بعض التطورات في جنة الكاسكو + (صور لبغبغاوات)

[Dr.Amorey]

ماشاء الله تبارك الله
أخوي زي ماقال الإخوان معظم الطيور فاتحه أجنحتها من شده الحر
وأنصحك تسوي لهم بركه عشان يتبردوا ويشربوا منها بدل ما انت حاط علبه صغيره
وتقبل مروري

[*هاوي البادجي*]

اخي انا عمي عنده نفس اللي انت مسويه طبعا جاب عمار وسوو الطريقه بالجاخور

بس كل اليوم الهندي مال الجاخور اول ما يقوم يرش القفص والريضيع بماء بارد بس مو اليور بس مو فوق وعلى الزرع والظهر بوقت الحر نفس الطريقه يغرق الشبك ماء وعند الغروب يغرق الشبك ماء ووالله الطيور مستانسهوانا كل ما جيت ادخل عندهم جوهم حلو وطيري كوكي كل ماجيت اخليه عندهم فديته اول ما ادخل يجيني طاير
ونسيت اقولك عمي مركب مروحه كبييره عليهم

[بوسه سببت هوسه]

في قمة الرووعه
ولا تنساهم

[salehhassan]

الله اكبر و ما شاء الله و ربنا يكرمك من خيرهم بأذن الله و يبارك لك فيهم و يكفيك شر الحسد و الحقد و الامراض و يحرسهم لك الله

[البادجي الاحمر]

ماشاء الله عليك اخوي مرتب كلشي تمام بس مثل مال قالو الاخوان الجو حار و الحيب بالامارات الجو حار

حط لهم مسابح بس لا تكون عميقة جدأ يعني تقريبأ 10 سم بيكون كل شي تمام او حط لهم مروحة صغيرة

و بالنسبة لمكان العش لازم انت تشوف اخوي العش لازم يكون ثابت 100% عشان اذا الطير حست انو في حركة بسيطة او اهتزاز بالعش يمكن تترك العش و ما تبيض فيه

و حاول تسكر كل القفص ب الشبك الاخضر اللي يكون خفيف و نصيحة مني انا انصحك انو تحط اشجار كبيرة بالعش علشان الطيور تحس انهم بالطبيعة

و موفق اخوي

[البادجي الاحمر]

و اخوي في هاذا النوع من المراوح اللي تكون ترش الماء مع الهواء و طبعأ الطيور بتفرح فيها وايد

http://img139.imageshack.us/img139/6341/img0005cmb.jpg
هاذي الصورة

و هاذي المراوح متوفرة بالصناعية بتلاقي منهة

و شكرأ

[تــفـــاحـــتــــيـــن]

لله يوفقك اخوي ومثل ماقالو الاخوان مكيف صحراوي وبركه

باالتوفيق وعقبال ماتشوفهم فروخهم (:

[عزيل_قلب]

المشاركة الأصلية كتبت بواسطة البادجي الاحمر

ماشاء الله عليك اخوي مرتب كلشي تمام بس مثل مال قالو الاخوان الجو حار و الحيب بالامارات الجو حار

حط لهم مسابح بس لا تكون عميقة جدأ يعني تقريبأ 10 سم بيكون كل شي تمام او حط لهم مروحة صغيرة

و بالنسبة لمكان العش لازم انت تشوف اخوي العش لازم يكون ثابت 100% عشان اذا الطير حست انو في حركة بسيطة او اهتزاز بالعش يمكن تترك العش و ما تبيض فيه

و حاول تسكر كل القفص ب الشبك الاخضر اللي يكون خفيف و نصيحة مني انا انصحك انو تحط اشجار كبيرة بالعش علشان الطيور تحس انهم بالطبيعة

و موفق اخوي

ان شاء الله بحط بركه بس مورحه هب متاكد
و بنسبه للعش هوه هب ثابت بس بحاول اثبته
و بنسبه للاشجار طول الشبك 3 امترا فا ما ظني بتفع الفكره بس تسلملي على هذي الفكره

المشاركة الأصلية كتبت بواسطة البادجي الاحمر

بالنسبة للبركة هاذا الموضوع بينفعك

لو تنسخ الموضوع و طرشلي اياه بتسوي خير

المشاركة الأصلية كتبت بواسطة البادجي الاحمر

و اخوي في هاذا النوع من المراوح اللي تكون ترش الماء مع الهواء و طبعأ الطيور بتفرح فيها وايد

http://img139.imageshack.us/img139/6341/img0005cmb.jpg
هاذي الصورة

و هاذي المراوح متوفرة بالصناعية بتلاقي منهة

و شكرأ

عندنا مثلها
واشكرك على مرورك ونصائحك

المشاركة الأصلية كتبت بواسطة تــفـــاحـــتــــيـــن

لله يوفقك اخوي ومثل ماقالو الاخوان مكيف صحراوي وبركه

باالتوفيق وعقبال ماتشوفهم فروخهم (:

الله يوفقك
امين يا رب

[zxooozx]

السلام عليكم ورحمة الله
اخي الكريم خطوة جريئة منك تعمل مشروعك وسط الطعوس والصحراء ولكن ينقصك بعض الامور
اهم شي السيطرة على المناخ لان جو الخليج ماشاء الله حار صيفا بارد شتاء والطيور هذي جوها تقريبا مستقر بين درجة حرارة 25 الى 30 مع رطوبة نسبية
بالنسبة للحرارة تقدر تخفف منها الى حد ما باستخدام مثل هذي المراوح :







ممكن تلقاهم عند محلات اللوازم الزراعية والمشاتل
وهذي منها تخفف الحرارة وترطب الجو بنفس الوقت يعني توفر جو قريب من البيئة الاصلية للطيور وهي افضل بكثير من مكيفات الغاز وبنفس الوقت صرفها للكهرباء اقل بكثير لكن ممكن تحتاج مصدر مياه دائم تقدر تجيب خزان الف او الف ونص جالون يكفيك اسبوعين او اكثر

لكن الشتاء مشكلة التدفئة لازم تعمل مثل الحضائر الزراعية المخصصة لحماية المزروعات من الصقيع واسال اصحاب المشاتل يفيدونك اكثر بامور التدفئة الطبيعية لان الدفايات الاخرى فيها خطورة كبيره وصرف كهرباء او وقود

الامر الاخر بالنسبة للبركه
ابسط شي تحفر حفره بالشكل اللي ترغبه وتسورها بطابوق البناء وتمسح الارضية والجوانب باسمنت اسود وماراح تكلف كثير

وبما انك بالصحراء لازم تحوط المحمية بالواح خشب او كيربي من جميع الجوانب من الاسفل بارتفاع 40 سم الى نصف متر حتى تمنع دخول العقارب والثعابين
ومن الضروري ان تضع ارضية شبك على عمق نصف متر على اطراف المحمية بالكامل لتمنع دخول القوارض والحيوانات المفترسة كالثعالب ولقطط والكلاب اعزكم الله.
ويستحسن يكون داخل المحمية ميزان حرارة حتى تعرف كم درجة الحرارة داخل المحمية حتى تتصرف لتعديل الجو

من الصور يبين ان الاغطية والسواتر ربطها يمكن ما يقاوم الرياح القوية بالصيف فعليك ان تنتبة لها وتربطها باحكام

هذه اهم النقاط التي يمكن ان افيدك فيها وانت حاول تشوف وش النواقص الباقية

تمنياتي لك بالتوفيق وربي يحقق اهدافك ويخلف عليك تعبك

دمت بود مع اطيب التمنيات

[ماجد علي]

بارك الله فيك.