه " حكايه سقوطه " عن الأول برضه
بس مش عارف ليه حاسس وانا ماسكها انها معضمه !!!
ايه الاكل الكويس اللي ممكن يغذيها ؟ وممكن احطلها فيتامين في المايه ؟
النهارده بحطلها شويه مكرونه سباكيتي ، أكلت ..
وطبعا أكلت فصوص فراخ ...
واكلها الطبيعي النستو وفتة عيش في لبن "نيدو "
كده تمام ولا ايه ؟؟ وايه ازوده

شاهستا · 23-04-2013, 01:57 AM

اهلآ بيك

هو كدة الاكل مش صحى اوى

يعنى اكلها بيض مسلوق اكلها لحم او كبده او فراخ ومعاهم خضار زى الكوسه

البطاطس الجزر وكمان تقدر تشترى ليها دراى فود خاص بالكيتن وزبادى وسيرلاك بالقمح او الارز

وفى فهرس بالقسم العام كله عن التغذيه والوجبات الصحيه

lonely92 · 23-04-2013, 02:03 AM

البيض مسلوق ده ..بحاله ؟؟ يعني بياض وصفار ؟؟؟

متشكر أوي يا " شاهستا "

وحاضر هبص ف قسم الاكل الصحي ^_^

شاهستا · 23-04-2013, 02:06 AM

اه بحاله اهرسه بالشوكه وقدمه ليها

ولو رفضه هتاخد حته صغيره وتدوقها ليها عشان تعرف انه اكل

العفو واى استفسار اتفضل

lonely92 · 23-04-2013, 02:29 AM

انا فضلت ادور ع فهرس الاكل ده , مش لاقيه ّ!ّّّّ
بس لاقيت موضوع بيتكلم عن الشاور للقطط " http://www.2zoo.com/vb/showthread.php?t=297444 "
بس في مشكله, القطه اصلا يوم ما دخلتها الحمام وعملتلها شاور .. بهدلتني ... خربشه ونونوه !ّ!!
بتترعب من حاجه اسمها مايه !!
وأصلا لما أجي اوقفها واطبطب عليها او احسس ع ضهرها مش بترضي تثبت ..لازم تمشي
كانها مش طايقاني

شاهستا · 23-04-2013, 09:58 AM

اتفضل الفهرس اهون

http://www.2zoo.com/vb/showthread.ph...79#post2273179

طبيعى كل القطط بتخاف من المايه

ضرورى متحميهاش كتير يعنى مره فى الشهر كفاييه اوى

لان كتره الاستحمام بيأثر على فروة الشهر وبيجهدها بالتالى بيسبب تساقط كتير جدا للشعر

وكمان لازم تستخدم شامبو خاص بالقطط او شامبو جونسون للاطفال

وتنشفها كويس جدا جدا وتخليها فى مكان بعيد عن اى تيار هوا