اشترك في نشرتنا البريدية ليصلك كل جديد

~~IVIoD~~ · 03-06-2011, 11:49 PM

السلام عليكم حبايبي ..

انا شريت قطوه فارسيه انثى وعمرها شهرين وكم اسبوع تقريبا ..

اول ماشريتها كانت تاكل وتشرب وتقضي حاجتها بالليتربوكس المخصص ..

المهم .. اول يومين كانت تمام .. ثالث يوم بدت اعراض التعب عليها .. صارت ماتلعب وطول الوقت نايمه ..

وكانت تصدر صوت انين خفيف ولها ريحه بفمها .. بعدها جلست يوم كامل ما اكلت شي .. فقط تشرب مويه .. وزادت حالتها سووء

وديتها للبيطري وقال عندها عسر بالهضم . وعطاني مضاد حيوي لها .. وقال اكلها زبادي ..

الحين اكلها بادي واعطيها مضادها الحيوي بوقته ,, بس احس مافيه تحسن بحالتها .. وكل يوم تسوء حالتها اكثر من قبل ..

بليييييز ساعدوني ايش اسوي .. اخاف تموت ..

دلوعةقطوتي · 03-06-2011, 11:52 PM

وعليكم السلام ورحمه الله وبركاته
ايش كنت تاكلها؟ لاتعطيها معلبات
اكلها دجاج مسلوق ومفتت او اكلات خفيفه لاتعطيها لحم اللحم ثقيل ولاتخبص لها بالاكل نظم وجباتها
اذا فمها فيه ريحه يمكن عندها التهاب او شي
المضاد اللي اعطاك بيتاموكس؟لو بيتاموكس حلو بس استمر عليه
واعطيها الزبادي مع شويه عسل لو عندك وحاول تاكلها دجاج
والخمول وقل الحركه من الحراره المس اذنها من جوى حاره اولا لو حاره اعمل لها كمادات بمويه فاتره مو بارده على بطنها واطرافها
وسلامة قلبها ان شاءالله تشفى وترجع احسن من اول

~~IVIoD~~ · 04-06-2011, 12:01 AM

هلا اختي .. لا انا اكلها دراي فود ..

المضاد ايه بيتاموكس ... وحرارتها طبيعيه ..

شلون اكلها دجاج وهي ترفض تاكل اساسا ..

انا اعطيها الزبادي بالشفاط يعني اغصبها على الاكل ..

دلوعةقطوتي · 04-06-2011, 12:08 AM

ماينفع بس دراي فوود لازن التنويع
لو استمرت رافضه الاكل روح للدكتور وخليه يعطيك لها مغذي بالوريد
البيتاموكس كويس بس استمر عليه خمس ايام ولو ماتحسنت كملها ل7 ايام
اما الدجاج انا اقولك اسلق صدر دجاجه وخلي معاه المرق تبعه وبالخلاط اخلطهم بيصيروا زي الشوربه
جيب سرينج(بس شيل الابره)واعطيها
او بملعقه صغيره واكلها او اخلطه مع الزبادي
وفيه فيتامين للكيتز زي العصار اشتريه لها واعطيها منه

~~IVIoD~~ · 04-06-2011, 12:11 AM

ان شاءالله ..

الله يعطيك العافيه .. بس ياليت تكوني متابعه معي .. عشان اي تطور بحالتها اقولك ..

ماقصرتي .. الله يسعدك يارب

دلوعةقطوتي · 04-06-2011, 12:21 AM

ربي يعافيك
والله يشفيها
ولايهمك ماقصر معاك باللي اعرفه

امال شاعر · 04-06-2011, 12:40 AM

اسلام عليكم

سلامة قطتك ماتشوف شر ان شاء الله

انا قطتي مثل قطتك اول ماجبتها عملتلها مسلوقه دجاج مع الجزر والبطاطه

واخلطه في الخلاط مع المرق حتحبه مرره

وحسسها بالامان لان البيت غريب عليها

اشتريلها العاب لسنها مثل الكورالبلستك او الحبال الطويله جيبها وحطها في كل باب غرفه

عشان كل ماتجي وتروح تلعب بيها

واتمنا تكون بخير وان شاء الله افتك

~~IVIoD~~ · 08-06-2011, 02:49 AM

ياااااااااااااااااااربي

الحقيني يادلوعه ..

قطوتي مرررره تعبانه .. ما فاد معها المضاد الحيوي ابدااا ولا الزبادي ..

نحفت مرررره .. وصارت ماتتحرك ابد .. وتقضي حاجتها على نفسها ..

وصاير ريحتها لا تطاق

..

علما باني اشربها حليب المراعي دافي واحط معه سكر ..

والمويه عندها دايم .. بس ماتاكل ابدا .. وربي تعبت .. اخاف تموت علي ..

القطوه عمرها شهرين وكم اسبوع تقريبا ..

بليييييييز عطوني نصايح ابيها تتشافى وتصير نشيطه وتلعب ووتتحرك ..

.. حاليا ما اقدر اطلع من البيت عشان اروح للبيطري لان عندي اختبارات نهائيه

بس ممكن لو اغراض من السوبر ماركت عادي ..

الله يوفقكم سااااااعدوني .. وربي اختي قاعده تصيح عليها كل يوم خايففه لاتموت

دلوعةقطوتي · 08-06-2011, 03:17 AM

حليب وسكر لالالالالا
الحليب اساسا يسبب لها اسهال لانو فيه جلوكوز ومعدتها ماتهضمه والسكر معروف ضرره للقطط
الحل تاخذها لدكتور يعطيها مغذي
عندها اسهال؟ وقف عنها الحليب والجبن
واكلها سيريلاك بالرز من اي صيدليه وجيب سرينج واكلها بالغصب او مهلبيه بدون سكر خلي اختك تصلحها بس بدل الحليب تزودها مويه الرز المصري عشان يمسك بطنها
طريقة المهلبيه:

نسخن كوب حليب ويفضل قليل او منزوع دسم لحد الغليان

(ممكن نص الكوب حليب ونصه الثاني ماء رز مصري)

نخلط ثلاث ملاعق صغيره نشا مع ملعقتين ماء بارد لحد مايمتزجون

بعدها نضيفه للحليب اللي بيغلي وتحريكه لمده 3 دقائق وبعدها

نتركه لحد مايكون دافي وناكل القط طول اليوم بس مهلبيه لحد مايوقف الاسهال
وكمان قول للصيدلي يعطيك محلول بيبي لايت للجفاف وشربها شويه بالسرينج ممكن تخلط معاه شوية عسل يقويها
وبعد لو عندك فيتامين للكيتز اعطيها منه وكمل مع المضاد
وانتبه تحممها يدخلها برد ولو المكيف برد قصر عليه وبنسبه لريحتها لو ماعندك لاالبخاخ ولا الدراي كلين نظفها بمناديل البيبي بدون كحول وربي يشفيها

كيتي كاتز · 08-06-2011, 04:51 AM

الله يعطيكي العافيه يادلوعه ماقصرتي
وانا بازيد لك كمان ممكن تجيب لها من الصيدليه البشريه شراب انازول او فلاجيل ممتاز للأسهال وينظف المعده لو فيها اي ميكروب
اعطيها 1 سم بالسرنجه مرتين باليوم
وممكن تدوب ملعقة نشا (كورن فلاور) بشوية مويه وتعطيها منها بالسرنجه كمان ممتازه
ماتشوف شر ان شاء الله