تعالو للنقاش حول موضوع كناري .. وايضاً الاخ مسمار انت مطلوب

[قاهر الايام]

مشكور اخوي كاسكو على طرحك الموضوع

عندنا في البحرين اخوي منتشر وبكثره ومن مدى انا اول مره سمعت عنه يمكن من 7 او 8 ويمكن 9 سنوات بعد <<< لا تستغرب لانه عندنا من زمان في الاسواق وكان اكثر الانواع انتشار في السوق الايراني والصيني والسوري والهولندي بس هالايام اشوف انواع كثيرة في السوق

وانا اربي هذا النوع اللي هو الصيني بس مو من زمان

وبما اني ربيت السوري من قبل تقريبا 5 او 4 سنوات وجدت ان الصيني اقوى في التغريد واكبر حجمه مثل ما قلت ونفسه اطول

وانا سمعت كثير من الناس يقولون ان انتاجه سهل وحنون على الفراخ

ومثل ما قلتون يمكن اللي يعيبه انه متوفر بلونين فقط الا هو الاصفر الكامل والاصفر بالزيتي وانا عندي النوعين

والصراحه اخوي ما عندي خلفيه عن سلالته وكل بس الصراحه عجبني كثير هالنوع من الكناري ان شاء الله اشوف فراخه قريبا واشوفه اذا حنون مثل ما قالو او لا و مبدأيا اشوف الذكر حنون على الانثى في فترة حضانة البيض يطعمها وما يخليها تقوم عن البيض يعصب عليها اذا تقوم وحتى الانثى اذا تقوم سريع ترجع

خلين اخوي اذكر لك موقف صادني من قبل اسبوع تقريبا

كانت الانثى توها بايضه البيضه الاولى ويوم ثاني من الصبح رحت ابي اشوف اذا باضت البيضه الثانيه او لا

تصور اخوي اول ما دخلت راحت عالسريع وقعدت عالبيض ما خلتني اشوف وحتى اذا ادخل ايدي ابي افحص البيض ما تقوم عن البيض تصور اخوي اني ارفعها عن البيض رفاع علشان افحصه

وهذا كل اللي عندي واعرفه

اتمنى نشوف واحد عنده معلومات كافيه عن هالنوع

[كاسكـــو]

ماشاء الله معلومات جميله

مشكور وماتقصر يالطيب

وبالنسبه للكناري اللي تقول ماتقوم

من على البيض ماشاء الله عليها حنونه

[قاهر الايام]

اخوي ومن شوي بس شفت شي غريب اول مره اشوفه وما سمعت احد تكلم عنه

بعد ما رديت عالموضوع رحت اخذه نظره عليهم توقع اخوي شنو شفت ؟

ما شاء الله شفت شي خلاني استانس واتطمن

كانت الانثى تاكل وكان الذكر قاعد عالبيض ما عمري سمعت عن ذكر كناري يقعد عالبيض حتى في البطن الاول اللي طلع مو مخصب ما شفته سواها ما شاء الله عليه ذكر حنون ان شاء الله بس يطلع هالبيض مخصب واشوف فراخه

[كاسكـــو]

ما شااااااااااااااء الله شي جميل

الذكر حنـــــــــــــــــــــــــــــون

سمعت معلومات تقول انه ذكورها تجي حنونه

لكن ماجربت انتاجهم لحد الآن وانت اثبت هذي المعلومه

شاكر لك هذي افاده طيبه

[مسمار]

كاسكـــو ... العزيز

شكراً على ثقتك وان كنت لست خبيراً في الانواع

الصيني كناري قديم في سوق الكويت انقطع فترة وعاد هذا الموسم

مالدي عنه من معلومات لايخرج عن ما افاد به الاخوان لقد وفوا وكفوا ,,,,,,,,,,,,, تحياتي

[كاسكـــو]

المشاركة الأصلية كتبت بواسطة مسمار

كاسكـــو ... العزيز

المشاركة الأصلية كتبت بواسطة مسمار

شكراً على ثقتك وان كنت لست خبيراً في الانواع

الصيني كناري قديم في سوق الكويت انقطع فترة وعاد هذا الموسم

مالدي عنه من معلومات لايخرج عن ما افاد به الاخوان لقد وفوا وكفوا ,,,,,,,,,,,,, تحياتي

اخر معلومه جيده منك

يعني هو انقطع فتره ثم رجع

اتوقع هذا مربط الفرس

شاكر لك عزيزي على تفاعلك