طريقة المسح على راس الافريقي ؟؟

[فتفوته]

أخواني
ابغى طريقة المسح على الراس غير الطريقة اللي بالمنتدى
ياليت احد يقدر يساعدني ولكم جزيل الشكر

[خالد الاول]

بالنسبة للبغاء اول شي تهدئته بحيث يتم وضعه في مكان بينكم
خلوه يراقب حركاتكم لمدة من اسبوعين الى شهر

ثاني شي يفضل انك تعطيه الاكل والماء وتنظف القفص له علشان يحس بالامان

تدلعه شوي بالاكل

ثانية فترة تحاول تطلع من القفص ؟؟؟؟ يكون عندك قفاز من النوع القوي
بحيث انه لو عضك ما يعورك ولا تدخل يدك في القفاز كامله
بعدها رح يتعلم يطلع على اليد ويخف
خلك على هالفترة شوي شوي حلو تحط اصبعك على راسه لكن بشرط يشوف اصبعك


اهم شي لا يشوف الطير انك خايف منه


انا عندي طير الحين شغال عليه ومتجاوب معاي لدرجة كبيره

[فتفوته]

اخوي الطير مستحيل احطه بالصالة بسبة المكيف بارد جدا عليه غير كذا اطفال راح يأذونه ,,

فالمكان المناسب له في الغرفة واخليها مفتوحة ,,

وانا اعطيه الاكل والشرب وانظف له القفص واطلعه يوميا فترة الصباح من القفص واخليه يتمشى براحته الين فترىة العصر وادخله القفص ينام ,,

بالنسبة لطريقة القفاز مادري احسها قوية عليه بحكم ان الإفريقي حساس جدا وياخذ موقف من صاحبه ,,

فياليت لو فيه طريقة ثانية غير القفاز والعصا

حاولت احط اصبعي على راسه من ورى بس يخاف ويرفع منقاره فوق يبي يعضني بس الحلو عضته موب قوية

يعني يهددني ابعدي اصبعك ولا ياويلك ,,

والله يخليلك طيرك ويحفظه من العين

[وعـــد الهـــوى]

طيب اوصفي لنا حالت طيرك
لاي مدى وصلت معاه الولفه
يثق فيك ولا لا يخاف منك ولا لا
في منطقه يخليك تمسكيها عادي
لان كل مدى له طريقه

[فتفوته]

هو ياكل من يدي عادي
بس ما يخليني ألمس راسه ولا جسمه ولا رجله يحاول يخوفني بصوته ويعض اصبعي على خفيف ما يعور

[وعـــد الهـــوى]

طيب
انت تقولي انه يخوفك اهم شي انك ماتخافي لانه يفهم انك خايفه
وبكذا ماراح يسمحلك تمسكيه وعرف انك خايفه صار يستعمل معك هذي الحركه
النقطه الاولى لاتخافي منه

ثاني شي
لاتعطيه اصباعك في البدايه لانه بيكون عض الاصباع اسهل اعطيه ضهر يدك

..............................................
طبعا تبداي من الراس صعب عليك
لاكن ابداي من بطنه ورجله
حكي بطنه بضهر يدك بحيث انه مايلاقي مجال يعض يدك
تحكي بطنه شوي شوي واهم حاجه ان حركه يدك تكون بطيئه جدا هذي النقطه مهمه
تحكيله الين تحسي انه خف تروحي شوي على رجله
بعدين
وانت تحكي له بطنه بحيث هذي الطريقه تشغله وانت تحكي له راسه
تبداي تقربي يدك الثانيه على راسه بحركه بطيئه
واذا رفع راسه اشغليه بيدك الثانيه بحركه او صوت
ولمن تحكي راسه لاتكون لمسه يدك خفيفه مره لانه اذا كانت خفيفه تسوي له دغدغه
واستمري على كذا انك تشغليه بيد من تحت وتحكي بالثانيه من فوق


يمكن يكون شرحي ملخبط شوي
انت حاولي والطريقه هذي افضل من القفاز بكثير

[فتفوته]

طريقتك ممتازة اخوي وايضا طريقة اخونا عازف الكيبورد وضعها في موضوع دردشة حول الكاسيكو ,, والطريقة بأن ألمس راسه ومنقاره أثناء اطعامه باليد الين يتعود ,,,

وانا سأجرب الطريقتين بإذن الله .,,

والله يعطيك العافية اخوي ويجزاك كل خير ما قصرت على المساعدة وعلى الشرح الواضح

ولا يهونون الاخوة اللي ردوا ما قصروا الله يبارك فيهم ,,