الصوص ينقر بعضه البعض لين تنقطع اصابعه او نتجرح ويصب منها دم

[فهوودي؟]

السلام عليكم ورحمه الله وبركاته

عندي كذا صوص احسه شراني لقيت مره منه جارح راجله واحد ومره مجروح جنب عينه بس جت سليمه العين .. وسبحان الله صوص صغير يقدر يسوي هالعمايل ..

المشكله مرره امسكو واحد وكلهم نقر في اصبعه ما مديت يدي ارفعه الا هم قطعو اصبعه عزلته الين التم الجرح بس احسه مايمشي زين على انهم نقرو في اصبع واحد بس وش اسوي.. ججنوني مدري وش فيهم

ارجوكم ساعدوني وش الحل

[المجد العالي]

في دواء في الصيدلية للجروح اذا رشيته على الصوص المجروح وحطيته مع الباقي ما بيسوو له شي لانه الدواء مر و انشاء يتركووا هالعادة

[عاشق الحيوانات07]

اذا كان صوص دجاج
هل انت تعطيها رز من بقايا الكل فانتبه يمكن يكون فيه ريحة لحم دجاج او قطع دجاج صغيره لانه اذا ذاقت الدجاج تصير عدوانيه بين بعض

[دجاج 2010]

اخوي اذا كان الصيصان اكبر منه مستحسن تعزله لحاله وتشتري معه صيصان على قد عمره

موفق

[فهوودي؟]

مشكورين والصيصان تختلف اعمارهم بس اكثرهم نفس العمر

[صمت الأمل]

وعليكم السلام ورحمة اللهـ وبركاتهـ .


ماشاء اللهـ تباركـ اللهـ ,, الإخوان ماقصرو أبدا بالإجابهـ ..


ربي يعطيكم ألف الف عافيهـ .


انا عندي سؤال لكـ فهودي .. هل المساحهـ ضيقهـ عليهم ؟؟


لأن الدجاج يصير عدواني فورا اذا حس ان المكان ضيق على عددهم ,, وبيحاول يتخلص من الأضعف .


وأيضا اذا المكان مجرد قفص وخالي من التراب أو الحصيات الصغيرهـ ممكن يتسبب في التهابات في اقدامهم .


وهذا قد يشجهم على نقر اصبع الصوص المصاب .


الحل هو بتكبير المكان لهم ,, واضافة تراب نظيف .. وتوفير الأكل الكافي لعددهم .


كل التوفيق لكـ .

[فهوودي؟]

المساحه 2*2 وارتفاع 1.5 والارضيه رمل يعني مناسبه والاكل متوفر وبزياده يعيني الحمدالله ماخليه ينقص وانا اشكل لهم في الاكل احاول اجيب خضار دايم لهم بس مادري وش السبب

الف شكر ياصمت والله لايحرمنا منك