ابي الفزعة

[يوكي & روزا]

احلى تحية لجميع القائمين على المنتدى الرائع


انا عضوة جديدة لكني من زوار المنتدى بما ان عندي قطتين و من اسمي واضح

عندي يوكي و هو ذكر و روزا و هي بنت عمرهم حوالي سنة و شهرين تقريبا

المهم انا عندي مشكلتين مشكلة مع يوكي و مشكلة مع روزا


مشكلة يوكي انه صار له فترة مفتوووووووووون جدا بالطلعة برى البيت مع اني ما احبسة ببيته الا ساعة النوم احطة فيه مع اكلة و شربة

لكنه دايم واقف عالبيبان يستنى اي احد يطلع و يستغل اي فرصة للهرب برى البيت و يقعد بالساعات برى البيت و اذا رجع الا فاااطس من الجوع و غبار الشارع كلة فية و احممة لكن يرجع اليوم الثاني او بعده بكم يوم يهرب

احاول احرص عليه بس بيتنا افرادة كثير و في الداخل و الخارج و مو الكل يحرص عليهم مثلي
فما ادري وش اسوي في

و المشكلة الاكبر انة قبل كم يوم متخانق مع قطط و اليوم لقيت انتفاخ فوق عينة و لونة احمر و انا ملاحظة من امس ان صاير شعرة يطيح بشكل كبييييييييييييير و بس يحك اذانية و شعرة صاير يطلع بايدي اذا لمستة و مالة ابدا بالعادة

فنظفت عينة بماى دافي و فية شوية ملح عشان يعقم المكان و بخيت على جسمة بخاخ ديتول ( ديتول مذوب بماي و حاطتة ببخاخ ) بس ما ادري وش اسوي بالانتفاخ و الاحمرار اخاف فية بكتيريا او شي ثاني
و مافي اطباء بيطريين عندنا لاني بمنطقة صغيرة
فياليت تساعدوني بلييييييييز لاني جدا خايفة على يوكي





اما مشكلة روزا وهي من اول ما جبتها وعمرها 3 شهور هو تساقط شعرها صراحة فظيييييييييع تملي المكان بشعرها و حاولت معها بالاستحمام بس مشكلتها جدا تكره الاستحمام مو نفس يوكي و عذااااااااااب لما احممها

و في مشكلة ثانية لها وهي انها حملت قبل فترة و ولدت برمضان جابت 4 لكن 2 ولدتهم ميتين و 2 عاشوا يومين بعدين ماتوا و ربي تقطططططططططع قلبي عليهم لانها ما ارضعتهم و لا اهتمت فيهم ابدااااااا ولا حتى جلست عندهم كنت اشيلها و اغصبها تجلس عندهم تهرب بس تبي تجلس عند يوكي ولا كأنها ولدت

من جد قهرتني و كرهتها فترة بس حن قلبي عليها و الحين انا خايفة تتكرر المأساة و تولد و تهملهم مرة ثانية هالمرة اذا سوتها راح اذبحها خخخخخخخخخ



اعتذر منكم للاطالة اعذروني لاني ما صدقت اشترك بالمنتدى فاطلع كل الي بقلبي


بانتظار اجاباتكم حبايبي