الفطريات الأدويه و الوقايه منها ( شامل )

[CATMNTO94]

بسم الله الرحمن الرحيم
و الصلاه و السلام على أشرف الأنبياء و المرسلين

الموضوع الأكتر تخويفاً من قبل المربيين
و بالذات المربيين الجدد
و خوفهم من انتقال العدوى لهم
الفطريات من أسمها يخوف
بس بأذن الله أذا اتبعتوا خطوه خطوة معي ماراح تخوف بأذن الله تعالى
اسباب الفطريات كثيييرة
بس الشائع بانتشاره او حدوثه هي :
مكان مظلم + بكتيريا الموجوده ف العرق + رطوبه = فطريات

الفطريات معديه القطط بشكل سريع
اما للبشر العكس
معديه للي مناعتهم ضعيفه
و ان جتنا هالفطريات ما منها خوف اذا بتعالجونها بتكلم عن العلاج
و ان اهملتوها ف راح تروح من نفسه

أما الفطريات اللي بالقط لا ما راح تروح من نفسه و أن اهملت راح تزود و تكثر و تسبب مشاكل مالها أول ولا تالي
لدرجه انها تسبب موت للقط لا سمح الله

اول شي شكل الفطريات :

شكلها هي عباره عن قشور موجوده ف جلد القطه
بعض الاحيان تكون لاصقه بالجلد و بعض الاحيان تكون مرتفعه شوي

العلاج يستمر تقريباً بين ثلاث اسابيع إلى شهر
و اذا كانت الفطريات منتشره تكون بعض الاحيان شهر و اسبوع

هذي صوره لقطتي ب مراحل العلاج

زي منتم شايفين صوره رقم 1 هذا ذيل قطتي
نتفت كل الشعر و القشور الموجوده فيه
نتفتها شعره شعره
جلست انتف كل القشور و أماكن الفطريات بجسمه كله
استغرقت تقريباً ساعه كامله
و كان عندي كيس صغير احط فيه الشعر و القشور

و بعد النتف ابدأ احط الادويه هذي

هذي الادويه كلها موجوده بالصيدليه البشريه

الادويه ::

من اليمين

بيتادين غسول الفم :::

مفعوله يبان بعد ثالث استخدام مرررره يقضي عليها بسرعه طريقه استخدامه بصحن نحط مقدار ملعقه منه و ملعقتين كبار ماء هالسبب لان البيتادين غسول الفم مركز و قوي و بالقطن بغمسها و نرعصها لين يروح منه الماء و نمسحه بمكان الفطريات مرتين باليوم اذا كان الفطريات منتشره و كثيره و مرهف اليوم اذا كانت مو منتشره و قليله ...

الثاني بيتادين المطهر :::

من اسمه واضح شغلته يطهر المكان المصاب بالفطريات و يعقمه و يساعد على عدم انتشاره طيقه استخدامه يوضع كميه قليله بقطن و تحط بمكان الفطريات مره باليوم

ثالث شي شامبو فافو :::

يروش فيه القط بالكامل مره بالاسبوع و بمكان الفطريات تركزون فيها الفرك ب فرشاه اسنان على شان تروح القشور العالقه بالجلد

رابع شي لامزيل :::

فيه منه بخاخ و كريم انا افضل البخاخ لانه يتعمق بالجلد و الجلد بسرعه يتشربه نبخ مباشره على الجلد اما اذا كان المكان اللي فيه فطريات بالوجه يحط بقطن و بمكان الفطريات مره باليوم

و اهم شي من هاذي الادويه كله الشمس

لازم القطه تتشمس يومياً الصبح لمده ساعه او نص ساعه

السبب بفتره الصباح لان الشمس بارده و فيها فيتامين اكثر من الظهر و العصر
ولازم يومياً تعقيم البيت بالديتول و المطهر على شان الفطريات تروح نهائياً و تشميس و تعقيم اغراض القطه

نصيحه :::

تستعملون القطن الواحد اكثر من مره و اكثر من مكان لان اذا استعملتوه بيكون بالقطن فطريات و بينتشر بمكان الثاني و احرصو ان مايكون شي طاح من القشره او الشعر المنتوف. ف الأرض على شان ما يرجع للقطه

و فيه نوع ثاني من العلاج

و الي هو الأبر ::

مره مريحه و ما تستغرق وقت طويل بالعلاج
تجلس اسبوعين الى ثلاثه بالكثير
و الجرعات على حسب انتشار الفطريات و قوته
انا استعملت ابر الفطريات الروسيه
جداً جميله تعالج الفطريات الي ف الجلد و اللي داخل الجلد
و غير كيذا و قايه من الفطريات لمده سنه كااامله

استعماله :

3جرعات كل 6 ايام جرعه
بهالفتره تستخدمون بس بخاخ لامزيل
و شامبو فافو و التشميس اليومي
الابر زي ما قلت فوق انه تعالج الجلد من برا و من داخل
لان بعض الاحيان ما نشوف اماكن بالجلد من برا او ما ننتبه لها و تكون فيها فطريات
هالابره تقضي عليها نهائياً

.................................................. ..........................

هذا بخصوص القطه
اما الفطريات اللي تجينا من القط اللي قلت عنه فوق
هذي ادويه من الصيدليه البشريه لنا اذا جتنا الفطريات
و زي ما قلت لكم اذا اهملتوها عادي ما فيها اي مشكله ولا تسبب تساقط شعر
و قد صارت طبعاً لاهلي
جت لاختي الكبيره و الصغيره و ابوي و اخوي
حتكون شكلها دائره و فيها حبوب و اغلبكم تكون حمراء راح تحككم بجنون بس لا تحكونها خلوها
اختي من الخوف راحت للمستشفى و الدكتوره قالت مافيها خوف هذي فطريات طبيعيه تجي من المسابح او من الحمامات العامه

يوم قالت اختي انا ان عديت من البسه بدت تتفلسف عليها وصفتلها حبوب و مراهم
قالت الحبوب هذي زي اللي تموت الفطريات

بالعلبه فيها حبتين انا ما صوت الكرتون اخاف ان اغلبكم يتحسس منها او اي شي

العلاج اول شي تعقمون المكان ب مسه طبيه و بعدها تحطون اليكا ام

(المرهم الاصفر ) -

هذا خطير بصراحه انا استخدمه على شان اثر مخش و عض البسه بايدي يروح خلال ثلاثه ايام -

الثاني الاسود

هذا يعالج اثر الفطريات تستخدمونهم مرتين باليوم
و للعلم ان ابوي و اخوي و اختي الصغيره تركوها و ماحطولها اي شي و راحت من نفسها
و اللي راحت للمستشفى و سوتها مناحه جلست فتره اطول تعالجها

هذي هي الادويه /

و لاتنسون تعقيم البيت بالكامل

من اول اكتشاف الفطريات لين ما تتعافاً كلياً
و التعقيم يستمر كل يوم الافضل الى الابد
و الرجاء عدم النقل دون ذكر المصدر

[pinky]

الفطريات فالبشر تذهب من تلقاء نفسها اذا لم يتم علاجها ؟

[عبق اليآسمين]

تسلم الأيادي موضوع مفيد وشامل ومتكامل ما شاء الله
أنا أشتريت قط كان فيه فطريات والآن ماشي بطريق الشفاء الحمد لله
أستخدمت شامبو فافو ومرهم كنستين وصابونة الكبريت
البيتادين لحد الآن ما لقيته

[ريم 20]

ما شاء الله موضوع متكامل يعطيك اللعافيه

[الماسيــــــــــه]

مشكورووووورووره ع الموضوع
يعطيج الف الف الفف عافيه ويستاهل التقيييم

[CATMNTO94]

الفطريات فالبشر تذهب من تلقاء نفسها اذا لم يتم علاجها ؟

لا بالعكس
راح تزود الحاله و راح يجيها اشياء ما تخطر على البال و راح تدخل الفطريات بداخل الجسم

[أبورامي]

شكرا لك

[CATMNTO94]

العقوووو

[@الزير@]

الله يجزاك الجنه يارب

[جوجو83]

قطي عمره ٣ اسابيع ينفع احطله من هاذي العلاجات