~][ ساعدوني في مشروعي الصغير ][~

[طير الهوى]

المشاركة الأصلية كتبت بواسطة شاهيـن

ماشاء الله عليك يعجبني أنك درست الموضوع من جميع النواحي و قرأت و صممت تصميم رائع أتمنى لك التوفيق
بالنسبة لي لا أفقه شئ بالانتاج و اتمنى لو أقدر أفيدك
بالنسبة للتبريد أتوقع و ضع مكيف صحراوي لأن الحرارة في الصيف والله لا تحتمل ويكون اتجاه الهواء بشكل غير مباشر للعشة.
بالتوفيق

أهلا بالأخ شاهين .. أشكر لك تواجدك وتلبيتك للدعوهـ ^.^

يكفيني مرورك يالغالي .. وان شاء اللهـ راح تكون ملاحظاتك في البال والحسبان ^.*

شاكر لك ومقدر يالغالي

،،

[0030879]

هذه كم مقطع فيديو يمكن تفيدك ايضا



ماعليكم من الفلبينيين يتهاوشون




بالتوفيق اخي

[طير الهوى]

،،

ياسلاااااام علييييييييييك اخوي 0030879

من أي كوكب أنت يا هذا ؟

<<< مسوي عصام الشوالي لووووووووووول

بصراحه ياخي لساني وأصابعي الدبيّه .. تعجز عن شكرك وتقديرك !!

قدمت لي فائدة كبيرهـ .. وعظيمهـ ..

* بالنسبة للنوافير الثابتهـ هذي .. هي اللي كنت أقصدها ونتكلم عنها أنا وأخوي lost love .. وأنت عطيتني أفكار عنها ونماذج روووعة .. وبتريحني كثيييير واللهـ !!

بتفكني من الريحة على الرمل والنشارة .. وكذلك تحمي الأكل من الماء .. واللي وده يتروش على راحتهـ مافيه شي بالغصب !!

* بالنسبة لـ الاستفادة من خبرات من سبق .. انا راسلت بعض الأعضاء ودعوتهم للتواجد معي هنا بهالخصوص .. وكذلك أبحرت في المواقع الأجنبيهـ .. ولكن لما أشوف الأجهزة اللي عندهم والتقنيات في الإنتاج والتربية .. أجهزة من جد مكلفهـ .. جهاز يكشف تخصيب البيض .. وجهاز علشان مدري ايش .. و هالشي يبي له تفرغ تااااااااااام .. ويبي لها واحد مايدري وش يسوي بفلوسهـ !! ^.^

* بالنسبة لطيور الحب وافتراسها .. كان زوج عمتي يضع الكناري والبادجي في سلاكة واحدة كبيرة .. لكن كان البادجي يجي ويعض رجلين الكناري لين يقطعها ويتركهـ ينزف .. ويخليهـ لين يموت !! فالنقطة هذي ماغابت عن بالي ابد !!!

* السلاكات الخشبية المخصصة للإنتاج هذي أبهرتني !! من جد أحسها مرتبة صح .. والأعشاش وكل شي .. خلاص هذي مسويها مسويها ان شاء اللهـ .. اللهـ لا يعوق بشر ..!! بخليها للكروان فقط .. شغل فن ..

* مقاطع الفيديو أعجبتني مرهـ .. خصوصا ً المقطع الثاني .. حاجة حلوهـ .. لو مايجي منها إلا المنظر ^.^


بصراحه أنا ماني عارف كيف أشكرك أخوي 0030879 .. بصراحهـ ردود ولا أحلى ولا أروع .. ردود توسع الصدر وتشرح الخاطر .. عسى ربي لا يحرمك الأجر ان شاء الله ..

ولا تحرمنا من أفكارك الحلوهـ .. أنت شيء خرافي ..!!

،،

[الاثلة]

ما شاء الله تبارك الله

فكرة جميلة والله يوفقك

رايي المتواضع واعلم انك اجبت عليه قبل {نوع الطيور } لو تكون افريقي كبداية افضل من الانواع التي ذكرت

وتستاهل التعب والجهد المبذول

* قرأت كم مرة هنا للشباب اقتراح للتفريق بين الذكر والانثى للافريقي وضع عدد من الطيور في نفس العشة

ومراقبتها وبعد ذلك تتبين الازواج ويمكن التعامل معها

دمتم سالمين

[طير الهوى]

المشاركة الأصلية كتبت بواسطة الاثلة

ما شاء الله تبارك الله

فكرة جميلة والله يوفقك

رايي المتواضع واعلم انك اجبت عليه قبل {نوع الطيور } لو تكون افريقي كبداية افضل من الانواع التي ذكرت

وتستاهل التعب والجهد المبذول

* قرأت كم مرة هنا للشباب اقتراح للتفريق بين الذكر والانثى للافريقي وضع عدد من الطيور في نفس العشة

ومراقبتها وبعد ذلك تتبين الازواج ويمكن التعامل معها

دمتم سالمين

هلا والله وغلا بـ الأثلة ^.^

يبي لنا ناخذ منك كم غصن للعشهـ لوووووووووول .. اذا جيت للقصيم بقحش من المزرعهـ ان شاء اللهـ .. ^.^

بالنسبة للأفريقي وإنتاجهـ قرأت عنهـ أياااااااام وليالي .. وتابعت كل صغيرهـ وكبيرهـ فيهـ .. سواء مواقع عربيهـ أو أجنبيهـ .. صحيح إنتاجهـ صعب لكن ماهو مستحيل .. لكن يظل صعب ..

والصعوبات تكمن في اختيار الجوز .. كيف تعرف أنه بالغ ؟ يمكن عينه صفراء لكن مو بالغ !! ولا بد ان يكون الذكر أكبر عمر من الأنثى وكيف تعرف هذا !! صحيح يتوالفون لكن الأنثى لا تقبل الانتاج من الذكر اللي أصغر منها !!

كيف يتم اختيار الجوز ؟ تشتري 10 ببغاوات متوحشة وتشوف المتوالف بعد فترة ؟ صحيح ممكن يتوالفون لكن ماينتجون بسبب النقطة اللي قلتها لك قبل شوي انه الانثى اكبر عمر من الذكر ! ولو بغيت تشتري جوز منتج كم بتدفع فيهـ !! هذا اذا لقيت أحد يبيع عليك جوز منتج .. لأن الأجواز المنتجة محد يفرط فيها !!

موضوع طويل .. وشائك قليلا ً .. لكن في البداية أحب التعامل مع طيور سهلة الانتاج والتفريخ .. لكسب الخبرة .. وعدم تكبد خسائر كثيرهـ مقارنة بالطيور الأكبر

وأرجع أقول الهدف الأول من العشهـ ممارسة هواية تربية الطيور .. ثم الزينة .. ثم الانتاج في الأخير

شاكر لك يالاثلة مرورك .. وتشريفك صفحتي ..

،،

[0030879]

الله يوفقك وييسر امورك

وبالنسبة للسلاكة راح احاول اجيب لك خطواتها خطوة خطوة

اما جهاز كشف التخصيب يكفي كشاف واطفي النور ويبين معك لو مخصبة فيها عروق دم لو ماهي مخصبة تطلع شبه فاضية شفافة



لانستبق الأحداث راح اكون معك بالموضوع على طول الخط


واتمنى لك التوفيق

[طير الهوى]

،،

عندي عدة نقاط وتساؤلات بالنسبة للسلاكات الخشبية هذي :



أولا ً : طريقة تنظيفها .. هل يتم تنظيفها بالمكنسة اليدوية ( الحشّاية ) ؟ لأني ما أشوف لها درج فضلات أعزكم اللهـ ..

ثانيا ً : برأيي من الأفضل استبدال آخر قفص في الأسفل بـ رف ّ فاضي لوضع مستلزمات الطيور .. لأن الطيور لا تحب أن تكون في مكان منخفض مثل كذا ولا تشعر بالأمان فيهـ .. فهل تؤيدون وجهة نظري ؟


أحب الإشارة إلى أن السلاكات هذي تنفعني باختيار وانتقاء الأجواز .. و استخدامها كمحجر صحي .. وكذلك توفر علي الديكور الداخلي للعشة .. فما فائدة مناظر طبيعية وهي داخل أقفاص من الأساس !!


السلاكات هذي للإنتاج فقط .. سأضعها في عشة لحالها .. و إنتاجها .. والغير جاهز للإنتاج من الأزواج الأخرى سيتم وضعهـا في العشهـ الكبيرهـ .. ^.^

أسأل اللهـ أن يعين ويسهل

،،

[طير الهوى]

،،

هلا بك أخوي 0030879

بالنسبة لطريقة الكشف عن البيض المخصب وغير المخصب .. فعلا ً الطريقهـ هذي ناجحهـ .. وجربتها قبل بطيوري الكروان لما بيضوا .. ونتائجها مضمونهـ بإذن اللهـ تعالى ..

ماتقصر يالغالي وما نستغني عن خدماتك ونصايحك الحلوهـ ^.^

،،

[الوديع]

ماشاء الله تبارك الله مشروع جدا ممتاز وفكرتة احترافية بحتة بس في النهاية هي
هواية للترفيه والاستمتاع بالطيور اتمنالك التوفيق و النجاح في مشروعك
وبالنسبة لعملية رش العشة بالماء اضن فكرته تسبب بعض المتاعب
ولو استغنيت عنها بالنوافير تكون وايد افضل وعن الاسلاك
لاتخاف في كفر نوعة بلاستيكي قوي يغطي الاسلاك
ويمنع الطيور من عض الاسلاك واخيرا مشروع
روعة واتمنى لك النجاح واتقبل مروري

[طير الهوى]

المشاركة الأصلية كتبت بواسطة الوديع

ماشاء الله تبارك الله مشروع جدا ممتاز وفكرتة احترافية بحتة بس في النهاية هي
هواية للترفيه والاستمتاع بالطيور اتمنالك التوفيق و النجاح في مشروعك
وبالنسبة لعملية رش العشة بالماء اضن فكرته تسبب بعض المتاعب
ولو استغنيت عنها بالنوافير تكون وايد افضل وعن الاسلاك
لاتخاف في كفر نوعة بلاستيكي قوي يغطي الاسلاك
ويمنع الطيور من عض الاسلاك واخيرا مشروع
روعة واتمنى لك النجاح واتقبل مروري

هلا وغلا اخوي الوديع ^.^

مرورك أسعدني وشجعني وحمسني .. ^.^

وان شاء الله توجيهاتك راح أحطها بعين الاعتبار ..

طاري الكفرات جاب خطط براسي .. بس خلني أمخمخ عليها بعد ^.^

لك شكري وتقديري

،،