طريقه لتربيه الافريقي من واقع تجربه

[زياد محمد]

مآقصَرتو والله في ردوٍدَكم >>> وآضيف آن الطيور الآفريقية مزآجية للغآية سَبحآن الله وبعَدين على حسٌب الطير ..؟ في العمر؛في التربية ؛في التَدريب ؛ نظآفة القفص ؛ اكله من آيدك ضرورى بعٌد وووووآشيآء كثيرة وبالتوفيق

[راعي الفيتارا]

اول شي الاهتمام بالطائر ومتابعته وفي نفس الاحيان تعليمة وتعويده على طبيعته لان الطائر يحب مكان اقامته نظيف وبخصوص اكله يجب تبديله وعدم تركه فتره طويله ومدراته عن الامراض

[شبزي]

انا وفت الاكل والنظافه والاهتمام للطير وتوه ماتروض ليششششششششش؟؟؟؟؟؟؟؟

[ملك الحر]

السلام عليكم و رحمة الله و بركاته ...

يوم الجمعة الماضية 05/06/2009 أشتريت افريقي عمرة بحدود ال8-10 أشهر. أول ما وصلت البيت حطيته بالقفص و حطيتله موية و شمسي و حطيته في مدخل البيت علشان يتعرف على اللي رايح و اللي جاي ... بعد راحة لمدة يومين بدأت معة التدريب ... أول شي جوعته بحدود 4 ساعات و جبت الشمسي و جلست جنبه على الأرض و هوه داخل القفص و بديت أأكله من يدي ... أول كم حبه كان خايف من الوضع و بعدين صرت أقرب عليه شوي شوي و إذا حاول يعض أخليه يعض ... و بتلاحض أنه يعض عضه خفيفة جدا ... و أهم شي بعملية الأطعام من اليد أن يدك تكون حركتها بطيئة جدا ... مع نهاية الحصة التدريبية صرت ألمس رجولة و راسه لكن في شئ بسيط من الخوف .... و اليوم أنشاء الله الحصة الثانية و تعليمه الصعود على اليد .. و بأوافيكم بالمستجدات أول بأول.

عندي نصيحه و أنا حسيت بالفرق فيها ... قبل شهرين شريت أفريقي و أول ما شريته رحت و قصيت جنحانه و صار عصبي لدرجة لا توصف ... حفر بيدي شوارع ... الطير الجديد خليته بدون قص و الحمد لله أمورة إلى الآن تمام و هذه شفتها على اليوتيوب واحد من المدربين يقول لا تقص جناح الطير لمدة سنتين ... و كل و احد له طريقته

[PrEsIdEnT]

انا اشتريت ببغاء افريقي يوم الخميس الي راح طبعا غير اليف وكثير يجعر اول ما جبته خليته في مكانه والقفص مقفل وبعد تقريبا يومين فتحت الشبك من فوق مع اني كنت خايف يطير بس عشان الاحتياطات الامنيه سكرت كل الابواب

انبسط صار يطلع فوق ويوقف يتفرج طبعا الحين الجعره خفت بس اذا قربت ابحط له مويه ولا اكل ولا انظف القفص


وصرت اقفل القفص واطلعه الصباح يتشمس احصله مبسوط ويدور بالقفص ويصفر واخر روقان


بس الغريب لمى ارجعه مكانه ما يصفر بس الصباح ؟؟


طبعا اليوم جربت اقرب لمه واتودد له بس ما نفع يبعد عني واذا حس اني مضيق الخناق عليه قام وطار بعيد او نزل الارض اول شي ما عرفت ايش اسوي معه بعدين تذكرت واحد بالمنتدى كان يقول علمه عن طريق الشبك الصغير الي فوق او الباب العلوي للقفص احطه عند رجوله ويوقف عليه


جربته معه كم مره احط له الشبك يجي معي بس لمى البس قفاز واحط له القفاز ما يجي معي مع اني جوعته تقريبا 4 ساعات ؟؟


بعدين رجعت حطيت الشبك ركب عليه اخذت فيه لفه ورجعته للقفص وعطيته المكافئه بس ما اكلها



فيه ملاحظه كمان جربتها لمى اجوعه او من غير تجويع


لمى اقرب الاكل من منقاره يجي يعضها عضه خفيفه ويتركها او يمسكها بعدين يرميها يمين او يسار ما اعرف ليش


ياريت تفيديوني لاني الصراحه مبتدىء مع الببغاء انا


وشاكر للجميع واسف ع الاطاله

[شبزي]

اخ بريزيدنت
بانسبه انه لما تعطيه اكل ويرميه هذا طبيعي ويبيك تصبر عليه شوي الين يأكل من يدك