اشترك في نشرتنا البريدية ليصلك كل جديد

دلوعة الرياض · 30-03-2011, 02:08 PM

سلام

انا استنتجت انه القتل والحرب والصراع هذي فطرة في كل كائن على هذه الوسيعة

يبقى انه الطيور والبهائم لا تُلام حين تتقاتل لانه لا عقل لها

أما ,, البشر !! .... لهم عقول (((صغيرررررررررة عند اصحاب الفتن))

ــــــــــــــــــــــــــــــــــــــــــ

المهم اخويا حبيبي ما يقصر فيني يدري اني احب الطيور والحيوانات وتارس لي البيت ترس ,, كل ما اشتهيت أربي شي قلت له خخخخ >>>>> رفقا بالقوارير

وهالمرة حبيت اربي بادجي وبديت الخطوة في تجهيز القفص واخويا فصل لي قفص حلو وقميل وحطيته زي ما راح تشوفو في الصور ( صورتهم وهم كانو في قيلولة الظهيرة)...

شوفو صور طيوري وبليز علموني عن جنسهم وأعمارهم واحد واحد عشان اشوف لهم صرفة لانه في اثنين كل يوم يتناقرون وهم الطير الابيض ذو الراس الاصفر اللي على بداية اليمين والطير الازرق فاتح اللي منعزل على أقصى اليسار .. لدرجة انهم يتلاحقون على طول القفص وضرابة وكل وحدة تعض الثانية وتنتف الشعر !!!

شوفوا اللي قدام عاليمين دومه يتهاوش مع المنعزل في اليسار!

طيب شو اجناس هالاربع طيور؟؟؟

مع العلم انه الاثنين اللي بالنصف (اللي مغمض عيونه واللي البحري اللي خلفة)أصدقاء وحبايب و دومهم يقعدو في عزلة عن المشاكل داخل العشة ويهاوشون اي واحد يتقرب منهم

هذا هم بعد عنده صديق في بس ما ظاهرة في الصورة .. وش جنسة؟

وهذي صورة القفص اللي جابه لي حمّوودي وصراحة شكله مره حلو ,, وش رايكم في حجمه هل مناسب لهن ؟؟ وكمان بحط معهم طيور الكوكاتيل في نفس القفص وش رايكم؟

شوكرا

Dr Khaled · 30-03-2011, 03:50 PM

و عليكم السلام و رحمة الله و بركاته

1- الطيور جميعها أسترالية
2- في الصورة الأولى كلهم إناث ما عدا ذا الكير الأزرق هو الذكر.
3- الصورة الثانية ذكر ألبينو.
4- المشاكل أمر مفروض منها و هي أحد سلبيات الأقفاص التي تحوي أكثر من زوج و خاصة الإناث.
5- القفص جميل لكنه غير مناسب لأن الطيور سوف تتعرض للبرد و الدرجات المنخفضة من الحرارة.
6- لا يجوز دمج الكوكاتيل معهم لأنه سوف ترين القتل فيما بينهم.

الموت هو البدايه فقط · 30-03-2011, 03:57 PM

افادك

دلوعة الرياض · 30-03-2011, 11:03 PM

اقتباس:

المشاركة الأصلية كتبت بواسطة Dr Khaled

و عليكم السلام و رحمة الله و بركاته

1- الطيور جميعها أسترالية
2- في الصورة الأولى كلهم إناث ما عدا ذا الكير الأزرق هو الذكر.
3- الصورة الثانية ذكر ألبينو.
4- المشاكل أمر مفروض منها و هي أحد سلبيات الأقفاص التي تحوي أكثر من زوج و خاصة الإناث.
5- القفص جميل لكنه غير مناسب لأن الطيور سوف تتعرض للبرد و الدرجات المنخفضة من الحرارة.
6- لا يجوز دمج الكوكاتيل معهم لأنه سوف ترين القتل فيما بينهم.

بخصوص القفص ,, ترا الحين الجو معنا بدأ يعتدل ويتجه للسخونة أكثر لانه الصيف قرب يدخل

فأنا قلت يكون مفتوح من كل الجهات عشان التهوية تكون زينه في الحر ,,

أما في فصل الشتاء من شهر (12-منتصف 2) ناوية أغطي عليهم بحاجة تدفيهم من الاطراف واعلق لهم مصباح للحرارة َ

شكرا