سؤال عن قص الاجنحه

[ابو عقيل الهاشمي]

بالنسبه لي . كنصيحه . انا ما انصحك تقص اجنحته حتى لو بتدربه . يكفيك تضعه في زاويه وتقرب منه .
ولو حاول تطير تمسكه . وممكن يقاومك مره مرتين ثلاثه او عشر مرات . لكن بالنهايه حيتعب وحيتعب من الطيران .. انت استغل هالفرصه وذوقه العسل لو عضك .. وبعد فتره حيحس بعطش شديد من التعب وخاصه لو اكل شوية عسل .. انت جيب اناء صغير وعبيه مويه وقربه من فمه خليه يشرب منه .. وغالبا حيشرب لانه حيكون عطشان ..
وفي اليوم التالي ضعه في زاويه وقرب يدك منه شوي شوي .. او ممكن تجيب شطرطون او بلاستر شفاف ..
وتضعه وتلفه على اصبعك .. وتقرب من الكروان باصبعك وهو في الزاويه او تضعه بين ارفف دولاب معين
يصير فوقه رف خشب وانت امامه وخلفه مقفل مايستطيع الطيران ولا المقاومه وكمان ما يتأذى ..

وملاحظه مهمه لا تنسى تقفل المروحه او النوافذ وتبعد اي شيء ممكن بإعتبارك انه يأذيه ..
ومع كثرة المحاولات .. وممكن تجوعه بعد مده وتقرب منه طعامه المفضل مثل الفصفص الكبير الاسود تبع دوار الشمس .. غالبا كل طيور الكروان تحبه .. وبكذا يتعود عليك تدريجيا ويقل خوفه كثير .. وبعد كذا حيصعد على يدك .. وبيجلس مده يعضك .. لكن بالنهايه يعرف ان عضاته ماتجيب اي نتيجه .. خاصه لو كنت لابس قفاز او تضع بلاستر شفاف ..

ربي يوفقك ..


بالنسبه لنصيحه ثانيه .. لازم تحدد انت تبغى الكروان للتزاوج والانتاج ولا للتدريب ؟
لان الانتاج لازم ماتنتف جناحه وماتدربه وتتعبه ولازم يكون بامان وهدوء ..

اما التدريب فياخذ جهد الكروان ويتعب .. وهذه ضريبة التدريب