كن مع توزوو ...علاجي للببغاء *

[أم صدى]

السلام عليكم ورحمة الله وبركاته
بداية كل عام وأنتم بخير
وتقبل الله منا ومنكم صيامنا وقيامنا

طبعا الكل تابع اني كنت اسأل عن علاج الببغاء من الزكام الي صايبه

وبصراحه من شهر وهو ما بين تحسن وانتكاسه..
طبعا الاخوان ما قصروا افادوني بكل طاقاتهم وهذا مو غريب على اعضاء المنتدى المخلصين
المهم اني بعد رجعتي من السفر رجع حالته انتكست واخذته للطبيب
واعطاني مضاد حيوي وقال احطه يوم ايه ويوم لا

طبعا لا بد من ان اهتم بنظافة انفه تكرمون
وتوجهت للصيدلية
وجلبت الأدوات التالية
أول شي محلول ماء بحري (غسول الأنف ) للأطفال


ابخ انفه فيه طبعا من بعيد شوي وأكون مغطيه عينه لأنه صاير يطلع تكرمون مخاط اصفر وينشف ومن الصعب اخراجه بالمنديل

ثم استخدم الأداة التالية لشفط المخاط من أنفه لأني اكتشفت أن المنديل المبروم يسبب أن المخاط اعزكم الله لا يخرج بلا انك بهذه الطريقه تدفعه للداخل



بعد أن اتأكد من نظافة انفه وطبعا عندما يخرج المخاط او المواد اللزجه امسح منقاره وحول انفه برفق بالمنديل

ثم اضع له قطرة انف خاصة بالأطفال الرضع


بكل جديه أحس انه تحسن ومجرد ما انتهي منه يسفهل وحمد الله ما تغير علي بالعكس تحسنت علاقته معي

وطبعا بتقولون كيف مسكته اقول لكم احطه على المركاة وامسك جسمه بالبطانية الصصغيره وامسك راسه واحاول انه ما يتحرك عشان ما يأذي نفسه


والي ما يقدر على هالشي لا يسويه لأن يبي له انك تهدي الطير ويكون اليف

وبالتوفيق للجميع