من واقع خبرتكم افيدونا في هالديك وهالنوع من الدجاج

[رح وتعال]

بسم الله الرحمن الرحيم

موضوعي يا شباب عباره نقطتين ابغى استشيركم واخذ رأيكم ... وأنا بصراحه استفد من خبرتكم كثيرررر الله يعطيكم العافيه

النقطه الاولى : انا بديت مشروع تربية الدجاج بشراء ديك ودجاجه .. الديك ما كنت اعرف الاعمار ولا شي شريته كان اكبر واحد في القفص اللي فيه الديوك طبـــــــــــعا اكبر حــجــــــم اقصد

بس اشوفه ما يلقح الدجاج ولا يأذن قالوا الشباب في موضوع سابق : ان الديك احتمال عمره اربع شهور انا الان صورت الديك وابغى اخذ رأيكم فيه .. وهل يبغاله وقت حتى يلقح



وبالنسبة للنقطه الثانيه : انا الان عندي 6 دجاجات فيه 3 منهم اشتريتهم قبل اسبوع بالضبط

سافرت وخليت الدجاج تقريبا 5 ايام توقعت يا شباب لما ارجع احصل بيض كثير .... حصلت 5 بيضات فقد .. ماادري هذا شي طبيعي وإلا فيه مشكله .. انا خائف ان الدجاج اللي اشتريه من السوق فيه شي ... مع العلم اني احرص على ان اشتري الدجاج بعمر 6 او 7 شهور على بداية التبيض

فيه دجاجتين ضمن الثلاثه اللي اشتريتهم قبل اسبوع واضفتهم للدجاج الاول .. لاحظت على هالدجاجتين ان ارجلهم لونهم ابيض وكأنه شفاف !!! غير الدجاج الباقي ... ما ادري هل هو مرض فيهم او نوع ثاني ... يا ليت تفيدوني ...

1ـ بموضوع 5 بيضات من 6 دجاجات خلاص 5 ايام ؟؟
2ـ هالدجاتين اللي متقابلات لون ارجلهم ما قصته ؟؟ هذه صورة الدجاجتين