اشترك في نشرتنا البريدية ليصلك كل جديد

الصهباء · 13-07-2007, 03:42 AM

السلام عليكم,لو سمحت أنا عندي أرنب اشتريته من نحو أسبوعين وما شفته ولا مرة يشربالماء.هل هذا ممكن يضر بجسمه؟ ماذاأفعل؟

رعوود · 13-07-2007, 01:53 PM

اقتباس:

المشاركة الأصلية كتبت بواسطة HAMSTER

عندي سؤال الله يعافيكم

الأرنب كانت حامل ,,

وزي ما ذكرت قبل

كانت تاخذ القش وتحطه في حفرتها ...

وبعدين صارت تنتف شعرها بقـوة .. لين ما طلع شكلها مرقع والجلد طلع وااضح

واليوم رحت لم الارانب ولقيت الحفرة الي كانت تدخل فيها القش والشعر سادتها كلها بالتراب ... ومسويتها تماماً في الأرض .. دون أي علامة

ما ادري هل هذا العمل يدل على أنها ولدت .. !؟

اخوي\اختي

هامستر

المعلومات كلها دليل على ان الانثى راح تولد حتى لما تشيل فرو من جسمها هذا طبيعي عشان تبطن العش للصغار

لكن بالنسبة لدفن العش بالتراب والله ماقدر افيدك بهذي لانها ما مرت علي من قبل كذا

وان شاء الله بحاول ادور لك اي معلومة تخص هالموضوع

اقتباس:

المشاركة الأصلية كتبت بواسطة الصهباء

السلام عليكم,لو سمحت أنا عندي أرنب اشتريته من نحو أسبوعين وما شفته ولا مرة يشربالماء.هل هذا ممكن يضر بجسمه؟ ماذاأفعل؟

اولا احب ارحب فسك بتو زوو وان شاء الله تستمتعين معانا

وبالنسبة لسؤالك

اذا الارنب ياكل خضار وفواكه بكميات كبير فهو ما يحتاج للماي لانه يستغني عنه بالماء الي يكون بداخل الخضراوات والفواكه

واذا ما كان ياكل خضراوات وفواكه ممكن طريقة وضع الماي يمكن الصحن يكون ما يقدر يوصل للماء

لذلك افضل لو تجيبين له الرضاعه الخاصه للماء وهي متواجده بكل محل خاص بالحيوانات ومستلزماتها

بشر المرابط · 16-07-2007, 09:49 AM

السلام عليكم
بدي اعرف كيف منعرف عمر الارنب
وماهي اضخم سلالات الارانب وكم سعر الزوج
وشكر لكم

رعوود · 16-07-2007, 10:54 AM

اخوي بشر المرابط

بالنسبه للعمر
هذي يا اما انه يكون مولود عندك او لما تشتريه الشخص الي يبيعه يكون عارف تاريخ ميلاده

او انك تعرضه على واحد من الخبراء وهو يقدر لك العمر المتوسط له

وبالنسبة لاضخم السلالات طبعا هي الارنب العملاق

والسعر يختلف من بلد للثاني

7amod_AD · 16-07-2007, 09:52 PM

السلام عليكم ..

مرحبا اخوي ..

جزاك الله ألف خير على هالموضوع ..

اخوي عندي سؤال .. انا عندي أرنبين صغار .. وما اعرف كم عمرهم بالضبط ..

بس اتوقع شهرين ..

المهم .. فالبداية كنت احسهم ما ياكلوا عدل ..

بعد فتره .. عطيتهم بقدونس و حبوه وكانوا يكلوه وايد ..

يوم شفتهم ياكلوه كله وكل ما ازيدهم ياكلوا صاروا ياكلو وايد ..

.. قلت شهيتهم انفتحت .. ولا توقعت انه البقدونس مضر ..

ممكن تقولي ضرره ؟؟ .. لأني خايف عليهم ..

وسؤالي الثاني حاولت اعرف من فيهم الذكر والأنثى ولا عرفت .. كيف اميز .. ؟؟

ممكن تجاوبني؟؟ .. اخوي العزيز ..

رعوود · 16-07-2007, 09:57 PM

اخوي بالنسبه للبقدونس هو فيه ماده مضره بالارانب

لكن ايش هي مو عارف والله

لذلك يفضل تغير البقدونس بالخس

وانت تقدر تصور لي الارانب من عند

فتحت الاخراج - الله يكرمكم -

عشان احدد الجنس

لانه دورت صور عالنت مو لاقي

حاولت انزل صور من عندي تطلع مو واضحه