سؤال :)

[The Cat Whisperer]

مش شايف صور بس ما شاء الله تبارك الله وتتربى في عزك

بالنسبة لجداول الطعام انا هديكي الجدول اللي انا ماشي عليه بنفسي بعد خبرة واطلاع على الأبحاث العلمية والحمد لله النتائج مبهرة

الصبح في الفطار جبنة مثلثات أو كيري أو شيدر وممكن تتغمس بقطع خبز صغيرة حسب الشهية

في وجبة الظهر (حاكم القطط في السن ده محتاجة تتغذى اكتر من 3 وجبات) بنوع ممكن صفار بيضة نيء أو جبنة أو حتة لحمة صغيرة

في الغداء لحمة أكيد لحمة حمراء أو دجاج مع شوية كبدة وعظم مفروم ويوم في الأسبوع بديها سمك الماكريل أو فيليه من غير شوك

عشان القطط بتموت في السمك أوميجا 3 وفوايد السمك بس يوم واحد عشان تساقط الشعر

والعشاء حسب شهيتها قطعة لحمة مع شوية كبدة وعضم مفروم أو صباع كفتة أو جبنة مع شوية عيش أو بطاطس شيبس

ورجاءً لا تستخدمي أي أكل تجاري مخصص للبشر زي السلامي والبرجر والبسطرمة والتونا كل ده مليان مواد حافظة وغير صالح للقطط وأضراره كتير

أنا متبع نظرية الـRaw Diet النظام الغذائي النيء لحمة وأعضاء وعظم اللي وصى بيها كبار بياطرة العالم ممكن تستخدمي لحم مطبوخ وبلاش عضم لو حبيتي

أهم حاجة الدراي فود بلاش منه خالص لأن الخبثاء اللي صنعوه حاطين فيه منكهات بتحبب القطط فيه بزيادة

فلو قطتك متدلعة شوية سهل جداً تتعود عليه وتطلبه ومتقبلش منك تاكليها غيره ده غير أضراره وانه مش مناسب للقطط أصلاً

الحليب البقري برضه بلاش منه خالص انتي عارفة ان سكر اللاكتوز اللي فيه مضر جداً وبيسبب إسهال

انا بديها صفار بيضة نية 3 أيام في الأسبوع (البياض النيء مضر) لأنه غني بالأملاح المعدنية والدهون ومخلي شعرها وجلدها تحفة

برضه لو مش بتحبي الني بلاش اديها مسلوق او مقلي لأن البيض مهم بس مش هتحبه زي النيء

الفكرة في الأكل النيء انه سهل حفظه في الفريزر وقتل الميكروبات وفي نفس الوقت مغذي لأن الحرارة بتدمر المغذيات في الأكل

معذرة للإطالة