كم تكلفة تطعيم القطط في الامارات؟

[الرواي]

السلام عليكم

انا فكرت اشتري قط بس قلت لازم اول اشوف اقدر على تكاليفهم ولا لا

خذت لي دوره في المحلات وشفت سعر الاكل والرمل الخاص بالقطط ومستلزمات القطط من صحون وليتر بوكس والعاب مقدور عليها....بس ابي اشوف اقدر على التطعيم ولا لا.

اتصلت بعياده بيطريه وسألتهم قالولي التطعيم بميتين وعشرين درهم.

ابي اعرف هل كل شهر راح ادفع ميتين درهم على التطعيم ؟ ممكن احد يقولي هل التطعيم كل شهر او كم مره في السنه بالتفصيل والاسعار؟

وهل ممكن اربي قطط بدون ما اطعمهم مع العلم اني افكر اشتري قطط شيرازيه ؟

وشكرا

[دلوعةقطوتي]

وعليكم السلام ورحمه الله وبركاته
اكيد التطعيم افضل حتى لو جاتهم الامراض بعيد الشر يكون عندها وقايه
هذا رابط بيفيدك باوقات التطعيمات
http://www.2zoo.com/vb/showthread.php?t=6575

[هكذا اذن]

الاخ الراوي وانا بعد من الامارات
وين حصلت العياده اللي بميتين وعشرين ؟
انا حصلت تقريبا ب400 درهم العياده البيطريه الامريكيه وعمر قطتي شهر ونص اشتريتها يديد امس وابي اجيك عليها
وان شاء الله الرابط لدلوعه افادك لاني انا بعد استفدت
وعلى الفكره الصرفيه مب كل شهر بتبدل ، واحسن مكان تشتري منه الاغراض محل النوعيه للحيوانات الاليفه اللي بشارع خليفه احسن وانظف ومضمون لا تروح تاخذ من المينا