استشار عن الحمام الزاجل

[bird96]

انا مع كلام الأخوان ماشاءلله 100% صحيح ..

واذا بدك نوع سمين .. انصحك الكنج والمصري رائع والمودينا

[متابع من بعيد]

هههه اخوي رائد عن قريب راح تشوف دعاياتي بالام بي سي. شركة فلان الفلان للتسمين. عاد لاتدقق تسمين شنو هههه

اخوي بيرد انت تقول كنج. بس المطلوب عندنا اكثر شي (الزاجل)


زين خلونا نحسبها بالارقام. وانتم علقوا على كلامي

بالبدايه سعر الزوج عندنا بالكويت ( من ٨ الى ١٠ ) دنانير

وسعر الفرخ (الزغلول) من دينار ١ الى دينار وربع

راس مالي تقريبا ٦٠٠ دينار


مخصوم منها ( ٢٠٠ ) دينار محكر وخانات

يعني الباقي ٤٠٠ دينار

طبعاً عندي المكان متوفر مجاني والعامل كذلك. من غير اجار
--------------

الحسبه الولى في حالة شريت ازواج

٤٠٠ / ١٠ = ٤٠ زوج

انتاجها الاربعين زوج تقريبا ٨٠ زغلول كل شهر ونص تقريباً

٨٠ * ١،٢٥٠ = ١٠٠ دينار

نخصم منهم العلف التطعيم ٣٠ دينار

طبعاً الحسبه تقريبيه لاننا ماجسبنا النفوق والعلف تقريبا حسبته

يعني الناتج ٧٠ دينار كل شهر ونص

---

اما اللحين الحسبه الثانيه اللي هي لو شريت زغاليل وبيعهم ازواج

نذكركم الباقي من راس المال ٤٠٠ دينار

٤٠٠ / ١،٢٥٠ = ٣٢٠ زغلول بعمر ٣ شهور عالاقل

لو فرضنا خلال ٣ شهور لو حذفنا نص الزغاليل مابين نفوق وبين جنس زايد

يبقى لنا ١٦٠ زغلول = ٨٠ زوج

٨٠ * ١٠ دنانير = ٨٠٠ دينار

نشيل ١٠٠ دينار علف ثلاث شهور وفيتامينات

يبقى ٧٠٠ ارباح

٧٠٠ / ٣ شهور = ٢٣٣ دينار

----

النتيجه النهائية :

في حالة شريت ازواج بالبدايه ----> الارباح ٧٠ دينار تقريباً

في حالة شريت زغاليل بالبدايه -----> الارباح ٢٣٣ دينار تقريباً


شراااايكم ؟ بانتظار تعليقاتكم

[bird96]

كلامك ممتاز وأفكارك ممتازه اكثر

لكن انا مع الطريقه انك تشتري امهات يعني بالغاات .. لأنه ب 3 انتاجات للجميع او 4 انتاجات بيجيبو عددهم 5 مرات وب 2 شهر او 3 شهور يصير عندك زغاليل ب عمر 3 شهور .

وعند شراءك حمام بالغ يكون صحته افضل و يكون جيد الصحه وغير ضعيف

[رائد ملكاوي]

والله انك اقتصادي ورجل اعمال كبير يا غالي

حسبتك هاي بتجنن يالغلا

أنا ما عندي تعليق غير اقول الله يوفقك

وكلامك سليم 100%

وان شاء الله غير الارباح تكون اكبر من هيك بكثير

[متابع من بعيد]

حلووو

يعني تأيدوني بالفكره ؟؟


طيب سؤال عن الحمام. بس تكفون ابي الاجابه يكون دقيقه دقيقه

اللحين من احط الذكر والانثى داخل الخانه ...

كم تاخذ من الوقت الانثى لين تبيض ؟

وكم وقت تاخذ البيضه لين تفقس ؟

وكم وقت ياخذ الفرخ لين يوصل لسن الاكل ؟

وهل الانثى تبيض اذا كان معاها فروخ بالعش ؟

او السؤال بصيغه ثانيه.. لو باضت الانثى بيضتين ورى بعض. كم تاخذ وقت عشان تبيض الدفعه اللي وراها ؟؟


ادري كثرت عليكم بالاسئله ههههه بس ماننحرمش

[رائد ملكاوي]

السؤال الأول:
من خمس ايام لأسبوعين حسب التوالف وأحيانا ما يتوالفوا
شرط البلوغ اللي هو ست شهور ونص لثمان شهور

السؤال الثاني:
من 16 يوم الى 19 يوم من وضع البيضة الثانية وحسب الفصل
وحسن التحضين

السؤال الثالث:
تقريبا شهر ونص

السؤال الرابع:
اه ممكن تبيض حتى وهي عندها فروخ

وأي سؤال انا ومشرفنا الغالي العتيبي والأعضاء ان شاء الله ما نقصر

وبالتوفيق

[متابع من بعيد]

المشاركة الأصلية كتبت بواسطة رائد ملكاوي

السؤال الأول:
من خمس ايام لأسبوعين حسب التوالف وأحيانا ما يتوالفوا
شرط البلوغ اللي هو ست شهور ونص لثمان شهور

السؤال الثاني:
من 16 يوم الى 19 يوم من وضع البيضة الثانية وحسب الفصل
وحسن التحضين

السؤال الثالث:
تقريبا شهر ونص

السؤال الرابع:
اه ممكن تبيض حتى وهي عندها فروخ

وأي سؤال انا ومشرفنا الغالي العتيبي والأعضاء ان شاء الله ما نقصر
س
وبالتوفيق

اشكرر ماقصرت ياخوي

المشاركة الأصلية كتبت بواسطة العتيبي2011

حياك ياغالي والعفو

ياحبيبي حبيت اتدخل

بخصوص العمر
8 شهور البلوغ وتقدر تتاكد في مراجع تربية الحمام
او سوال الخبراء
عن نفسي مستحيل ازوج حمام عمره اقل من 10 شهور
خوفا من الارهق الجنسي لدى الحمام
وهذا قد يسبب لدينا
ضعف جنسي للذكر والانثى
ونجعل افتراض للتزواج من عمر 6 شهور
سوف يكون الانتاج عن بيض غير مخصب
ان كان مخصب سوف تكون صحةة الزغليل
غير جيده
فانا اعطيتك راي وجهة نظري
والا اقيدك بها بتاتا

اخونا عبدالرحمن (برد) جرب
زواج انثى عمره 5 او ست شهور
وطلعت البيضه صغيره
ولاندري ماذا حدث معه

لحووول يالعتيبي. عفست حسبتنا كلها هههه

بس معلومه جديده هذي ثمان شهور بلوغ. وعشره تزاوج !!

لان كل المواضيع اللي قريتها تقول 6 شهور للبلوغ فقط مو ثمانيه

انت متاكد ياخوك ؟؟

[العتيبي2011]

المشاركة الأصلية كتبت بواسطة متابع من بعيد

اشكرر ماقصرت ياخوي






لحووول يالعتيبي. عفست حسبتنا كلها هههه

بس معلومه جديده هذي ثمان شهور بلوغ. وعشره تزاوج !!

لان كل المواضيع اللي قريتها تقول 6 شهور للبلوغ فقط مو ثمانيه

انت متاكد ياخوك ؟؟

وانا اخوك انا ماقالت هذا الكلام
الا وانا متاكد منه ومجرب

[متابع من بعيد]

اجل بيض الله وجهك يا بناخي