҉ਿ°●φ¸¸.» تربية الدجاج من البداية حتى الإحتراف «.¸¸φ●°ੀ҉

[صمت الأمل]

بسم اللهـ الرحمن الرحيم .


أهلا وسهلا بجميع من يمر بهذا الموضوع سواء كنت عضوا معنا أو زائرا واحببت الإستفادة او مجرد فضول وأحببت زيادة معرفتكـ بالدجاج بدون تربية.


سيكون هذا الموضوع مسهلا بقدر ما استطيع وممتعا ,, ولكن بإذن اللهـ ستخرج منهـ خبيرا بأسس تربية الدواجن عموما والدجاج خصوصا .


وطبعا سيكون تطبيق هذا الموضوع على دجاجاتي الجميلات من صور وفيديوهات حصريهـ ,,



نبدأ على بركة اللهـ :






أكبر خطأ يرتكبهـ المربي اذا اراد شراء الدجاج أو الصيصان أو حتى أنواع أخرى من الطيور من السوق هو شرائها في وقت وسط الظهر أو آخر العصر أو الليل .


لأن عادة الطيور تنام أو تسترخي في وقت الظهر .. فلا تستطيع التمييز بين كسلها فقط وهي بصحة ممتازة وبين كسلها وهي مريضة .


أفضل وقت هو في الصباح الباكر ووقت الضحى أو بعد الظهر حتى العصر .. بعدها لاينصح ابدا أن تشتريها في وقت الليل ,, لأن الليل ببساطهـ هو وقت نومها .







عندما تشتريهم وتستقبلهم بفرح ويصرخ الأطفال بسعادهـ ,, لاتنسى ان هالمخلوقات الضعيفهـ غالبا تكون خائفه جدا من التغيير الجذري اللي حصل لحياتهم ..







وأيضا راح تكون جدا عطشانهـ وجائعهـ ,, فلاتنسى هالشيء وعطها الشراب والأكل المناسب لهم .

واذا اشتريت صيصان صغيرهـ الأفضل تعطيهم الماء بصحن صغير وغير عميق أو تضيف لهـ صخرة بصحن الشرب عشان ماينقلب عليهم ,, أو تعطيهم الماء بالسقايات الخاصهـ بالدواجن .










بعد اهتمامكـ بها وراقبتهم وتاكدت بأنهم سليمات ويركضون بنشاط ,, الحين صار وقت تعرفهم ببيتهم الجديد ..







هذا القفص من فترة طويلهـ وهو عندنا ,, وعاشت فيهـ اجيال كثيرهـ من الدواجن .


اظن انهـ 4 × 3 متر تقريبا .. مستطيل الشكل ,, ويتألف من دورين .. ولهـ رفوف جانبيهـ .


وهالمساحة تكفي تقريبا 10 _ 15 دجاج بالغ .


وموقعهـ تحت ظل أشجار النخيل والسقف مغطى بالبلكاش بشكل مائل عشان يبعد المطر من الدخول في القفص وما يبلل الدجاج ويمرضهم .



نظرهـ داخل القفص الكبير ,, وهالدجاجهـ تمشي من الدور الثاني للأول :





مكان نوم الدجاج في الدور الثاني :





وماتنسى انكـ راح تحتاج قفص جانبي صغير في حالة اذا الدجاجهـ أرجنت ,, أو عندكـ صيصان صغيرهـ والقفص الأول كبير جدا عليهم .







طولهـ متر ونص في متر ونص ..







واحتياطا خلي عندكـ قفص صغير متنقل ,, لأن ممكن تحتاج تنقل الطيور من مكان لآخر أو تحتاج تعزل أحد منها لحالهـ في قفص صغير .. مثل هذا :







(( يفضل انكـ ماتبطن أرضية القفص بالجرائد لأن ممكن يكون عليها ذكر اسم اللهـ أو آيات ,, انا شريتهـ من السوق ومبطن بالجرائد لكن أزلتها قبل الإستخدام وممكن تبطنها بورق التصوير A4 ))



وأخيرا بعد مايستقر الدجاج ,, خذ لهم صورة جماعيهـ عشان الذكريات ,, وتوثق بعض الصور للدجاج يمكن تبغى تعرف نوعها ..


صورهم اذا قالوا : بقيييييييييييييق .









راح تحتاج لصحن خاص لأكل الدجاج ,, لأنهـ عادة فوضويين والأفضل ماتكب الأكل مباشرهـ على التراب لمنع الأكل من التكوم وجذب الحشرات أو الفئران الغير مرغوبهـ داخل القفص وتتخلص من باقي الأكل بسهولهـ .

ويفضل يكون هالصحن معدني ليسهل عليكـ تنظيفهـ ويعيش عندكـ فترة اطول بكثير من البلاستيكـ ومايتأثر بحرارة اجوائنا وشمسنا الحارقهـ .







هذا الصحن حطيت لهم فيهـ شوي خبز جاف (( وجبتهم المفضلهـ ))





وهنا وهم ياكلون (( ليتني سجلتهـ فيديو عشان تسمعون أنواع الدفوف والطرب وهم ينقرون في الصحن المعدني ))






وتحتاج اناء كبير مناسب لحجم الدجاج وفيهـ ماء نظيف ,, خصوصا لأن الدجاج يحب يدخل داخل الحوض ويبرد رجليهـ من حر الشمس والصيف .


ولازم يكون الإناء بعيد عن مكان نومهم وبعيد عن الشمس .














نجي للأكل ,, الأفضل جدا تعطي الدجاج من بقايا الأكل الموجودهـ بالبيت ,, لكن في الصباح مافيهـ بقايا اكل تكفيهم .. فلازم تاخذ احتياطاتكـ بشراء الحبوب المشكلهـ أو الشعير :


هذا المشكل :







الشعير العادي :





وألاحظ انهم يحبون المشكل أكثر بكثير من العادي ..

وأيضا حاول من فترة لفترة تنوع الأكل لهم .. عطهم بقايا خبز .. اما جاف او منقوع بماء .. وأيضا بصل مفروم أو حتى قليل من الكراث والورقيات لتعويض أجسامهم من الفيتامينات اللي تنقصهم ,, أو لزيادة قوة المناعهـ عندهم .


شوفوهم راح ينجنون عشان يوصلون للكراث من ورا القفص :





فيديو لهم وهم يقضون عليهـ (( الأفضل تقطعهـ لهم بالسكين لكن أنا حبيت أسوي هالحركهـ للتصوير فقط )) :






وعطهم مرتين الى ثلاث مرات بالأسبوع كالسيوم ,, إما من قشر البيض او من لسان البحر :





نطحنهـ لين يصير ناعم بالنجر :






ولاتعطيهم اياهـ مباشرهـ ,, ماراح ياكلوهـ ,, الافضل تخلطهـ لهم مع الأكل .. وعلشان مايتعلمون ان قشر البيض يؤكل فممكن ياكل البيض اللي ينتجهـ (( صورتهم فيديو ونسيت آخذ لهم صورة ,, عذرا على الصورة المشوشهـ ))






واذا تحب تشغل دجاجكـ وتحب تخليهم يغيرون جو ,, خذ شوي حبوب مشكلهـ ورشها على الأرض ,,


وراح تشوف انواع التحفير والبحث والتنقيب عن الحبوب المفقودهـ ..


هنا فيديو بتشوفون الديكـ يحفر ومتحمممس .. وينادي الدجاجات يقول لهم تعالو لقيت أكل :









خلصنا من الأكل والشرب , نجي لوقت الراحهـ والنوم ..


الدجاج يجب ينام في الظهر شوي أو يرتاح الى ان يجي وقت العصر ثم ينشط مرة ثانيهـ وياكل عشان يستعد للنوم ببطن مليانهـ . لأن الدجاج مايحب ياكل في الليل لأنهـ يعتبر تهديد لحياتهـ اذا صار بعيد عن مجموعتهـ ومايقدر يشوف في الظلام ,, فيعتبر فريسهـ سهلهـ للأعداء خصوصا اذا كان الدجاج يعيش في حظائر مفتوحهـ .






لازم تتذكر اذا تبي تساعد الدجاج وتخفف عنهم حرارة الصيف ترش الماء على الأرض فقط وليس عليهم مباشرهـ ,, اذا رشيت عليهم الماء مباشرهـ ممكن تتسبب بزكام أو التهابات خطيرهـ وممكن تؤدي بحياة الدجاج لاسمح اللهـ .








وأنا خلطت مع التراب نوع من الحصى الصغير واللهـ ما أذكر اسمهـ ,, لكنهـ مفيد جدا لأنهـ يمنع التراب اللي بقفص الدجاج يتحجر ويتصلب .. وضروري كل فترة وفترة تقلب التربهـ الموجودهـ بقفصهم .




















هنا فيديو نشوف فيهـ الدجاج ياخذ حمام تراب وقت الظهر بعد رش التراب بالماء عشان يبرد على نفسهـ من حر الصيف :






وأيضا يحب يرتاح في الأماكن اللي يحب يبيض فيها :











انا وضعت هالعلب الخشبيهـ المخصصهـ للحمام كمكان مبدأي عشان يتعود الدجاج انهـ يبيض فيها ,, لأن دجاجي لسى مابلغ ولا ينتج كثير .






ممكن تلقاهـ في أي سوق للطيور بسعر زهيد ..


لكن الأفضل منهـ انكـ تحط برميل او صناديق أكبر من هاللي عندي ..





يشتكي بعض الأعضاء ان الديكـ عندهم تصير له حاله غريبه ,,
يمشي طبيعي لكن فجأه يمد جناحه لرجله ويسحبه على الأرض لثواني ,, ثم يرجع طبيعي , هذي طريقة المغازلة عند الديوك لإغراء الدجاجات .
وهذا فيديو يوضح لو شيء بسيط عن حياة الدجاج الاجتماعيه :







وأيضا حالهـ ثانيهـ انهم يكونون مسترخيييين وهدوووء ,,


وفجأهـ تسمع الديكـ يصرخ بصوت مختلف عن الآذان :





هذا الصياح طبيعي تماما ,, حتى لو تلاحظ الصيصان الذكور منها هو اللي يصدر مثل هالصوت بس مو شرط .. لكن في الغالب ان الدجاج مايقول شيء ..


ومعناهـ انهـ شاف شيء غريب ومختلف ومدهش بالنسبهـ لهـ ..


مثلا كيس بلاستيك يطير بالهواء ,, أو أحد الطيور مثل الحمام هبط بطريقهـ مميزهـ ,, يعني مثل هالأشياء اللي ماتخوفهم .. لكن تدهشهم !!







وبعد التربية والتغذيهـ والجهد معهم ,, ويجي وقت بلوغهم وتنتظر البيض بفاااارغ الشوق ..


راح تحصد نتيجة تعبكـ معهم في النهايهـ ,, لكن لازم تتذكر : الصبر ثم الصبر ثم الصــــبر .


هذا أول انتاج بيض من دجاجاتي الجميلات :






ولاحظوا حجم انتاج دجاجهـ أول مرة تبيض مقارنة مع حجم بيض دجاج المائدهـ البياض :







وهنا الديكـ مسكيييين يالبى قلبهـ ,,


يحاول يخفف عن الدجاجهـ توترها الشديد ,, لأنها أول مرة تبيض , والأخ يبغى يهديها ويعلمها وين ممكن تبيض فيهـ ,, والمشكلهـ مافيهـ دجاجات بالغات من قبل .. كلهم صغار بالعمر .


والدجاجات أيضا يحاولون يساعدونها ويمشون معها ويهدأون بالها ,, لين باضت الحمدللهـ بالسلامهـ وعدت الأمور على خير .








طبعا الكل راح يسأل متى بتبيض دجاجي ؟؟ أنا سويت كل شيء بس ما اعرف كم عمرها حاليا ومتى بتبيض ؟؟


اقول لهم تفضلوا هالجدول من تصميمي لمعرفة عمر الدجاج من البلوغ وحتى الإنتاج :







ان شاء اللهـ يوضح لكم الشيء الكثيييير ..





وبعد فترة انتظام الإنتاج واختلاف شكل جسم الدجاجهـ بشكل واضح ,, الكل راح ينتظر متى راح ترجن ؟؟


أقول لهـ انتظر وربي بيرزقكـ خير ان شاء اللهـ ,, لأن ما احد يقدر يحدد متى راح ترجن الدجاجهـ بالضبط ..!! واذا مستعجل أحسن حل هو الفقاسهـ .







لكن عموما ومن خبرتي المتواضعهـ معهم انا لاحظت ان الدجاج يرجن بعد مايبلغ من العمر سنهـ وفوق ..


اما أقل من السنهـ قليل جدا انها ترجن لأن لسى ماخلصت الدفعهـ الأولى من البيض اللي ببطنها وتعدي مرحلة توقف وضع البيض ومرحلة القلش ..





حاول دائما تنظيف القفص من الخيوط , الألعاب أو ادوات من البيت , خصوصا القطع والأكياس البلاستيكيهـ ,, لأنها خطر كبير يهدد حياة الدجاج اذا أكلهـ ,, لأن معدتهم ماتقدر تهضمهـ أو تتحلص منهـ .


شوفوا هالمساكين يتطاردون على هالخيط :





وهنا يحاولون ياكلون أو يلعبون بهالكيس اللي جاء بهـ الهواء :









وأخيرا وليس آخرا ,, بعض الدجاج ممكن يكون عندهـ بعض الطفرات او الأصابع الزائدهـ ,,


حاولت أبحث عن أسباب هالاصابع الزائدهـ لكن للأسف ماطلعت بنتيجهـ ..


لكن اقول للجميع هالأصابع ليست خطيرهـ أو عيب تعيق حياة الدجاج ,, لا أحد يروح يقص هالأصابع علشان يفوز بمسابقات جمال الدجاج ,, أو يقص العرف أو الداليتين عشان مصارعات الديكهـ ..


هذي خلقهـ من ربي وبتتحاسب اذا حاولت تأذيتهم على حساب شهرهـ أو فوز بمركز ..







وأهتموا بصحة الدجاج وارعوها دائما لأنها تعتمد عليكم للبقاء بصحة جيدهـ وفي المأكل والمشرب النظيف والصحي ..


لا احد يجي عندي يقول شوفي دجاجي مات بسبب إهمالي :









































ترى أمزح الصوص بصحهـ وعافيهـ الحمدللهـ ,, أنا بس نومتهـ على يدي وما ادري ليش قرر ياخذ قيلولهـ على السريع .







واذا حبيتوا تحافظون على سلامة دجاجكم خصوصا عند زيارة الأطفال اللي يحبون يزعجون الطيور ,, أوصيكم بصديق الدجاج الصدوووق :







واذا مر عليكم يوم وطفشانين وماعندكم شيء تسووهـ ,, خذو شريحتين توست لينهـ وكرسي قصير .. وفلوها مع هالدجاج عشان تتونسون ويستمتع الدجاج بوجبهـ خفيفهـ :











اي اسألهـ أو ملاحظات يسعدني استقبالها ..


الموضوع خاص وحصري لمنتدى 2Zoo .


هذي الصور والفيديوهات كانت في الصيف لكن بسبب ظروف تأخرت في إضافة الموضوع .


لا أريد منكم الا الدعاء لي بعد الإستفادة من الموضوع ..


والسلام عليكم ورحمة اللهـ وبركاتهـ .

[دجاج 2010]

مشكوره صمت الامل وانتي بصراحه مثل يضرب بك في تربية الدجاج ويحظ توزوو بك مشكوره اختي وكلمة مشكوره قليل فيك

[mustaf]

ألف ألف شكر على أفضل موضوع للقسم وأرجوا من المشرفين التثبيت حتى تعم الفائدة على الجميع

[anas09]

والله شيء رائع


الله يعطيكي الف عافية ويجازيكي الخير على هالابداع


موضوع شامل ومفيد جدا والتثبيت فيه فائدة للاعضاء والزوار


وما شاء الله دجاجك رائع جدا ويبدو انه مدلل

الدجاجة الي مصوريتها قبل لا تبيض عندي دجاجة مثلها ولا تختلف عنها بشيء

شكرا لك

[AHMAD55]

ما شاء الله

مربية____خبيرة______استاذة______دكتورة

كلمات كبيرة


بس بحقك صغيرة


مشكورة مشكورة


الله يعطيكي الف عافية

نتمنى لك انك تنالي الي ببالك

وبالتوفيق بانتظار المزيد

[ﮭاﯠﯥ ﻄﺒﻴﻊﯥ]

وعليكم السلام ورحمة الله و بركاته

بعد طول انتظار ... أخيراً

ما شاء الله موضوع ممتع وشيق و مفيد

كامل والكامل الله

الصور و الفيديوهات أثرت الموضوع بـ محتوى مميز

ما شاء الله موضوع تحفة و من أكثر مواضيع القسم تميز

الحقيقة كل مواضيعك مميزة

ننتظر جديدك من الموضع المميزة و المفيدة

موفقة

[fawazzz_q8]

مشكورة يااختي على هذا المجهود الكبير والموضوع المنظم
الشكر هو اقل شي ممكن ان نقدمه لكي يا استاذتنا
بصراحة من موضوعج فكرت اني اسوي موضوع شبيه بموضوعج اروي فيه تجربتي
لكن من الحين اقول لج ماراح يكون بمثل ترتيب موضوعج
تحياتي

[black cock 2]

موضوع رائع رائع رائع جدا جدا ويستحق التثبيت

والله لا تستطيع الكلمات عن وصف هذا الموضوع الشامل

شكرا لك اخوكي black cock

[فرّي]

موضووووع رووووووووووووووووووعة بمعنى الكلمة

باارك الله فييك يا صمت الامل

لكن عندي ملاحظة انا اشوف ان المخفق [ المكان اللي تبيض فيه الدجاجة ] في الدور الثاني

الدجاج ما عنده اشكالية يبيض فوق ولا تحت ؟؟؟


والله موضوع تحفة بمعنى الكلمة

[بايا]

**** وربـي موآآآضيعك خق×خق ج’ـونآآآآآ بـ معنى الكلمهـ ****

يعطيك ربـي الــف عآآآفيهـ ع الموضوع الممتـع والمفيد ..