ببغائي يطير بشكل مزعج

[المغموض]

سلام عليكم كيفكم عندي ببغاء ماشاء الله اليف جدا لحد يعني الازعاج وهو انه يطير الي كل ماشافني طبعا يطير لكل من يشوفه من اهل البيت صغيرهم وكبيرهم وطبعا الطير ماله عندي اسبوعين ماشاء الله
كاسكو طبعا بعمر خمس شهور كيف اخليه يقلل سالفة الطيران ذي تعرفون طيرانه كل مايشوف احد وكل مايشوفني شوي صعبه مع العلم غالب وقته يكون برا القفص هل اعكس الاية واخلي غالب وقته في القفص او كيف تعرفون اخاف ينفس او يصير له شي ع العموم انتظر ردودكم الكافيه والوافيه

[رآبت]

خله بالقفص اكثر الوقت و عطه 3 ساعات من اليوم للستاند

[ابو غسان2009]

ما شاء الله طيرك هدد وهذا مطلوب كل الناس لكن انا معك ان الطير لابد يكون رزين شوي مافي حل الا انك تقص الجناح بس انتبه ممكن الشيء ياثر على نفسية الطير ويبدا ينتف ريشه او يصير خواف وما عاد يقبل البشر هذا مجرد رائي قابل للخطا وقابل للصواب والطيور مهي سوا كل طير وله نفسية بس انا بعطيك تجارب مريت فيها مع طيور كثيرة والله يبارك لك فيه .

[AVOCADO]

وجهة نظري
بما انه يحب الطيران لدرجه الجنون , فاذا قصيت ريشه ميه في الميه راح تصير نفسيته زفت ويمكن يتغير كثير عليك

الحل زي ما قالك رابت خله بالقفص طول الوقت
واذا فضيتله وكنت مروق طلعه والعب معه ساعه ساعتين اكثر حسب وقتك ورواقتك

[Saadhdb]

أشتر له حبل الهارنس آدم الطير توه فرخ عوده عليه و اطلع انت وياه خليه يطير برا بس مكان مفتوح عشان ما يوقف على شجره

ولا تقدر تنزله

[المغموض]

شكرا لكم جميع كفيتو ووفيتو

[آمازونيـة]

بالفعل تخليه بالقفص افضل شي
لانه طيرانه كل شوي مزعج .. وممكن تحط له العاب او قطع خشب تلهيه ..

[monybat]

السلام عليكم

خليه عالاستاند واشتري له سلسال يربط من القدم في الاستاند وما راح يطير
بعد ذلك لان الطيور هذه ذكية راح تفهم ما قصدك من ربط قدمه في الاستاند بسلسله

بالتوفيق

[abdal_123]

المشاركة الأصلية كتبت بواسطة ss6ss9ss

وجهة نظري
بما انه يحب الطيران لدرجه الجنون , فاذا قصيت ريشه ميه في الميه راح تصير نفسيته زفت ويمكن يتغير كثير عليك

الحل زي ما قالك رابت خله بالقفص طول الوقت
واذا فضيتله وكنت مروق طلعه والعب معه ساعه ساعتين اكثر حسب وقتك ورواقتك

مو بالضرورة نفسيته تتغير ، طيري البلوفرنتد قصيت جناحه وصرخ صراخ عند الطبيب الي قلت خلاص بيقلب وحشي

السبب كان نفس سبب صاحب الموضوع وقصيته لان جديد بالبيت عندي وابي اقعد معاه مو كل طاير ويخرب الدنيا

لكن لما ركبت السيارة بعد قص الجناح والاظافر كلمته رد علي ماشاءالله وبالبيت الوضع عادي بس الحين تقريبا كل يوم امسكه وارفعه فوق وتحت واهو واقف على صبعي ، امرن جناحه لايتعب بعدين ويعتبر مثل اللعب له

وهالكلام يفرق من طير لي طير طبعا

[AVOCADO]

المشاركة الأصلية كتبت بواسطة abdal_123

مو بالضرورة نفسيته تتغير ، طيري البلوفرنتد قصيت جناحه وصرخ صراخ عند الطبيب الي قلت خلاص بيقلب وحشي

السبب كان نفس سبب صاحب الموضوع وقصيته لان جديد بالبيت عندي وابي اقعد معاه مو كل طاير ويخرب الدنيا

لكن لما ركبت السيارة بعد قص الجناح والاظافر كلمته رد علي ماشاءالله وبالبيت الوضع عادي بس الحين تقريبا كل يوم امسكه وارفعه فوق وتحت واهو واقف على صبعي ، امرن جناحه لايتعب بعدين ويعتبر مثل اللعب له

وهالكلام يفرق من طير لي طير طبعا

هلا فيك
البلوفرنتد غير الكاسكو

خصوصا ان صاحب الموضوع
ذكر انه كاسكو وعمره خمس شهور ويحب الطيران جدا
يعني صغير جدا ومتعلق بالطيران

والكاسكو حساس جدا جدا مقارنه بالبلوفرنتد
ما بالك اذا كان صغير عمره خمس شهور ويحب الطيران
فتحليلي كان من هذا المنطلق
فحذرته
واقلها لو بيقص جناحه يخلي شخص غيره يقصه

وانا اعرف كثير قصو لكاسكو اظافر رجله فقط وصارت نفسيته تعبانه وووحشي


ومثل ما تفضلت حضرتك من طير لطير تفرق المسأله


يمكن يقصله ولا ياثر فيه شي ويمكن العكس