اشترك في نشرتنا البريدية ليصلك كل جديد

المطنون · 22-09-2009, 07:21 AM

السلام عليكم ورحمة الله وبركاته

بما إني توني مشترك بدخل عرض

حبايبي

أخوكم توه مشتري حبتين غيني فرخ يجعر >>>> هذا بعته

ثاني كبير تقريبا سنتين وصاحبه الأول يحلف بالله إنه يتكلم تقريبا خمس كلمات
وبعيني شفته يبوس صاحبه >>>> بعد انا باسني بعد 4 ايام
المهم
ماسمعت منه إلا التصفير
وأليف يجي على اليد ويطلع على الكتف بس بمزاج يعني احيانا يرفض

قبل شوي جايب القفص جنبي وطبعا طالع فوق القفص دايم ونزل من القفص وجاي فوق رجلي يبغاني اهرش راسه

بس عيبه انه قطع فنيلتي لما كان على كتفي

تقبلوا سلامي

~~رامي11~~ · 22-09-2009, 01:04 PM

صديقي عنده ببغاء غيني وهو عنده منذ اكثر من 10 سنوات ويعاملونه كأنه طفل صغير وانا احسده عليه وقد شجعني هذا الطير على ان اشتري ببغاء غيني من كتر ما حبيته

"مجرد علامة" · 22-09-2009, 02:10 PM

السلام عليكم ورحمة الله وبركاته

معروف الغيني بالكلام اخي

الطائر هذا مظلوم من جهتنا
مع انه نفس الكونغو
لا يوجد فرق بينهما سوى صغر حجم الغيني ولونه الغامق

وبما ان النقاش في هذا الموضوع كان حامي شوي

وخوفاً من الطلقات الطائشة

لنتفق على كم نقطة يا اخوان من بدري

* كلنا هنا اخوان ونحاول ان نفيد ونستفيد

* كل انسان حر برأيه الشخصي

* الحقائق هي الحقائق العلمية وتدعم بالدليل

* اختلاف وجهات النظر يثري المعرفة

"قلت" :

الغيني يتكلم تماما مثل الكونغو

الكاسكو تطلق على النوعين .. والكونغو هو الأساس والتمنة سلالة فرعية منحدرة عنه

جامبو معناها حرفيا "كبير" وليست فصيلة او نوع او سلالة

المعلومات الصادرة عن اصحاب المحلات ليست مرجع نهائي وثبت انهم يتحدثون بما لايعلمون

هنا دليل على كلام الغيني

وهنا فرخ يتعلم الكلام

وهذا مقطع آخر ضحكة شريرة

التمنة مظلوم ياجماعة

ويعاني من تفرقة عنصرية على أساس اللون

يارب عفوك

**ProOoF** · 22-09-2009, 04:30 PM

خير ماقلت ياعسل ونهاية ممتازهـ

وانا معك مظلوم طير ( حفرة الزيت ) كثير , لكن قلة حركته بالغالب لها دور

ويوم لك ويوم عليك يالغيني