جناح الكاسكو

[الريشاني7557]

أيها الخبراء الكرام تحية طيبه ارجوا إفادتي بخصوص جناح البغبغاء لما اشتريته كان مقصوص بطريقة مش حلوة تعرقل الطير من كل شي سؤالي هل بيكبر الجناح او لازم نتف الجناح المقصوص على شان يرجع مع العلم ان عمر الطير 8 اشهر او انتظر لين يبدل الطير ريشه

[حبوبوه]

بالنسبة للجناح عادي بيطلع لا تحاتي

[AVOCADO]

بما انه جديد عندك
يفضل ما تنتف ريشه

خليه فتره اقل شي شهرين

اذا ما طاح الريش التالف

وديه محل متخصص بالببغاوات ينتفلك الريش التالف ويقص اظافره

موفق

[الريشاني7557]

انا سمعت ان الريش المقصوص مايطلع مرة اخرى هل هذا صحيح مع الشكر لكم جميعا

[روجيادا]

الريش المقصوص ماينمو بس الريشه نفسها تطيح وقت تبديل الريش ويطلع غيرها

اذا كان الريش بس مشوه شكل الطير خليه حتى يتبدل الريش وحده خاصه ان الطير صغير وجديد
اما اذا كان الريش مأثر ع الطير بحيث انه مقصوص او منتف بطريقه صار معها الريش ينمو تحت الجلد او مافيه ريش الهبوط ف انا اشوف انك تنتف الريش خاصه او ع الاقل منطقه ريش الهبوط لان الطير بيحاول يتعلم الطيران قريب وهذا اسلم له
اما طريقه تنتيف الريش ممكن تسويها وحدك وممكن تطبقها ع ريش الهبوط اللي هو الريش القريب من جسم الطير تقريبا ال5 ريشات
امسك الطير بمنشفه وغطي وجهه بحيث انه مايشوفك وفي نفس الوقت يتنفس عاد لاتتحمس وتخنق الطير
حاول انك تثبته وافرد جناحه بيدك اليسار خلي باطنها ع جسم الطير وباقي الاصابع عند صدر الطير واصبعك السبابه بس تكون مضمومه تحت الجناح من بعد العظم بشوي مش الريش تقدر تقول عند منبت الريش بالضبط المكان اللي يكون فيه جذر الريشه ( الطرف الابيض) داخل الجلد والابهام من فوق لكن مفروده (وصف تقريبي لطريقه الامساك اهم شي السبابه والابهام) وبيدك اليمن تمسك الريشه اللي بتنتفها ولما تسحب الريشه اضغط بسبابه وابهام يدك اليسار ع مكان طلوع الريش عشان ماينزف وعشان مايحس بوجع وخليك ضاغط 5 ثواني بعدما تطلع كل ريشه واضغط بقوه شوي

(ف العاده اول ريشتين اللي ف طرف الجناح الطرف البعيد عن جسم الطير يحتاجن تضغط عليهن 5 دقايق لانهن متصلات بالعظم اما الباقي مايطلعن دم الا شوي لكن لاتستهين بهالشي لان الطيور لما تخسر كميه بسيطه من الدم يعتبر واجد لان حجمهن صغير )
واهم شي الريشه اللي بتطلعها امسكها زين لاتمسكها باظافرك من الطرف امسكها بجانب السبابه ومكان بصمه الابهام عشان تطلع مره وحده واسحب سحبه زينه وخلي يدينك والريش جاف عشان مايتزحلق الريش لاننا نريد نسوي هالعمليه بسرعه وباقل وجع ولا تفكر تسحب ريشتين او اكثر مره وحده هو صح بيختصر الوقت بس بيزيد الالم واحتماليه النزيف