بـــبــغـائـي الـجـديـد ( عـــســــول ) فـي ضـيـافـتـي ياهـــلا ومــرحـــبـــــا ..!!

[medozoom]

بسم الله الرحمن الرحيم

اسعد الله اوقاتكم بكل خير

والله يا اخوان لي فتره عن التدريب وعن السوق وعن التعمق كالسابق في مجال الببغاوات ولي فتره طووويله ما اخذت ولا طير

احكيكم عن القصه بدون مقدمات طويله

رحت قبل حوالي 5 ايام للسوق ولقيت طيور اشكال وانواع

وما شدني منها ولا طير كأنني رايح اشتري من السوبر عيش ابدا مو في بالي

فـ فيه محل لقيت عنده كاسكوات كثير وامازونيات ومريت عليها كلها

هذا ريشه منتف وهذا هولندي محجل وهذا وهذا ... الخ

المهم لقيت كاسكو كذا محترم من ناحيه الحجم واللون فااااااتح وكأنه دخل قلبي قلت تعوذ من ابليس وروح بيتك يا بو نايف عشان لا تتعلق

رحت البيت وعلى قد المحلات والطيور الي شفتها ما شدني غيرهالطير

انا واعوذ بالله من كلمه انا من الناس الي ما يعجبني اي طير لازم احس انه غير و يدخل قلبي من نظره << تكفى ... بعدين افكر اشتري ولا لا

جا اليوم الثاني الي بعده الي بعده قلت بروح السوق مره ثانيه

وادخل المحل على هذاك الطير الي قلبي تعلق فيه

واول ما اقرب ايدي يجعر بصوت يخوف وعليه منقار احس انه يأكل لحم ماشاء الله تبارك الله

المهم قلت ليه ما تاخذه ؟!!!!!!

تذكرت اشقر وتدريبي له

قلت اعوذ بالله من الشيطان روح بيتك

ورحت البيت كالعاده

وامس قلت روح وخذ لك لفه ونفس السالفه

وعند طيري هذاك

جيت سألت الهندي يعض قالي ايوه قلت حط يدك قال لا .. خفت الصراحه بس قلت عضه يعني بينقطع اصبعي لا بموت بعيد الشر لا اجل جرب

المهم ادخل ايدي عنده واصابعي تتراقص << خوف ... والطير يجعر

ويعضني عضه دخلت على مركز الدماغ الى المخيخ الى الاعصاب زي الفايروس وصحت صيحه كذا لا شعورياً وسويت انه ما كانه صار شي ( يعني اني ) وكم واحد قعدوا يضحكون ويطالعون فيني

الصراحه قلت يا انا يا انت وان شاء الله ما ارجع البيت بدونه

والحمد لله اشتريت هالطير فرخ عبونه رمادي فاتح يعني عمره 9 الى 10 شهور

وسميته عــســــول وبيكون صديق محبوب

الصراحه الطير مررره مخمخني الحمد لله

وان شاء الله يعجبكم مثل ما اعجبني

اذكروا الله يا اخوان وصلوا على النبي نشوفه سوا

















وان شاء الله راح تكون له سلسله تدريب في موضوع قادم

إنتـــظـــروني

اتمنى اني ما اطلت عليكم واستمتعتم مثل ما استمتعت انا

لكم محبتي وصدق مودتي

أخوكم

محمد ( ابو نايف )

[medokaye]

هلا بأبونايف حفظه الله
يشرفني أن أكون أول من يبارك لك
ألف ألف مبروك تستاهل كل الخير
والله عسول يستاهل " ما شاء الله تبارك الرحمن"
الله يبارك لك فيه ويكون عند حسن ظن قلبك فيه
الطير رائع من ناحية الحجم واللون والعمر
بالمبارك
تحياتي

[طووط]

ماشاء الله طير جميل

[*هاوي البادجي*]

مبرووك عليك الطير ويتربى بعزك

بس انا الصراحه طلعت من ارض الكواسكو والحين انا متجه عند الامازونيات الكوكاتو

في انتظار سلسله التدريب

[أبو رآكان]

..| مششأإء اللهَ

تبأإرك الرحمـنَ ..|
الله يبأرك لك فيه

عسأك ع القوة في التدريبَ

تحيأإتي اخـوك ابو رآكانَ

[صوغة]

يعطيك خيره ويكفيك شره

بدت بعضة الله يعين على الباقي

مبروووك عليك ويتربى بعزك وان شاءالله نشوف له تسجيلات بصوته

[عاشقة الظلام]

ههههههه
قصتك مشابه لقصتي بس انه شفت الكاسكوات قبل اسبوع ودخلوا خاطر ومر اسبوع وانه افكر فيهم (واذكر الكاسكوين الي ماتوا وفكرة الشراء اتخف من الخوف انهم اموتوا نفس سابقاتهم) بس مريت السوق صدفة في الاسبوع الثاني ودخلت نفس المحل وشفتهم عنده باعمار لاتتجاوز السنه فسالت الهندي بكم وطليت في المحفظة ما في فلوس كفاية وطيران كاني مهبولة على الصراف الالي واسحب افلوس (معني على وشك افلاس) بس كلشي اموون علشان هل كاسكو.

ما ادري خصوصا هل ببغاوات (الكاسكو) تسحرني ما ادري شصيدني اذا اشوفها.

عموما الف مبروك الطير وبيتربى في عزك
والله يحفظة لك من كل شر
وموفق في تدريبة

[kha6ab]

ماشاء الله تبارك الله
حجمــه TOP الله لايضرهـ

لا اوصيـــك عليه .. العضه ماتروح بلاش

[انس المسعود]

الله يحفظلك ياه ههههههههه العضات شي طبيعي تعال وشوف ببغائء قاتلني قتل

[S I L V E R]

ما شاء الله الطير توب .. الله يبارك لك فيه عدد ريشه و عقبال ما يغطي على محبوب