أبي حل.!!!!!!!!سويت كدا وكدا ما نفع مع سلفر

[Pet Friend]

لا تخليه الطير على راحته خله يعض ايدك لين يقول بس و ان مل حط يدك في فمه و خلها راح يتذوق طعم الجلد باللسانه

و ان طلع على الايد وحاول يهرب منك امسكه من ظهره و لمه و حطي يدك على راسه كأنك تغطيه ان ضغط عليك بالعض قوله لا بصوت عالي و واضح راح يفهم الطير و او اضربه على منقاره بخفيف كأنها تنبيه

اهم شي اخوي لا تخاف منه

[Black Die]

أخي>>>>>>> بتفرند.!!انا ما أخــاف من شي..#.^

أنا اخاف على الطير ونفسيه الطير.!<<ما أحب العنف احب الطير يركب من حبه لي مو من خوفه مني.!

>>>>>شاهين..!مشكوووور على حلك الحلو.!وإن شاء الله راح اجرب

>>>>بندولة حب..راح اجرب الطريقة في اقرب وقت لأنها الفكرة دشت راسي (إبعاد القفص)
وراح اخبرك إدا في إي تطور.!


وتسلموون

[Pet Friend]

المشاركة الأصلية كتبت بواسطة Black Die

أخي>>>>>>> بتفرند.!!انا ما أخــاف من شي..#.^

أنا اخاف على الطير ونفسيه الطير.!<<ما أحب العنف احب الطير يركب من حبه لي مو من خوفه مني.!

>>>>>شاهين..!مشكوووور على حلك الحلو.!وإن شاء الله راح اجرب

>>>>بندولة حب..راح اجرب الطريقة في اقرب وقت لأنها الفكرة دشت راسي (إبعاد القفص)
وراح اخبرك إدا في إي تطور.!


وتسلموون

اخوي لازم انت تبادره ما عليك من نفسيه الطير لنت ضاربه ولنت بتخنقه او تجوعه او تاركه و ما تجيه

لازم تعوده عليك يعني يبيله مجابل الطير


انا اول ما جبت طيري خليته على راحته لم ابيه يطلع من القفص و ماهو راضي لين باغته و لاعبته شوي و اسحبه بره القفص شوي شوي لم افتح القفص اهو يجي يطلع بره و تطور الموضوع ان والله الحمد يطلع على الايد و اطلعه

[كاسكوكيه]

مشكله يعاني منها جميع مربي الطيور.. ^^

بخبرك طريقتي انا عشان اعلّم شامبيه يطلع على ايدي..

اول شي.. مثل ما قالت اختي بندولة حب.. بعّد القفص.. و السبب ان الطير يعتبر القفص ملاذ له.. << مش قاعدين نحاربه.. بس هاذي نقطة قوته.. مثل ما الانسان حر في بيته.. الطير حر على قفصه.. و بيكون صعب انك تخليه يسمع كلامك

و هذا شرح لطريقتي:

1) على الاستاند.. هات عصا.. و حطها جنب رجل الطير.. و من الجهه الثانيه مد ايدك و فيها الحبوب المفضله للطير.. (فلنفرض ان الطير على الستاند.. الخشبه في منتصف الستاند.. بالعرض.. خل العصا تكون بين الطير و بين ايدك الي فيها الحبوب الي بتكون مكافأة الطير)

2) مد ايدك و حاول تقربها للطير.. عشان يوصلها و ياكلها.. << اعطيه الحبه و خله ياكل
3) بعّد ايدك شوي.. و العصا لسّه في نفس المكان.. و خله يحاول يوصل للحبوب
4) يوم بتصير المسافه كبير بين ايدك الي فيها الحبوب و الطير.. بيحاول يتجاوز العصا عشان يوصل الحبه.. اول ما اتجوفه انه حاول يرفع ريله عشان يوصل الحبوب.. << لو تردد عطه الحبه.. عشان المره الثانيه يبذل جهد اكبر

5) الحين الطير عرف انه لازم يتجاوز العصا عشان يوصل الحبه.. في هاللحظه اربط الحركه بأمر.. انا قلت لشامبيه هوب!
6) و كل ما يتجاوز الطير العصا.. قول له هوب.. و اعطيه الحبوب

الحين.. الوقت الي بتدخل ايدك الثانيه في الموضوع.. ^^"

7) حط ايدك على العصا و بنفس الطريقه.. حاول تخلي الطير يتجاوز ايدك و العصا عشان يوصل الحبوب.. (أحتمال الطير في هالوقت يكون شبع.. فبتضطر تأخّر هالمرحله ليوم اخر)

8) احتمال الطير يبيّن لك خوف من ايدك.. بس لو لاحظت انه يحاول يرفع رجله فوق ايدك كافأه بالحبوب..
9) كرّر العمليه لغاية ما يتجاوز الطير ايدك.. و يوصل للحبوب..
10) لا تنسى كلمة هوب! عشان الطير يربطها بتجاوز ايدك و العصا.. و بعدها.. بعّد العصا.. و خل ايدك.. و خل الطير يتجاوزها اكثر من مره عشان يتقن الحركه
11) حط ايدك على طرف الستاند.. بحيث يكون الطير على طرف الاستاند.. و ايدك مستقره على زاويه الستاند و لايكون هناك اي جزء من الستاند.. بعد ايدك.. وايدك الاخرى جاهزه بالحبوب.. الي بيصير ان الطير ما بيلقى أي جزء من الستاند.. و بيضطر يوقف على ايدك... عشان يوصل للحبوب..

12) كرر العمليه.. بتلاحظ ان الطير بيمشي على الستاند.. لغاية ما يوصل لايدك.. و بيضطر يوقف عليها كافئ الطير.. لنجاحه..
13) الطير لازم يحس ان ايدك مكان أمن عشان يوقف عليه.. خله واقف على ايدك و ابدأ بإعطاءه الحبوب..
14) بوجود ايدك على زاوية الستاند.. او طرف الستاند.. ارفعها قليلا.. بحيث لو تحرك الطير ناحية ايدك الي فيها الحبوب.. يضطر يرفع رجله عشان يرتفع و يركب على ايدك..

كرر العمليه مع استمرارك باعطاء الكلمة (هوب) كلما نفذ الطير حركة التجاوز أو الارتفاع بقدمه للطلوع على ايدك


هالعمليه جربتها مع شامبيه و الحمد لله في خلال اسبوع صار كل ما احط له ايدي و اقول هوب يركب عليها أو حتى لو اريد انقله من على القفص للستاند..

[Black Die]

مشكووووووووووووووووووووووووووووووووووووووووووووووره أختي كاسكو كيه
على الإفادة الحلو ..وتمام الخطوات 14
راح أطبقها على طول

وشكرا لك اخي بت فرند.!

ودمتم بخير