بـــبــغـائـي الـجـديـد ( عـــســــول ) فـي ضـيـافـتـي ياهـــلا ومــرحـــبـــــا ..!!

[غسان الاشقر]

الف الف الف مبروووووووووووووووووووووووووووك ياعم بونايف

اتمني لك اوقات سعيده جدا مع عسول

واسال الله ان يجعله مطيع ومتجاوب معك على طول

اتمني لك التوفيق

فائق احترامي

[alz3eem09]

كله ولا ياخذ مكان محبوب
تر محبوب نجمنا

[صاحب الشاطي]

طاىر جميل

و يتربى بعزك

[الوليف]

مشاء الله الله يباركلك يبو نايف
تحياتي

[ملآكـ]

ماشاااء الله تباارك الله

ربي يخليه وبانتظاار السلسلة

وحااطه في بالي ان شااء الله اخذ بعمر طيرك

بس متردده ربي يسهل الأموور

بالتوفيق ياخووي

اختك

ملآكـ

[العقرب الامبراطوري]

الف مبروك اخي
ما شاء الله تبارك الله جميل جداً
يتربى بعزك ان شاء الله
و تقبل مروري اخي ~

[كاسكو عبدالله]

ماشاءالله طير جميل الصراحه

يتربى بعزك^^

انا مرك نفسك كذا

بلقطيف

شفت كاسكو يصافر وصوته قوي مره

قلت يالبى قلبه هع

ورحت جنبه

وسالت راعيه كيف اليف قالي شبه اليف قلت له كويس

قلت له يعض قالي لا

<<طبعا انا فان دام صدقتو على طول

ورحت بحك راسه الا الرجال شبص على صعبي**

وطلع منو الدم وجلس يصارخ الكاسكو

وتحطمت على طول مشيت البيت ههههههه

بس دخل براسي والله وقلت باخذه

ورجعت له بعد ساعه يمكن

وشفته وسالته عنه قالي باعه ب 2700!!!

قلت له مبروك

ومشيت

يالله مبروووك عليك الطير خيو

[مربي اسماك]

ما شاء الله

[ابو محمــد]

المشاركة الأصلية كتبت بواسطة medozoom

بسم الله الرحمن الرحيم

اسعد الله اوقاتكم بكل خير

والله يا اخوان لي فتره عن التدريب وعن السوق وعن التعمق كالسابق في مجال الببغاوات ولي فتره طووويله ما اخذت ولا طير

احكيكم عن القصه بدون مقدمات طويله

رحت قبل حوالي 5 ايام للسوق ولقيت طيور اشكال وانواع

وما شدني منها ولا طير كأنني رايح اشتري من السوبر عيش ابدا مو في بالي

فـ فيه محل لقيت عنده كاسكوات كثير وامازونيات ومريت عليها كلها

هذا ريشه منتف وهذا هولندي محجل وهذا وهذا ... الخ

المهم لقيت كاسكو كذا محترم من ناحيه الحجم واللون فااااااتح وكأنه دخل قلبي قلت تعوذ من ابليس وروح بيتك يا بو نايف عشان لا تتعلق

رحت البيت وعلى قد المحلات والطيور الي شفتها ما شدني غيرهالطير

انا واعوذ بالله من كلمه انا من الناس الي ما يعجبني اي طير لازم احس انه غير و يدخل قلبي من نظره << تكفى ... بعدين افكر اشتري ولا لا

جا اليوم الثاني الي بعده الي بعده قلت بروح السوق مره ثانيه

وادخل المحل على هذاك الطير الي قلبي تعلق فيه

واول ما اقرب ايدي يجعر بصوت يخوف وعليه منقار احس انه يأكل لحم ماشاء الله تبارك الله

المهم قلت ليه ما تاخذه ؟!!!!!!

تذكرت اشقر وتدريبي له

قلت اعوذ بالله من الشيطان روح بيتك

ورحت البيت كالعاده

وامس قلت روح وخذ لك لفه ونفس السالفه

وعند طيري هذاك

جيت سألت الهندي يعض قالي ايوه قلت حط يدك قال لا .. خفت الصراحه بس قلت عضه يعني بينقطع اصبعي لا بموت بعيد الشر لا اجل جرب

المهم ادخل ايدي عنده واصابعي تتراقص << خوف ... والطير يجعر

ويعضني عضه دخلت على مركز الدماغ الى المخيخ الى الاعصاب زي الفايروس وصحت صيحه كذا لا شعورياً وسويت انه ما كانه صار شي ( يعني اني ) وكم واحد قعدوا يضحكون ويطالعون فيني

الصراحه قلت يا انا يا انت وان شاء الله ما ارجع البيت بدونه

والحمد لله اشتريت هالطير فرخ عبونه رمادي فاتح يعني عمره 9 الى 10 شهور

وسميته عــســــول وبيكون صديق محبوب

الصراحه الطير مررره مخمخني الحمد لله

وان شاء الله يعجبكم مثل ما اعجبني

اذكروا الله يا اخوان وصلوا على النبي نشوفه سوا

















وان شاء الله راح تكون له سلسله تدريب في موضوع قادم

إنتـــظـــروني

اتمنى اني ما اطلت عليكم واستمتعتم مثل ما استمتعت انا

لكم محبتي وصدق مودتي

أخوكم

محمد ( ابو نايف )

حياك الله ابو نايف مشتاقين لسوالفك ومواضيعك الجميلة

سؤال يسدحة نفسة انت ما تتوب

بصراحة انت شخص صعب ولا تحب الا الصعب واحب اهنيك على الاختيار

والطير هذا جعل عيني ما تظرة ماشاء الله تبارك الرحمن يستاهل الاقتناء والتدريب

حجم الرأس كبير والعمر صغير مبين من لون العين وطول الرقبة والمواصفات جامبو الا ربع

تعال ..... غريبة العادة تكلمني بعد ما تشتري طيورك السابقة المره هذي ما كلمت نهائيا ؟؟؟

عموما الله يطرح فيه البركة وان شاء الله من المتابعين لتدريبات عسولي لكن شوف انتبه الطير

(صعب) واعرف ان عندك راح يكون سهل خبز ايديا وحيات عنيا

ولو تسمية صعب يكون احسن

بالتوفيق

[عاشق الانكوندا]

ماشاء الله تبارك الله طائر جميل يتربى بعزك