اشترك في نشرتنا البريدية ليصلك كل جديد

ميو ميو هو هو · 21-10-2009, 11:27 PM

السلام عليكم

هذا صورة للكاسكو الي عندي وشريته قبل اسبوعين تقريباً

ما شاء الله

تبارك الله

ودي اعرف كم عمره

وهو يجعر هل ابدا الان بالمسح على رأسـه وهو له اسبوعين

مع اني حاولت وبديت امسح على راسه شوي شوي وهو يجعر

هل استمر والا انتظر شووي ؟

دانيل · 22-10-2009, 12:19 AM

ما شاء الله تبارك الله
اخوي الطير عمره كبير يمكن سنة ونص او اكثر شوي,بس اذا تقدر تمسح على راسه دايم امسح عليه عشان يتعود ويصير اليف,يتربى في عزك

د. إحتـراف · 22-10-2009, 12:43 AM

السـلام عليكم

أتوقع طيرك عمـره مابين سنه الى سنه ونص

واسبوعين وقت كافي عشان الطير يعرف البيت وجو البيت

أبدا الله يوفقك يارب

تقبل مروري

ricky · 22-10-2009, 01:26 AM

ماشاء الله تبارك الله

ابو محمــد · 22-10-2009, 05:52 AM

ماشاء الله تبارك الرحمن ,,

عمره فوق السنتين مبين من لون العين صفراء,,

اذا يسمح لك تمسح امسح ولا تتردد عشان تكسر الحاجز والخوف,,

وكافأ بالأكل المفضل مثل الفول السوداني أو العسل اذا يعض.

ميو ميو هو هو · 22-10-2009, 07:28 AM

يعطيكم العافيه جميعآ وكل من ساهم ورد بالموضوع

يعني الطير عمره سنتين تقريبا ؟

هو مايعض بومحمد بس يجعر

ولو عض عضه خفيفة مررة مثل الدفاع بس

"مجرد علامة" · 22-10-2009, 08:49 AM

ماشاء الله تبارك الرحمن

الف مبروك

مثل ما قالك اخوي ابومحمد

وعني انا انصحك دام الطير مايعض لا تعجل عليه

ماهو لازم تصير تمسح عليه خله فترة الين ياخذ عليك وعلى الجو اهم شي الآن حاول تدربه على طلعة اليد

والمسح وحكة الراس خلها بعد مايتعود يطلع على يدك ويثق في انك ماراح تأذيه

والله يوفقك

يارب عفوك

naasooh · 22-10-2009, 11:37 AM

العين صفراا
العمر بالضبط كم ألله أعلم
وأذا متجاوب معاك ممتاز وألأهم ركز على العنايه بصحته والتغذيه وهذا ألأهم
و
التدريب يكوون مع التكرار
أذا يسمح بالمسح على راسه فحاول أنك تكر معاه وبدون ردة فعل تخوفه
وخذ التدريبات بالتدريج كل ما تخلص تدريب
تبدأ تكرر عليه عشان يثبت
بعدين تدخل بالتدريب الثاني

ميو ميو هو هو · 22-10-2009, 11:30 AM

الله يبارك بحياتك

هل الكاسكو بهالعمر اقدر اروضه وادربه واعلمه الكلام ؟

وماذا نصيحتكم لي هل اخليه اغلب وقته على الاستاند او اني اخلي اغلب وقته بالقفص ؟

واخر سؤال

كم السعر الي يستاهله بهالعمر ؟

الحريه · 22-10-2009, 06:29 PM

=ميو ميو هو هو;1117623]الله يبارك بحياتك

هل الكاسكو بهالعمر اقدر اروضه وادربه واعلمه الكلام ؟

نعم تقدر تروضه وتدربه على الكلام ويوجد عندي واحد كبير في العمر وبالغ يعني عمره خمس سنوات وله عندي 3سنوت يعني 8سنوات يتكلم ومتدرب ويرقص وصوته أقوى من صوتي

وماذا نصيحتكم لي هل اخليه اغلب وقته على الاستاند او اني اخلي اغلب وقته بالقفص ؟

خليه في القفص أحسن ولكن وقت التدريب تخليه على الاستاند ,,وحول تاكله بيدك وشوي شوي راح يحس بالامان وراح يهدى وتروح عنه الجعره,

واخر سؤال

كم السعر الي يستاهله بهالعمر ؟

السعر ماحد يقدر يحدده بالضبط بس هدى 650الى 800ريال تقريبي وأتمناء لك التوفيق,,,