كل واحد يشرح طريقته الي درب فيها الكاسكو

[diver092]

يا هلا والله بوفهد زين ما تسوي وصدقني ماراح تندم ولك هديه مني يالغالي !!!!!!!!!!!!
بعض التوجيهات اللي يمكن رايح يفيدك يوم إنك بتسير السوق تبى تشتري الكاسكو .
وهاي رايحه تكون هديتك البسيطه مني وبتشوفها في المنتدى قريبا وطبعا كل الشباب ماأظني إنهم رايحين يقصرون معاك وبالذات مشرفنا الكبير تــــــــــــــــــــــــــــــــــــــــــــــــــــاكــــــــــــــــــــــــــــــــــــــــــــــــــــــــو
اللي نحن كلنا مديونين له الكثير لخدماته الكبيره .

[ALQ8i_79]

شلونكم ياجماعه والله انا مستانس من المشاركات الي قاعد تصير بالموضوع الي طرحته ,, ومشالله الشباب ماقصروا
ياجماعه ,, ابي مشورتكم ومشورت الخبراء
ياشباب انا عندي افريقي عمره 7 اشهر تقريبا ,, ومن كم يوم قام ياكل من ايدي لأني جوعته ,, واليوم تقدم بخطوه انا ادري انها متقدمه وايد جازفت فيها ,,,
الخطوه اني خليت الكاسكو جوعان ,,, وخذيته وحطيته بزاويه , يعني طلعته بره القفص وحطيته بزاويه الغرفه , وحاولت امسح عليه , طبعا لا تسمعون الجعير الي صار , وانا احاول اني امسح عليه , طبعا ايدي كانت على شكل قبضه ( بوكس ) ومسموته عشان مايقدر يعظني , بس عظني وحصلتلي جم قرصه عدله , وكان ينحاش مني وكنت اسحبه بسرعه للزاويه عشان ماينحاش , بس بالآخر انا انتصرت ومسحت عليه , وهم وانا قاعد امسح عليه هم شوي يجعر ويسكت ويجعر ويسكت , وبعدين عطيته اكل وكلا من ايدي , طبعا هذا اختصار لشى تم لي ساعتين تقريبا إلي لي درجة لجلي اخدرت , المهم والمغرب هم حاولت امسح عليه وهم اول شي جعر بس بعدين فهم انا شنو ابي بس ماخلاني امسح عليه بسهوله بس بعدين مسحت عليه ,, وطبعا وانا امسح عليه كنت اردد كلمة راسك راسك راسك راسك ,, إلي لساني علق على هالشي ,,,
اهوا الحين قام ياخذ الاكل من ايدي بس هم خايف
فمادري اتمنى احد يرد علي من خبراء التدريب ,, انا عندي خبره بسيطه بالتدريب بس في ناس عندها خبره اكثر وحاب اني استفيد منهم
سلام

[diver092]

الله يقويك ويعطيك العافيه يا الكويتي_79
حسب تجربتي اللي قاعد تسويه خطوة جيده و انها رايحه تجيب نتيجة إنشاء الله بس أهم شيء إنك تطول بالك معاه وتكون حنين معاه مهما يعضك وحتى لو كانت العضة قوية .
وممكن تجرب فكرة ثانيه مادام إنه بدأ ياكل من إيدك شرط أنه يكون حتى الإشباع في هذي الحالة لا تحط له أكل في القفص لفترة بحيث يكون وجباته كله يوصله بإيدك عشان العلاقه بينك وبينه تتقوى عشان يوم يشوفك يعرف إن االأكل جاي .
مع تمنياتي لك بالتوفيق ..

[الاستاذ]

ماشاء الله عليك خطوه ممتازه وحاول كل ربع ساعه ان تروح وتمسح على راسه طول ما انته موجود في البيت خلال يومين راح يثق فيك وتقل الجعره يعني كثر ماتستطيع روح امسح على راسه وانت تردد كلمة راسك وخله ورد بعد شوي

[قناص]

يعطيكم العافية يا جماعة على النقاش الجميل . .

واشكر كل من عرض تجربته مع طائره المفضل . .
وهذه الطيور تدخل البهجة الى المكان . . بالتالي تستاهل ان الواحد يعطيها من وقته . .

بالنسبة لتجربتي . .

لدي حاليا الببغاء الرمادي . .

ولا اخفي عليك . .انا اشتريت الطائر وذلك لجمال جسمه . . وكذلك اعجبتني حركته النشيطة . . ما شاء الله عليه . .
وأحيانا يقوم بعمل حركات جمباز . . مع ان الطائر غير مدرب كان يصرخ بعض الشيء ولا يقف على اليد ولا يأكل من اليد واحيانا يعض . . ولكن جائني احساس بأن الطائر لديه كم من الذكاء فعزمت على شرائه . .

تجربتي . .

1- كسر الخوف في الطائر :

طبعا كالعادة . . أول شيء اضع الطائر خارج القفص على الاستاند . . وقمت بوضعه في غرفة الجلوس بجانب الحائط حتى لا تحدق به العيون ويقوم هو برأيت كل شيء حواليه . . حتى يتعود على المكان . . ويطمأن على الناس اللي حواليه بأنهم لن يأذوه . . بالتالي يقل الصراخ معه تدريجيا حتى ينقطع . .

2- للكف عن العض :

امسك بالطائر وقم بالمسح عليه بكثرة حتى يكف عن العض والصراخ . . ويوما بعد يوم سوف يبتعد عن العض والصراخه الذي سوف يعلم بأنه لا جدوه منه . .

3- الوقوف على اليد :

توجد عدة طرق . . وانا اتبعت طريقة لم تأخذ مني يومين وهي الامساك بالرجلين ووضعه على اليد وبعدها اطبق باصبعي على ارجل الطائر واقوم بالمسح عليه . . وما هي الا ساعات حتى وقف بثاب على يدي . . وبعدها بيومين فقط اصبح يرفع رجله من نفسه للصعود على يدي . .

4- الأكل من اليد :

اغلب الناس تتبع دريقة التجويع . . وهي طريقة لا بأس بها . . ولكن انا شخصيا اجعلها اخر الطرق . . لأني أعتبرها مرض للطائر اي متعبة للطائر . . انا قمت بمنعه فقط من الطعام الذي يحبه مثل الحب الشمسي أو الفول السوداني وتركته للتدريب فقط . . ومع الأيام تعلم يأخذها من يدي لأنه مشتاق اليها . .


وهذه ملخص تجربتي مع تدريب الطائر . .

وشاكر للجميع . .

[تاكو]

اشكر الجميع على تفاعلهم مع هذا الموضوع الشيق الذي حقيقة استفدنا جميعاً من طرحه ومشاركات الإخوةالأعضاء والمشرفين رفعت من قيمة هذا الموضوع لدرجة كبيره
ولي ملاحظة بسيطه لجميع خبرا التربية والتدريب ان يضعوا اسئلتهم او تجاربهم في مواضيع مستقله حتى يتمكن السادة الضيوف والإخوة الأعضاء من قرأت الموضوع مستقلاً والمشاركة فية حتى تعم الفائده على الجميع اما اذا كانت المناقشه في نفس الموضوع فتستمر المشاركات الى مالانهاية ..ولكم مني كل الشكر والتقدير
محبكم تاكــــــــــــو
.

[تاكو]

مشكور اخوي قناص على المشاركه لم الاحظ مشاركتك الابعد ادراج مشاركتي حقيقه تجربه يستفيد منها الجميع لك مني كل
:bdaysmile الإحترام والتقدير :bdaysmile

[قناص]

العفو يا اخوي تاكو . .

وانشاء تكون مشاركتي اعجبتك . .

وانشاء الله مثل ما قلت سوف اقوم بنسخ تجربتي وعرضها كموضوع في القسم . .




وشاكر لك يا تاكو على تفانيك . .

[ALQ8i_79]

مرحبا اخوي قناص ,, ومشكور على مشاركتك بالموضوع ,, وعرض تجربتك لنا بالترويض
ومشكور على الردود بخصوص طريقتي بترويض الكاسكو ,,, واليوم ابشركم قمت امسح على راسه بدون اي مقاومه بس فيه شوية جعير لكن تخف شوي ,,,
ملاحظه ملاحظه ملاحظه ::::
ياجماعه الكاسكو حتى لو تمسح على راسه بس في اماكن مايرضى انك تمسح عليها ,, مثل جناحه , على بطنه رجله , ذيله ,,, وخاااااااااااااااااااااااااصه ذيله مايحب احد يمسك ذيله
نصيحتي للي عنده كاسكو وقاعد يدربه او كاسكو مدرب
اول شي امسح على راسه ,,
ثاني شي على جناحه طبعا على جناحه راح يجن بس بعدين يتعود على الوضع
ثالث شي بطنه وهيا سهله شوي
رابع شي حاول تلعب برجله وفخوذ رجله هم هالمكان يخاف منه ومايخلي احد يلعب فيهم ,,, <== الشرف هههههههههههههه
وهم ذيله آآآآآآآآآآخر مرحله الي اهيا تحاول تمسح عليه
وذا قدرت تمسح على الكاسكو كامل فكاسكوك واثق فيك اميه بالميه
وسلامتكم
وطبعا انا قاعد اقول هالاشياء بتجربه انا كنت مار فيها مع كاسكوي القديم الي بعته ,, هم كان مو أليف بس بعدين قمت امسك اي مكان انا ابيه
ومشكوووووووووووووووووووووريييييييييييييييييييييييييييييييييين على تفاعلكم بموضوعي
سلام

[diver092]

ملاحظاتك جدا في محلها يالأخ الكويتي_79
برافو عليك 10/10