نداء الى مربين الببغاوات والطيور كافه للربح الاكيد

[راينو]

والله اعذرني اخوي ما تحكم على البيطريين كافة

صح ان الاغلب نصابين لكن فيه بيطريين على مستوى

الحمد لله حنا بالرياض فتحو عندنا عيادة بيطرية كاملة صراحه انا ما زرتها

لكن احسها بيطرية على اصول صح اني ما يمديني احكم عليها من نظرة

لكن باين عليها الشغل النظيف و الممتاز ( وجهة نظري )

بالتوفيق

[توتو الرياض]

المشاركة الأصلية كتبت بواسطة راينو

والله اعذرني اخوي ما تحكم على البيطريين كافة

صح ان الاغلب نصابين لكن فيه بيطريين على مستوى

الحمد لله حنا بالرياض فتحو عندنا عيادة بيطرية كاملة صراحه انا ما زرتها

لكن احسها بيطرية على اصول صح اني ما يمديني احكم عليها من نظرة

لكن باين عليها الشغل النظيف و الممتاز ( وجهة نظري )

بالتوفيق

تكفي وين موقعه في الرياض تكفي عطني الوصف

[ابوغزل]

موضوع مميز وكلام سليم وانشالله نلاقي الاستجابه من الاخوان المقتدرين



تقبلو مروري

ابو غزل


حبتييييييييييييييييييييييييييييييييييييييييييييييييين

[abu mohamed]

بارك الله فيك و أنا أضم صوتي لصوتك

[سيدالعشق]

مشكورين اخواني لاصواتكم والحمدلله انه فيه كثير مؤيدين وهذي ان شاء الله اول الطريق احنا بحاجه الى عيادات طبيه على مستوى راقي وموثوق للحيوانات وبالاخص الطيور
والله لو تنكسر رجل كناري مالقيت من يثبتها لك بشكل صحيح انت واجتهادك وحوسة النت
وتراني استغرب كثير من كثير من الاخوان لما يقولون مقصوص جناح الببغاء عند بيطري والبياطره وهذي عن خبره مايدري الطير ايش نوعه

[fahd_90]

فكرتك لازم تؤيد اخوي بس مين يسمع ..الشغله محتاجه تخطيط سليم ودعم وللاسف عندنا الحيوانات مظلومه ..صحيح ان في ناس هاويه وتربي بشكل ممتاز لكن ينقصنا امور كثيره يبيلها
موضوع لحاله..تخيل اني اول ببغاء شريته رحت اكشف عليه وكان بعدها بشهر لاحظت حالته متغيره
قلتله الببغاء شكله عنده اسهال وانا متأكد ان عنده اسهال بس ابي اشوف تشخيص البيطري قالي
يمكن مزكوم!! وش تقول في هذا بالله؟ من جد اللي قال منسمين هذا مو بس منسم الا يهرب وينقص زيت بعد.. الله يصلح الحال بس..


وشكرا لاهتمامك وطرحك

[هاوي الحيوانات 2009]

والله كلامك في محلة ونتمني من الدولة انها تسكر المحلات الي تستغل الناس وتبيع الطيور المريضة وتضع حدود للمهزله مثل سوق الحمام وتشطب الهنود و تحط قرارات صارمة للاي يبوعون الحيوانا المريضة والله خسارة 2000 ثمن يموت الحسكين ....

[روهلات المعالي]

فكرة طيبه ولكن اظن الخبرة والإطلاع قد تكون لها مجال أكثر من البيطريين الذين لايفهمون سوى بالإبل والبقر

[الهايسنث]

ياجماعة المشكلة مو في البياطرة ولا في الطيور المشكلة

فينا احنا طبعا بتقولون شلون

ياخي يجي واحد ما يعرف اي شيء عن الطائر شافة وعجبة

وراح شراه وحطة في قفص وترك الطير مع الاطفال يلعبون فية

والا قعد عند المشب وشاب السمر والدخنة في وجة الطائر من جهه

والبرد من جهه ثانية ويقول لية يموت

واللي شاري فرخ عيونة سود والفايروس جاي معة بسبب الطيور المريضة

ويقول ليش البيطري ما عطاني علاج

ياجماعة الخير هناك اسباب للموت ومعروفة ووقت شراء الطيور لها وقت

ولله الحمد لي اكثر من 10 سنوات ما وديت طيوري لبيطري الا عشان

اقصص جنحانة او اظافره فقط لا غير ولا مات عندي طير

المكان المناسب والاكل النظيف والصحي والتنظيف بأستمرار

يهيء لك ويساعد على صحة طائرك

في الاخير انا مع اقتراحك ويجب نعمل بالاسباب

ونساعد انفسنا قبل ما نساعد طيورنا

اخوكم الهايسنت

[راينو]

المشاركة الأصلية كتبت بواسطة الهايسنث

ياجماعة المشكلة مو في البياطرة ولا في الطيور المشكلة

فينا احنا طبعا بتقولون شلون

ياخي يجي واحد ما يعرف اي شيء عن الطائر شافة وعجبة

وراح شراه وحطة في قفص وترك الطير مع الاطفال يلعبون فية

والا قعد عند المشب وشاب السمر والدخنة في وجة الطائر من جهه

والبرد من جهه ثانية ويقول لية يموت

واللي شاري فرخ عيونة سود والفايروس جاي معة بسبب الطيور المريضة

ويقول ليش البيطري ما عطاني علاج

ياجماعة الخير هناك اسباب للموت ومعروفة ووقت شراء الطيور لها وقت

ولله الحمد لي اكثر من 10 سنوات ما وديت طيوري لبيطري الا عشان

اقصص جنحانة او اظافره فقط لا غير ولا مات عندي طير

المكان المناسب والاكل النظيف والصحي والتنظيف بأستمرار

يهيء لك ويساعد على صحة طائرك

في الاخير انا مع اقتراحك ويجب نعمل بالاسباب

ونساعد انفسنا قبل ما نساعد طيورنا

اخوكم الهايسنت

كلام سليم 100% و جدا جدا عجبي

و انا نفس الوضع ما رحت للبيطري الا يوم اهملت طيري لكن يوم بديت اتني فيه احسن من اول
رجع طيب و لله الحمد