كل واحد يشرح طريقته الي درب فيها الكاسكو

[ALQ8i_79]

مشكووووووووووووووووووووووووووووور اخوي diver092 على الشرح الحلو
ونتمنى منك المزيد
تسلم وماقصرت
سلام

[تاكو]

لك مني الف شكر diver092 واعيد واقول مشاء الله
الطير الى عندك جيد لكن هناك ملاحظه بسيطه وهو ان الطائر يحاول مع مرور الوقت تغيير شخصيته وهذا مايعيب الرمادي بالذات ويكون ذلك عندما نهمله و لانهتم به
وهنا مقوله قرأتها في احد المواقع الأجنبية تقول :
( عندما نتغير في معاملتنا مع الببغاء الإفريقي الرمادي يبداً هو بالتغيير الفطري )

[diver092]

العفو يا الكويتي_79 وإنشاءالله تعالى أنا مراح أبخل على هذا المنتدى الرائع ورائع شويه عليه بعد...
أنا رايح أحاول أطلع كل المعلومات اللي عندي ولو تكون بسيطه أنا عارف 100 في 100 إنها رايحه تفيد الكل وبحطها في هذا المنتدى.
ملاحظة للأخ الكوتي_79 : إذا إنك جربت الطريقه اللي كانت ناجحه معاي إنك تخبرني لاحقا بالنتيجه .
وشكرا ومع تمنايتي بالتوفيق ........ :ANSmile06

[diver092]

شكرا على ملاحظتك الجوهريه يا تاكو .........
تصدق يا أخ تاكو إني من يوم ما خذت هالكاسكو وأنا خايف من قصة نتف الريش ولهذا السبب ما أفارجه بحيث إني حاطه في غرفة الكمبيوتر معاي للأني متواجد فيه أغلب الأوقات وماخذله إستاند في غرفة الطعام عشان حتى وقت الأكل أكون معاه وأونسه وحتى أنزله على طاولة الطعام عشان يشاركنا الأكل أنا وعيالي ويوم إني عندي وقت فراغ يالس أطالع بعض الافلام حاط على ريولي وألعب في ريشه هذا كله عشان ما أحسسه بالوحده . وإسمحولي يمكن كثرت في الكلام بس أنا أحب أعبر عن شعوري وشكرا ......... :bdaysmile

[ALQ8i_79]

اخوي diver092 مشكور على ردك السريع
بس انا ماقدر اجرب طريقتك بأن الكاسكو يطير ويقعد على ذراعي , لأن من اسبوع ماخذ كاسكو جديد افريقي من نوع الجامبو ,, وعمره 7 اشهر تقريبا
الطير الي عندي شووووووي وحشي ,,, يعني اذا كنت بقعد عنده يجعر جعره خفييييفه وبعدين يسكت ,, وقبل يومين قام ياكل من ايدي شوي ويوخر ,, وبعدين يرد يجعر شوي جعره خفييييييفه ,,, ولي الحين انا بالخطوات الاولى من تدريبه ,, وانا اصلاً قصيت ريش جناحه عشان مايطير مني ,, معني لي الحين ماطلعته بره القفص , بس بعد جم يوم بطلعه , وذا طلعته وريشه طويل راح يطير من القفص , فقصيت ريشه عشان اقدر اسيطر عليه
انشالله بعدين راح ابدي بطريقتك بالتدريب
ومشكور على معلوماتك ,,, وصدقوني هم انا خايف من سالفة نتف الريش وخايف لايكون فيه حساسيه ,, والله يستر
سلام

[بوفهد]

اخواني الاعزاء

انتوا بهالكلام اسمحولي اسمحولي اسمحولي

تخلون الواحد يروووح يشتري كاسكو بأسرع واقرب فرصه

والله تخلون الواحد يحب هذي الهوايه

اشكركم اشكركم اشكركم

بالتوفيق ان شاء الله

[ALQ8i_79]

أفاااااااااااااااااااااااااا بوفهد ماعندك كاسكو؟
روح روح روح اشترلك كاسكو ,, بس اخذلك مدرب لأن اذا خذيته مومدرب راح تنغث وراح تذبحه من اول يوم
بس الكاسكو يبيله عنايه ومجابل يعني اذا خذيته لازم اتجابله
ودير بالك لا يسوي اصابعك شورما
سلام

[تاكو]

اخوي diver092 شكراً شكراً شكراً على مشاركتك الجميله واريد ان اسألك هل الطير
يقفز الى يدك من القفص او العكس.... ام يطير من مسافه قصيره


ذكرت موضوع نتف الريش يمكنك مراجعة الربط التالي وهو حقيقة المقال شامل حالة الببغاء النفسية وعدة اشياء هامه :

http://www.2zoo.com/vb/showthread.php?t=613

ابو فهد مساء الخير انا انصحك انت بالذات بأمزون دبل يلو هيد طيع شوري ولا تتردد حاول يكون صغير وشكراً على مرورك اللطيف

[diver092]

هلا والله يا عزيزي تاكو ... الرد على سؤالك نعم يطير من مسافه تقريبا 3 أمتار بس في بداية تدريبه بدأ بقفزه وبالتدريج طولت المسافه لين خليته يطير .

[بوفهد]

اشكركم وانا فعلا بإذن الله راح اشتري كاسكو بأقرب فرصه

بالتوفيق للفطاحله